Morgunblaðið - 29.11.2008, Blaðsíða 26

NORRÆNA félagið í Reykjavík mun í sam-
starfi við ríflega 100 kaupmenn og veitinga-
húsaeigendur í miðborginni gefa út 70 þús-
und afsláttarkort sem gilda munu allan
desembermánuð. Kort sem þessi hafa staðið
félagsmönnum til boða áður en nú verður
þeim dreift með næsta Sunnudagsblaði
Morgunblaðsins.
Kortin veita yfirleitt afslátt á bilinu 10-
20% af vöru og þjónustu í verslunum og veit-
ingahúsum.
Philippe Baltz Nielsen, verkefnastjóri hjá
Norræna félaginu, segir kortin hugsuð sem
kjarabót um leið og þau muni auka líf og
stemningu í miðbænum á aðventunni.
„Við viljum leggja okkar af mörkum á erf-
iðum tímum og auka samheldni fólks og
samstöðu,“ segir Nielsen en erlendir ferða-
menn geta einnig notað afsláttarkortin og
handhafar Norden Voyager kortanna geta
fengið viðbótarafslátt.
Kakó og kórsöngur
Fulltrúar frá Norræna félaginu og Hjálp-
ræðishernum verða á 13 stöðum í mið-
bænum þrjá laugardaga til jóla og bjóða
gestum og gangandi upp á heitt kakó,
mandarínur og kökur. Jólasveinar verða á
ferðinni ásamt kórum og fleiri tónlist-
armönnum.
Viðburðirnir fara fram 6., 13. og 20. des-
ember frá kl. 14 til 18. Á þessum sömu stöð-
um verða kortin einnig til reiðu sem og hjá
viðkomandi kaupmönnum.
Afsláttarkort á að-
ventu í miðborginni
Eftir Björn Jóhann Björnsson
bjb@mbl.is
KAUPMENN í miðborginni segjast klárlega
finna fyrir minni verslun en áður. Nóvember
hafi yfirleitt verið frekar daufur, eftir að ágæt
sala hafi verið í október. Þeir binda vonir við að
átak Norræna félagsins og fleiri glæði miðborg-
ina lífi á aðventunni. Engu að síður er hætt við
að einhverjar verslanir og fyrirtæki á svæðinu
hætti starfsemi að lokinni jólaverslun. Þegar er
farið að bera á að verslanir hafa lokað, eða til-
kynnt viðskiptavinum sínum að hætt verði eftir
áramót.
„Kaupmenn munu svo sannarlega reyna að
þrauka sem lengst og þá helst fram yfir jól og
janúarútsölurnar. Spurningin er hve lengi
menn geta þraukað. Það er hætt við að ein-
hverjir lifi þetta ekki af,“ segir einn viðmælenda
blaðsins úr röðum kaupmanna.
Klara Jóhannsdóttir, eigandi verslunarinnar
Munthe plus Simonsen á horni Laugavegar og
Vatnsstígs, segir að það þýði ekkert annað en að
reyna að vera bjartsýn. Hún fagnar átaki Nor-
ræna félagsins og Hjálpræðishersins og vonar
að afsláttarkortin og stemningin sem til stendur
að skapa muni laða fólk í miðbæinn á aðvent-
unni.
„Óneitanlega eru þetta erfiðir tímar fyrir
kaupmenn og eitthvað verður að gera. Það
þyrfti til dæmis að lækka húsaleiguna og bæði
ríki og borg ættu að reyna að koma til móts við
kaupmenn, svo ekki sé nú minnst á að reyna að
festa gengið,“ segir Klara og bendir á að kaup-
menn geti hreinlega ekki lagt á vörurnar þær
upphæðir sem breytist kannski á viku frá því að
pöntun fer fram þar til að þær koma í hús. Verið
sé að selja vörurnar langt undir innkaupsverði.
Vantar líf í húsin
Hún hefur verið við Laugaveginn í bráðum
tvö ár og segist finna mikinn mun milli ára. Fyr-
ir utan erfiðleika í efnahagslífi þjóðarinnar
vanti líka fólk og meira líf í húsin við Laugaveg
og víðar í póstnúmeri 101, þau standi mörg hver
auð og yfirgefin. Þannig hafi þetta verið í nokk-
ur ár.
„Samt sem áður trúi ég því að þetta eigi allt
eftir að lagast og Laugavegurinn lifi þetta af.
Hér er sál og saga Reykjavíkur,“ segir Klara.
Kaupmenn ætla að
þrauka fram yfir jól
 Hætt við að mörgum verslunum í miðborginni verði lokað eftir áramót
 Kaupmenn fagna átaki Norræna félagsins og vona að verslunin glæðist
Morgunblaðið/Valdís Thor
26 FréttirINNLENT
MORGUNBLAÐIÐ LAUGARDAGUR 29. NÓVEMBER 2008
Eftir Bergþóru Njálu Guðmundsdóttur
ben@mbl.is
ÞAÐ getur verið erfitt að finna út úr
því hvernig á að láta á krónurnar end-
ast í jólagjafainnkaupunum sem fara
nú í hönd. Það þarf þó ekki alltaf dýr-
ar gjafir til að gleðja vini og vanda-
menn og nú hefur hópur fólks á aug-
lýsingastofunni Kapital ákveðið að
létta fólki leitina að hinni fullkomnu
jólagjöf með vefsíðunni undir5000.is.
Á síðunni má finna alls kyns jóla-
gjafir sem jú, eiga það allar sameig-
inlegt að kosta minna en 5.000 krón-
ur. Margar kosta mun minna og eru
vörur framleiddar á Íslandi áberandi
enda sérmerktar með fánalitunum.
Rúsínan í pylsuendanum er svo að
um leið og ný vara er sett inn á vefinn
bætast 5.000 krónur í sjóð sem renn-
ur til góðagerðarmála.
„Þetta er í rauninni hugmynd sem
vaknaði hérna innanhúss hjá okkur,“
útskýrir Kristinn Svanur Jónsson,
verkefnastjóri hjá Kapital. „Okkur
langaði að gera eitthvað skemmtilegt
fyrir jólin og láta gott af okkur leiða.
Ég veit ekki hvort við hefðum gert
þetta fyrir ári en eins og ástandið er
núna ákváðum við bara að keyra á
þetta.“
Jólagjafahandbók á netinu
Vefurinn virkar þannig að seljandi
borgar 10 þúsund krónur fyrir hverja
vöru sem sett er inn á vefinn en af því
renna 5.000 krónur til góðagerð-
armála. Ákveði seljandinn að auglýsa
fleiri en tvær vörur með þessum
hætti borgar hann aðeins 5.000 krón-
ur og fer upphæðin þá öll í góðagerð-
arsjóðinn. „Í rauninni er þetta bara
eins og jólagjafahandbók á netinu,“
heldur Svanur áfram. „Þú kaupir
ekki vörurnar þarna en færð upplýs-
ingar um hvar þær fást. Í mörgum til-
fellum er um að ræða litla aðila á
markaði, þannig að fólk hefði annars
þurft að hafa talsvert fyrir því að
finna þessar vörur.“
Sem dæmi um jólagjafir á síðunni
eru sultuskeiðar úr postulíni, t.d. til
að láta fylgja með heimagerðu sult-
unni, lítið segulmagnað stykki sem
heldur saman I-pod heyrnartólunum,
Íslandstuskan svokallaða, merktar
svuntur og prjónuð hálsbindi, sem
allt flokkast sem íslensk framleiðsla.
Kartöfluhanskar, ljónainniskór, lit-
breytingarkerti og púsluspil eru inn-
fluttir hlutir sem einnig gætu glatt
um jólin. „Þarna er mjög mikið af
smærri, íslenskum söluaðilum og fyr-
irtækjum sem sjá þetta sem ódýra
auglýsingu enda er ekki á færi allra
að ráða til sín stóra auglýsingastofu
og birta auglýsingar í blöðum og sjón-
varpi,“ útskýrir Svanur. „Viðtök-
urnar hafa verið frábærar. Eftir tvo
og hálfan sólarhring höfum við fengið
5.000 heimsóknir á síðuna, búin að
safna rúmum 300 þúsund krónum til
góðgerðarmála og erum með 450
manna hóp á Facebook-samfélags-
vefnum.“
Barnaspítali Hringsins, Mæðra-
styrksnefnd og ABC-barnahjálp
munu njóta góðs af peningunum sem
safnast til góðgerðarmála á síðunni.
Morgunblaðið/Valdís Thor
Stoltir Svanur og félagar hans á Kapital eru að vonum ánægðir með síðuna, sem hefur fengið frábærar undirtektir hjá seljendum og kaupendum.
Gluggi að ódýrum gjöfum
 Safnað til góðagerðarmála með jólagjafahugmyndum á netinu  Minni fram-
leiðendur og seljendur duglegir að nýta síðuna  Íslenskar vörur áberandi
JÓLAMARKAÐUR verður opnaður
á hádegi í dag í Byko-húsinu við
Hringbraut. Undirbúningur að at-
vinnuskapandi jólamarkaði hefur
staðið yfir í nokkra mánuði og er
verði bása, sem hægt er að leigja
allan desembermánuð eða bara í
einn dag, stillt í hóf, að því er segir í
fréttatilkynningu frá aðstand-
endum markaðarins. Boðið verður
upp á afnot af sviði miðsvæðis á
markaðnum.
Jólamarkaður
á Hringbraut
LJÓSIN verða
tendruð á Ham-
borgartrénu í
fertugasta og
þriðja sinn á Mið-
bakka Reykja-
víkurhafnar í
dag kl. 17. Að
lokinni athöfn
bjóða Faxaflóa-
hafnir upp á
heitt súkkulaði og meðlæti í Lista-
safni Reykjavíkur. Afhending trés-
ins er þakklætisvottur til íslenskra
sjómanna fyrir matargjafir til
barna í Hamborg sem þeir færðu
stríðshrjáðum börnum eftir síðari
heimsstyrjöldina.
Ljósin tendr-
uð í dag
KRISTÍN Tóm-
asdóttir frí-
stundaráðgjafi,
Stefán Jónsson
leikstjóri og Ill-
ugi Jökulsson rit-
höfundur verða
ræðumenn á úti-
fundi á laug-
ardag á Aust-
urvelli.
Fundurinn hefst kl. 15.
Yfirskrift fundanna, sem hófust
11. október, hefur verið „Breiðfylk-
ing gegn ástandinu“. Fjöldi fund-
armanna hefur vaxið milli funda.
Í fréttatilkynningu frá fund-
arboðendum segir að krafa fund-
armanna sé afsögn stjórnar Seðla-
bankans og stjórnar
Fjármálaeftirlitsins og að boðað
verði til nýrra kosninga.
Einnig verður fundur á Ak-
ureyri.
Útifundur á
Austurvelli
Illugi Jökulsson