Morgunblaðið - 15.07.2009, Qupperneq 4
4 FréttirINNLENT
MORGUNBLAÐIÐ MIÐVIKUDAGUR 15. JÚLÍ 2009
Eftir Bjarna Ólafsson
bjarni@mbl.is
MAGNÚS Gunnarsson, fyrrverandi formaður bankaráðs
Búnaðarbanka Íslands, segir að lán Búnaðarbanka Ís-
lands til Björgólfs Guðmundssonar og Björgólfs Thors
Björgúlfssonar hafi verið veitt í apríl 2003. Þá hafði ríkið
selt bankann og nýir eigendur skipað nýtt bankaráð.
Síðar var Búnaðarbankinn sameinaður Kaupþingi, að
því er segir í yfirlýsingu frá Magnúsi.
Skrifað var undir samning vegna kaupa Samsonar á
Landsbankanum um áramótin 2002 og 2003. Greiðslan til
ríkisins var hins vegar innt af hendi í lok árs 2003, eftir að
gengið hafði verið frá láni frá Búnaðarbankanum.
Endanlegt kaupverð nam um 11,5 milljörðum króna og
við undirritun sýndi Samson fram á greiðslugetu og lagði
t.a.m. fram bréf Björgólfs Thors Björgólfssonar í
Pharmaco til tryggingar á greiðslu. Tíminn sem leið frá
undirritun kaupsamningsins og afhendingar kaupverðs-
ins var nýttur til að ljúka fjármögnun kaupanna, þar á
meðal með láni frá Búnaðarbankanum. Skuld Samsonar
við Búnaðarbankann nemur nú um 4,9 milljörðum króna
auk dráttarvaxta, eða samtals um sex milljörðum króna.
Tveimur vikum eftir söluna á Landsbankanum, eða 16.
janúar, var gengið frá kaupum S-hópsins svokallaða á
Búnaðarbankanum. Hluta kaupverðsins fengu kaupend-
ur að láni hjá Landsbankanum, en sú skuld mun hafa ver-
ið greidd að fullu.
Fengu lán eftir undirritun
Í HNOTSKURN
»Samningurinn um kaupSamsonar á Landsbank-
anum var undirritaður um
áramót 2002 og 2003. Kaup-
verðið var greitt til ríkisins í
lok árs 2003.
»Fjármögnun var lokið ímillitímanum, m.a. með
láni frá Búnaðarbankanum.
Lán Búnaðarbankans til Samsonar vegna kaupa á Landsbankanum var veitt
um fjórum mánuðum eftir undirritun samnings Kaupverð greitt í árslok 2003
UMHVERFIS- og samgönguráð
Reykjavíkurborgar telur nauðsyn-
legt að skilyrði fyrir endurfjár-
mögnun Strætó bs. verði endur-
skoðuð og hvetur borgarráð til að
gera það.
Í samhljóða bókun umhverfis- og
samgönguráðs kemur fram stuðn-
ingur við það að sveitarfélögin á
höfuðborgarsvæðinu, eigendur fyr-
irtækisins, taki yfir hluta af skuld-
um Strætó eins og samkomulag
varð um í stjórn byggðasamlagsins.
Það skilyrði er jafnframt sett að
fargjöld verði hækkuð á næstu ár-
um. Fram kemur í tilkynningu um-
hverfis- og samgönguráðs að full-
trúarnir telja að skilyrðin geti verið
of takmarkandi fyrir eflingu og
uppbyggingu Strætó. helgi@mbl.is
Skilyrði talin
of takmarkandi
fyrir Strætó
„ÉG ER ósam-
mála því að það
sé ekki samrým-
anlegt okkar
stefnu þó hluti
okkar þing-
manna styðji
þessa tillögu
enda er okkar
stefna óbreytt,“
segir Stein-
grímur J. Sigfús-
son, formaður VG, um opið bréf
sem nokkrir samflokksmenn hans
rituðu til hans í gær. Þar segir m.a.
að með stuðningi sínum við tillögu
ríkisstjórnarinnar um aðild-
arviðræður við ESB geri Stein-
grímur ekki aðeins sjálfan sig
ómerking orða sinna, heldur einnig
alla þá sem börðust fyrir flokkinn í
aðdraganda kosninganna í vor. Er
vísað í stefnuskrá flokksins þar sem
inngöngu í ESB er hafnað.
Steingrímur undirstrikar enda
að þingmenn flokksins áskilji sér
rétt til að hafna málinu á öllum stig-
um þess, en að flokksráðsfundur
hefði samþykkt þátttöku í ríkis-
stjórninni, m.a. á grundvelli þess að
málið yrði sett í þennan farveg.
„En auðvitað eru heitar tilfinn-
ingar í þessu máli og ég skil vel að
ýmsum sé þungbært að farið sé af
stað í þetta.“ ben@mbl.is
ESB-málið vissulega
ýmsum þungbært
Steingrímur J.
Sigfússon
Eftir Baldur Arnarson
baldura@mbl.is
„ÞAÐ SEM við sögðum við Jóhönnu
Sigurðardóttur og Steingrím J. Sig-
fússon er að það þarf að taka Icesave
og slá það út af borðinu, annars mun-
um við greiða atkvæði með tvöfaldri
þjóðaratkvæðagreiðslu í Evrópu-
sambandsmálinu,“ segir Þór Saari,
þingmaður Borgarahreyfingarinnar,
um viðræður við leiðtoga stjórnar-
flokkanna í gær.
Þingmennirnir Birgitta Jónsdóttir
og Margrét Tryggvadóttir standa
með Þór í málinu en Þráinn Bertels-
son, fjórði þingmaður flokksins, deil-
ir ekki þessari afstöðu þeirra.
Að því gefnu að þrír þingmenn VG
vilji hafna samningnum er meirihluti
fyrir honum þar með fallinn en Þór
telur aðspurður meirihluta fyrir
þjóðaratkvæðinu.
Spurður um skilyrðið segir Þór
„Icesave-málið svo eitrað að það
muni valda þjóðarbúinu miklum
skaða í áratugi ef það fari í gegn“.
„Ég er búinn að vera í efnahags-
og skattanefnd og fjárlaganefnd þar
sem við erum búin að fjalla um málið
í bráðum tvær vikur og ég sé hvernig
það er vaxið, hve
samningurinn er
vondur og hvern-
ig hann stenst
ekki Evrópulög.
Ég sé hagfræðina
á bak við það sem
framkvæmda-
valdið er að setja
fram og hvernig
það setur fram
tölur sem eru algjörlega út úr kort-
inu. Mér býður við svona vinnu-
brögðum og get ekki tekið þátt í
þeim. Fjármálaráðuneytið setur
fram tölur um 40% hagvöxt á árun-
um 2016 til 2024. Það hefur aldrei
verið svona hagvöxtur í sögunni, fyr-
ir utan að við erum stórskuldug þjóð
að stefna í heimskreppu.“
Fjórða þjóðin miðli málum
Aðspurður um hvað þau leggi til
að gert verði fari svo að samningnum
verði hafnað segir Þór sér þykja eðli-
legast að fjórða þjóðin sé fengin til að
miðla málum í þessu.
„Frakkar buðust til þess í upphafi
en það varð ekkert úr því. Íslend-
ingar geta ekki ráðið við það einir að
semja við svona stór- og nýlendu-
þjóðir eins og Breta og Hollendinga.
Við ráðum ekki við það.“
– Telurðu líklegt að Frakkar séu
tilbúnir til að taka að sér hlutverk
málamiðlara í deilunni?
Ekki gjaldgengur innan ESB
„Ég hugsa það, þeir eru búnir að
gera það einu sinni. Annað sem er
mikilvægt í þessu máli er að Elvira
Mendez, sérfræðingur í Evrópurétti
við Háskóla Íslands, lítur svo á að
Icesave-samningurinn sé þess eðlis
að hann yrði ekki gjaldgengur innan
Evrópusambandsins vegna þess að
hann sé svo gallaður.
Það hallar allt of mikið á annan
samningsaðilann og skv. Evrópurétti
er óheimilt að gera svoleiðis samn-
inga. Þannig að ég held að Íslend-
ingar þyrftu ekki að hafa áhyggjur af
því að það væri ekki hægt að ná hag-
stæðari samningi eða að farið yrði
með málið fyrir dómstóla.“
Þór er harðorður í garð Svavars
Gestssonar, formanns samninga-
nefndarinnar um Icesave, og segir
augljóst að hann valdi ekki starfinu.
Mendez hafi bent á að lagatextinn
sem Bretar lögðu fram sé á gömlu
lagamáli sem engir nema þeir skilji.
Icesave út af borðinu,
ellegar kosið um ESB
Þingmenn Borgarahreyfingarinnar setja stjórninni skilyrði
Þór Saari
POLLAR verða framvegis dregnir
upp til að loka Pósthússtræti við
Kirkjustræti á góðviðrisdögum.
Þeir leysa af hólmi búkkana og
skiltið sem notast hefur verið við til
þessa.
Pósthússtræti hefur verið lokað
við Austurvöll einstaka góðviðris-
daga síðustu sumur. Upphaflega
kom hugmyndin frá borgarbúa.
Kaffihúsaeigendur á svæðinu og
gestir þeirra hafa tekið þessu vel.
Venjulega er götunni lokað þeg-
ar líður að hádegi og svo er hún
opnuð aftur undir kvöld þegar fólki
fækkar í miðbænum. Vegna þess
hversu gott veðrið hefur hefur ver-
ið í sumar hefur gatan verið lokuð
samtals í þrjár vikur. „Vonandi
verður hægt að nota pollana mikið
það sem eftir er sumars, spáin er
fín,“ segir Pálmi Randversson, sér-
fræðingur á umhverfis- og sam-
göngusviði Reykjavíkurborgar.
Hann vonast til að hliðinu í Austur-
stræti verði einnig lokað og jafnvel
farið upp á Laugaveg. helgi@mbl.is
Pollar í
stað búkka
og skiltis
Nýr búnaður til að auðvelda lokun Pósthússtrætis á góðviðrisdögum
Morgunblaðið/Ómar
INNBROT eru stærsta vandamálið
að mati 56% svarenda í könnun á
reynslu íbúa höfuðborgarsvæðisins
af lögreglu, öryggi og afbrotum.
Þetta er talsverð aukning frá könn-
un sem gerð var í fyrra en þá nefndi
tæplega þriðjungur innbrot sem al-
varlegasta vandamálið.
Könnunina gerði Capacent Gallup
fyrir lögregluna á höfuðborgarsvæð-
inu í apríl sl. og voru niðurstöðurnar
birtar á dögunum.
16,9% telja umferðarlagabrot
mesta vandamálið en í fyrra var
sambærileg tala 30,4%. Þá telja 7,4%
eignaspjöll og skemmdarverk vera
mesta vandamálið, sem er um 10
prósentustigum minna en í fyrra.
Almennt eykst ánægja með störf
lögreglunnar á höfuðborgarsvæðinu
um 4% frá í fyrra en tæp 91% telja
lögregluna skila góðu starfi í sínu
hverfi við að sporna gegn afbrotum.
Tæp 11% segjast aldrei sjá lög-
reglumann eða lögreglubíl í sínu
hverfi en lögreglumenn og -bílar
virðast sýnilegri í Mosfellsbæ,
Breiðholti og í miðborginni en á öðr-
um stöðum skv. niðurstöðunum.
Könnunin var gerð í gegnum
síma. Úrtakið var 2.145 manns á höf-
uðborgarsvæðinu og var svarhlut-
fallið 62,1%. ben@mbl.is
Innbrot mesti
vandinn í borginni
Morgunblaðið/Júlíus
Sýnileiki Íbúar verða mismikið var-
ir við lögreglu eftir hverfum.
Í HNOTSKURN
»Tæp 52% segjast mjögörugg er þau ganga ein í
sínu hverfi eftir myrkur. Karl-
ar eru öruggari en konur.
»14,5% sögðust hafa orðiðfyrir eignaskemmdum,
11,4% fyrir innbroti eða þjófn-
aði og 3,25% fyrir ofbeldis-
broti í fyrra.
Ánægja með störf lögreglunnar eykst