Morgunblaðið - 15.07.2009, Blaðsíða 14

Eftir Skúla Á. Sigurðsson
skulias@mbl.is
Búnaður TF-Sifjar gerirLandhelgisgæslunni(LHG) kleift að fylgjastmeð margfalt stærra
svæði en áður og hafa eftirlit með
stöðum sem erfitt hefur verið að
fylgjast með. Fullkominn rat-
sjárbúnaður gerir henni fært að
fylgjast með skipum í allt að 200
sjómílna radíus og öflugar mynda-
vélar geta myndað firði af ná-
kvæmni án þess að vélin sjálf hætti
sér inn í þá. Áætlað er að starfs-
menn LHG verði orðnir fullnuma og
vélin komin í fulla notkun í sept-
ember.
„Þetta er alger bylting hvað eftir-
lit og leitarflug snertir, alveg klár-
lega,“ segir Auðunn Kristinsson, yf-
irstýrimaður TF-Sifjar, og segir
vélina opna Gæslunni áður óþekkta
möguleika til eftirlits og leitar að
næturlagi. Hitamyndavél auðveldar
leit að fólki í sjó og gerir að verkum
að hægt er að bera kennsl á skip og
sjá hvað þau aðhafast í skjóli nætur.
Auðunn segir ólöglegar veiðar að
næturþeli hafa viðgengist árum
saman en nú verði hægt að sporna
við slíku.
„Annað sem breytist líka er
mengunareftirlitið,“ segir Auðunn
en mengunarratsjá er meðal bún-
aðar Sifjar. Hingað til hefur Gæslan
þurft að leita mengunar með ber
augun ein að vopni. Auðunn segir að
strax í öðru æfingarfluginu hafi
uppgötvast olíuflekkur í Faxaflóa
sem sennilega er úr skipi á botni fló-
ans. „Spurning hvort þetta er bara
lítill bátur eða annar El Grillo,“ seg-
ir Auðunn meira í gamni en alvöru.
Sif er búin til sjúkraflugs og segir
Auðunn „toppaðstæður fyrir sjúkra-
flutninga“ í vélinni en hún getur
tekið þrennar sjúkrabörur um borð.
Þurfi að rýma svæði og sækja fólk
til brottflutnings tekur Sif 22 far-
þega í sæti. Þá er sérstakur bún-
aður til að varpa út björgunarbátum
á hafi úti en í eldri vélum var enginn
slíkur búnaður og vandasamt að
kasta út bátum. Öryggi sjófarenda
eykst því með tilkomu Sifjar.
Auðunn telur töluverða mögu-
leika á að nota megi Sif til björg-
unar og ýmissa verka í landi. Hann
vill ekki fullyrða neitt en segir að Sif
skapi tækifæri sem vert er að skoða.
Morgunblaðið/Árni Sæberg
Eftirlit Auðunn við annað tveggja eftirlitsstjórnborða um borð sem sýnir meðal annars ratsjá og myndir úr myndavél og hitamyndavél Sifjar
Flugstjórar Benóný Ásgrímsson og Hafsteinn Heiðarsson við stjórnvölinn
TF-Sif Hin byltingarkennda vél Landhelgisgæslunnar nýlent á flugvellinum á Ísafirði í fyrradag
Leit Hreggviður Símonarson stýrimaður við sérstakan leitarglugga Sifjar
Sleppibúnaður Björgunarbátarnir blásast sjálfkrafa upp í tíu metra hæð
Farrými Farþegasætin eru lögð niður svo koma megi sjúkrabörum fyrir
TF-Sif byltir starfi
Landhelgisgæslunnar
TF-Sif, ný og gríðarlega
vel búin flugvél Land-
helgisgæslunnar, er mik-
il bylting fyrir starfsemi
stofnunarinnar. Hún
hefur verið nánast sleitu-
laust í æfinga- og eft-
irlitsflugi síðan hún kom
til landsins fyrsta júlí.
14 Daglegt líf
MORGUNBLAÐIÐ MIÐVIKUDAGUR 15. JÚLÍ 2009
 Myndavélar flugvélarinnar
eru búnar öflugum að-
dráttarlinsum. Með þeim
má hafa eftirlit með svæð-
um inn til fjarða sem Sif
sjálf kemst ekki að.
 Hitamyndavélin gerir LHG
kleift að stórefla eftirlit
sitt að nóttu til og nýtist
hún vel þegar leitað er að
fólki í sjó. Athugandi er að
nota hana einnig til leitar í
landi.
 Mengunarratsjáin er mjög
nákvæm ratsjá sem sendir
frá sér tíðar radarbylgjur.
Með upplýsingunum sem
bylgjurnar veita má „kort-
leggja“ hafflötinn og
greina mengun á honum.
Hugsanlegt er að síðar
verði hún notuð til að kort-
leggja yfirborð jökla.
 Ratsjá Sifjar dregur 80-
100 sjómílur í 15.000 feta
hæð. Sé flogið hærra má
stækka radíusinn í 180-
200 sjómílur.
Um búnað TF-Sifjar