Morgunblaðið - 15.07.2009, Blaðsíða 13
Fréttir 13ERLENT
MORGUNBLAÐIÐ MIÐVIKUDAGUR 15. JÚLÍ 2009
PÓLSK kona hefur farið í mál við
hótel í Egyptalandi og segir hún að
13 ára dóttir sín hafi orðið vanfær
af völdum sæðis í sundlaug hótels-
ins, að sögn Jyllandsposten.
Læknar segja nær útilokað að skýr-
ingin sé rétt og telja að þungunin
hafi orðið með hefðbundnari hætti,
ella sé um að ræða eitthvað sem
nálgist læknisfræðilegt kraftaverk.
Heimildarmaður í Póllandi segir
að konan, Magdalena Kwiat-
kowska, sé sannfærð um að stúlkan
hafi ekki hitt neina stráka í ferð-
inni.
„Sæði lifir ekki af í vatni, það er
mjög ólíklegt,“ segir sænskur lækn-
ir, Lars Björndal, í samtali við Af-
tonbladet. Sæði geti aðeins lifað í
fáeinar stundir utan líkama karl-
manns og í umræddu tilfelli myndi
klórinn í vatninu gera út af við sæð-
isfrumurnar á nokkrum mínútum.
kjon@mbl.is
Frjósemdin blómstr-
ar í sundlauginni
FRÉTTASKÝRING
Eftir Baldur Arnarson
baldura@mbl.is
CHARLES Taylor, fyrrverandi Líb-
eríuforseti, vísaði ákærum Alþjóða-
glæpadómstólsins á hendur sér
vegna stríðsglæpa alfarið á bug þegar
réttarhöldin yfir honum hófust á ný í
gær eftir nokkurra mánaða hlé.
„Ég er faðir 14 barna, barnabarna,
sem elskar mannkynið og hefur bar-
ist allt sitt líf í þágu þess sem ég áleit
rétt og í þágu réttlætisins,“ sagði
Taylor í málsvörn sinni, íklæddur
dökkum jakkafötum í vitnastúkunni.
Taylor er gefið að sök að hafa
framið stríðsglæpi og glæpi gegn
mannkyni í borgarastríðinu í Síerra
Leóne á árunum 1991 til 2001.
Ákærulistinn er langur en flestir
staldra líklega við ákærur um að
hann hafi verið á bak við uppreisn-
armenn sem hnepptu börn í hernað.
Börn þjálfuð til voðaverka
Börnin voru þjálfuð til að beita
geysilegri grimmd. Þeim var gert að
höggva fætur og hendur af fórnar-
lömbum sínum og var refsað ef lítið
var í strigapokum ætluðum útlimum.
Leið Taylors til valda lá í gegnum
raðir uppreisnarmanna í Líberíu sem
hann leiddi til innrásar í nágrannarík-
ið Síerra Leóne. Þar er hann meðal
annars ákærður fyrir að hafa látið
vopnuðum sveitum vopn í té í staðinn
fyrir svonefnda blóðdemanta og með
því ýtt undir blóði drifin átökin.
Taylor, sem er fyrsta vitnið í vitna-
leiðslum varnarinnar, segir engan fót
fyrir ásökunum. Harma beri að sak-
sóknin skuli tengja hann við slíka
glæpi vegna lyga, orðróms og rangra
upplýsinga sem vísvitandi hafi verið
dreift af illum hvötum.
Búist er við að málsvörnin taki
nokkrar vikur en þegar saksóknin
lauk máli sínu í febrúar hafði hún
dregið fram vitnisburði 91 vitnis, en
þau lýstu mannáti, morðum á börnum
og því hvernig útlimir voru höggnir af
varnarlausu fólki með sveðjum.
Lýsir sér sem mannvini
Charles Taylor segir ákærur Alþjóða-
glæpadómstólsins byggðar á sandi
Reuters
Í Haag Taylor í réttinum í gær.
Maðurinn sem sakaður er um
hrottalega stríðsglæpi í Síerra
Leóne lýsti sig saklausan af
ákærum fyrir Alþjóðaglæpadóm-
stólnum í gær. Hann segir sak-
sóknina byggja málið á lygum.
HANNAH Clark, sem er sextán
ára og frá Wales, hefur nú náð
bata en „aukahjarta“ var fjarlægt
úr henni fyrir þremur árum.
Hjartað var grætt í hana þegar
hún var tveggja ára til að létta á
álagi á upprunalega hjartað sem
stækkaði óeðlilega hratt. Var
þetta í fyrsta sinn sem aðgerð af
þessu tagi hafði verið fram-
kvæmd.
Hannah glímdi árum saman við
ýmis vandamál vegna lyfja sem
hún tók til þess að líkaminn hafn-
aði ekki nýja hjartanu. Auka-
hjartað var loks fjarlægt og nú,
þremur árum síðar, hefur Hann-
ah náð fullum bata að sögn lækna
hennar sem segja hann líkastan
„töfrum“. kjon@mbl.is
Hólpin Hannah Clark, upprunalega
hjartað í henni óx í fyrstu of hratt.
Ótrúlegur
bati eftir
aðgerð
Hjarta 16 ára stúlku
aftur orðið eðlilegt
SUÐUR-kóreskur stuðningsmaður dýraréttinda,
dulbúinn sem hundur, í búri í Seoul í gær. Mað-
urinn tók þátt í mótmælum gegn þeim gamla sið
að leggja sér til munns kjöt af hundum og kött-
um. Á spjaldinu stendur: „Við viljum fá að lifa“.
Fleiri þjóðir borða kjöt af þessu tagi, Kínverjar
ala sérstakt hundakyn til kjötframleiðslu. Sleða-
hundum hefur stundum verið slátrað í hallærum
á Grænlandi og víðar í heimskautalöndum.
Reuters
„VIÐ VILJUM FÁ AÐ LIFA“
Eftir Kristján Jónsson
kjon@mbl.is
DEILD í samtökum Sádi-Arab-
ans Osama bin Ladens, al-
Qaeda, hótar nú að ráðast á Kín-
verja í löndum Norðvestur-Afr-
íku til að hefna fyrir meðferð
ráðamanna í Peking á Uighur-
um í Xinjiang. Á vefsíðu Times í
London segir að þetta sé í fyrsta
sinn sem al-Qaeda hafi beinlínis
í hótunum við Kínverja. Stjórn-
völd hafa viðurkennt að hátt á
annað hundrað manns hafi fallið í átökum milli Uig-
hura og aðfluttra Kínverja í Xinjiang undanfarnar
vikur. En útlægir Uighurar segja raunverulegu töl-
una miklu hærri, ef til vill hafi þúsundir fallið.
Talsmaður utanríkisráðuneytisins í Peking, Qin
Gang, sagði að Kínverjar berðust gegn öllum
hryðjuverkum. „Við munum fylgjast vel með þróun
mála og eiga samstarf við þau ríki sem við á um að
tryggja öryggi fyrirtækja og stofnana Kínverja er-
lendis og starfsmanna þeirra,“ sagði hann í gær.
Hundruð þúsunda Kínverja starfa í Mið-Austur-
löndum og N-Afríku, þ.á m. um 50.000 í Alsír, segir í
nýrri skýrslu áhættumatsfyrirtækisins Stirling As-
synt í London. Þar segir að á spjallrásum íslamskra
hryðjuverkamanna séu merki um hratt vaxandi
áhuga á átökunum í Xinjiang.
Hóta hermdarverkum vegna
meðferðarinnar á Uighurum
Deild í al-Qaeda segist munu ráðast á Kínverja sem starfa í Norðvestur-Afríku
Í HNOTSKURN
»Uighurar eru múslímar og tala tungusem skyld er tyrknesku. Bandaríkja-
menn handsömuðu á sínum tíma 17 meinta
hryðjuverkamenn Uighura í Afganistan en
þeir reyndust saklausir.
»Kínverjar vildu samt fá mennina fram-selda sem hryðjuverkamenn en Banda-
ríkjamenn neituðu. Nú hefur eyríkið Palau
í Suður-Kyrrahafi boðist til að taka við
mönnunum. Osama bin Laden
Hver er Charles Taylor?
Hann er fæddur í janúar 1948 og
var forseti Líberíu 1997 til 2003.
Hvernig komst hann til valda?
Taylor fór fyrir innrás uppreisnar-
manna í Líberíu 1989. Tveimur ár-
um síðar hófst vopnuð uppreisn í
Síerra Leóne sem hann studdi.
Við tók tíu ára blóðugt borgara-
stríð, en talið er að 400.000
manns hafi týnt lífi í átökum sem
Taylor átti aðild að í ríkjunum
tveimur á árunum 1989 til 2003.
S&S
VIÐ strendur
nokkurra ríkja
V-Afríku eru
hundruð olíu-
borpalla sem
vestræn olíu-
fyrirtæki hafa
yfirgefið eftir að
vinnslu var
hætt. Óttast er
að olía geti lekið
úr mannvirkjunum og valdið um-
hverfistjóni. Nú hefur Benín, eitt
fátækasta ríki heims, beðið ráð-
herra umhverfis- og þróunarmála í
Noregi, Erik Solheim, um aðstoð
vegna palls sem norska félagið
Saga reisti á níunda áratugnum
með styrk stjórnvalda í Ósló. „Ég
tel Norðmenn bera siðferðislega
ábyrgð á málinu,“ segir norskur
milligöngumaður Benín-búa, Ingolf
Andersen. kjon@mbl.is
Hreinsi upp eftir sig
Erik Solheim