Saga - 1949, Blaðsíða 40

36
svo að þeir vilji ráða hans ferðum og fólki
„þann tíma, sem hann skal yfir heilagri kirkju
og kristindómsins embætti veita'V) Árin 1350
og 1351 er Kolbeinn sonur Benedikts í stór-
mælum, og lét Ormur biskup þá fanga fjóra
sveina hans, flytja til Hóla og setja í fjötra
og setti þeim kárinur. Og er Kolbeinn þá sagð-
ur hafa gengið til sátta við biskup.1 2) Árið 1357
segir Flateyjarannáll, að Benedikt hafi látið
taka glæpamann nokkurn til fanga3), og hefur
hann þá farið með völd í Húnavatnsþingi. Og
líklega hefur hann haft völd í Húnavatnsþingi
næstu árin á eftir. Það er misskilningur hjá
Boga Benediktssyni,4) að Jón Guttormsson hafi
haft Norðlendingafjórðung og sýsluvöld í
Húnavatnsþingi þessi ár. Yfirreið hans þar
1360 hefur verið löglaus, og Benedikt Kolbeins-
son hefur víst verið einn þeirra höfðingja, er
gengizt hafa fyrir brottrekstri Jóns þaðan. Jón
hefur beinlínis gengið á rétt Þorsteins Eyjólfs-
sonar og Benedikts. Sú ferð hefur sennilega
verið eitt afglapa- og ofríkisverka Jóns. Hann
sýnist aldrei hafa getað á sér setið og alls eigi
gætt þess þótt hann ætti við sér meiri og
voldugri menn. Þorsteinn Eyjólfsson og Bene-
dikt Kolbeinsson hafa sízt verið meðfæri Jóns,
enda hafa þeir verið einna auðugastir og vold-
ugastir menn í Norðlendingafjórðungi og sízt
1) ísl. fornbr.safn II. 856—858.
2) Isl. Annaler bls. 355. Deila NorSlendinga viS Orm
biskup er rakin í Kirkjusögu Finns biskups II. bls.
198—200.
3) Isl. Annaler bls. 406.
4) Sýslum.æfir I. 450.