Saga - 1949, Blaðsíða 142

138 •
sagður dauður.1) Þegar meta skal sögn um
kvonfang Páls eftir lát Solveigar konu sinnar,
þá verður að hafa það í huga, að Páll lifir
Solveigu ekki lengur en eitthvað á annað ár.
(Hún er dáin milli 17. jan. og 28. marz 1495,
svo sem sagt var, en Páll er veginn fyrir 12.
október 1496). Sennilega hefur Páll verið veg-
inn í ágúst eða september 1496. Dómurinn frá
12. okt. 1496 er háður að Svínavatni í Húna-
vatnsþingi, en búast má við því, að fregnin
um víg Páls hafi þurft nokkurn tíma til þess
að berast norður og að nokkurn tíma hafi
þurft til þess að kveðja saman dómsmenn að
Svínavatni og til afgreiðslu máls þar.
Tilefni fjandskapar Eiríks Halldórssonar í
garð Páls Jónssonar á Skarði á að hafa verið
keppni þeirra um sömu konuna, er kölluð hafi
verið Akra-Guðný. Elztu skráðar sagnir um
þetta eru í Ættartölubók sira Þórðar Jónsson-
ar í Hítardal (d. 1670) og í Fitjaannál Odds
Eiríkssonar (d. 1719), sonarsonar Odds bisk-
ups. Frásagnir þeirra hefur dr. Jón Þorkelsson
þjóðskjalavörður prenta látið.2) Jón Espólín3)
og Bogi Benediktsson4) hafa farið eftir þessum
heimildum, að vísu dálítið hvor með sínum
hætti. Sögn sira Þórðar og Fitjaannáls má
telja frumheimildir um arfsögn um tildrög að
vígi Páls á Skarði. Er því rétt að athuga fyrst
heimildir þessar.
Sameiginlegt heimildum þessum báðum er
1) ísl. fbrs. YII. 315.
2) Kvæðasafn Bkmf. I. 217—219.
3) Árbækur II. deild, 130—131.
4) Sýslum.æfir II. 560, 562.