Saga - 1991, Side 46

44
HULDA SIGURBORG SIGTRYGGSDÓTTIR
lagsmanni væri heimil fundarseta nema með samþykkt fundarins. 1
staðinn gengi Hlíf þegar úr Varnarbandalaginu.
Emil Randrup málari sagði að
andi Stefáns Jóhanns Stefánssonar sveimaði yfir þeirri tillögu
sem Þór hefði flutt. Fram að þessu hefði sakborningur ekki
gert tillögur um það hvernig dæma ætti hans mál, en nú kæmi
„Verkamannafélag Hafnarfjarðar" og vildi ráða því hvernig
dæma ætti afbrot þess og væri eins gott að drepa Hlíf eins og
að ganga að tillögum „Þórs"64
Tillögu ísleifs var vísað frá. Formaður Hlífar taldi ekkert mæla á móti
því að Hlífarmenn ættu aðild að Verkamannafélagi Hafnarfjarðar ef
það breyttist í málfundafélag og hætti að telja sig stéttarfélag verka-
manna. Stjórn Hlífar héldi síðan fundi með sex manna nefnd mál-
fundafélagsins þar sem rætt yrði um þær tillögur sem leggja eigi fyrir
félagsfund. Hins vegar kæmi ekki til greina að segja Hlíf úr Varnar-
bandalaginu. Skoraði formaðurinn að lokum á Varnarbandalagið og
ASÍ að efna til sameiginlegrar verkalýðsráðstefnu á hausti komanda
fyrir öll verkalýðsfélög á landinu til að koma á einu frjálsu og óháðu
verkalýðssambandi fyrir öll félög á landinu. Tillaga formannsins var
samþykkt (95:4). Alþýðuflokksmenn vísuðu málinu til Félagsdóms
sem prófmáli, enda töldu þeir fullkomlega löglegt að vera í fleiri en
einu verkalýðsfélagi. Félagsdómur komst að sömu niðurstöðu.
Mennirnir hefðu fullan rétt á því að vera í Hlíf, enda þótt þeir væru
einnig félagar í Verkamannafélagi Hafnarfjarðar.65
Ósagt skal látið hvort það hefur verið með vilja gert að hafa þann
möguleika opinn í vinnulöggjöfinni að menn gætu verið í fleiri en
einu verkalýðsfélagi. Hins vegar var greinilegt að meðan ekki var
gerð breyting þar á hlaut sundrung og klofningsstarfsemi innan
verkalýðshreyfingarinnar að halda áfram.
Alþýðuflokksmenn í Hafnarfirði létu kné fylgja kviði. Þrjú fyrir-
tæki sem þeir réðu sögðu upp samningum við Hlíf frá áramótum
1939-40. Þetta voru Bæjarútgerðin, h.f. Hrafna-Flóki og bæjarsjóður.
Tvö þau fyrrnefndu að öllu leyti en það síðastnefnda aðeins ákvæð-
inu um forgangsrétt Hlífarfélaga til vinnu.
64 Skjs. V.m.f. Hlífar. Fundagerðabók Verkamannafélagsins Hlífar 26. maí 1939.
65 Skjs. V.m.f. Hlífar. Fundagerðabók Verkamannafélagsins Hlífar 28. janúar 1940.