Saga - 1991, Qupperneq 51

AÐSKILNAÐUR ALÞÝÐUFLOKKS OG ASÍ
49
byggðarlagi. Pað er atvinnurekandi, sem beinlínis hefir vald á
atvinnu og menn vinna hjá fyrir kaup.78
Stefán Jóhann taldi ekki koma til greina að samþykkja að aðeins eitt
félag mætti vera á hverjum stað, enda bryti slíkt í bága við stjórn-
arskrána. Hins vegar væri æskilegra að hafa aðeins eitt félag á sama
stað í sömu grein,
enda hefir reynslan sýnt það á þeim fáu stöðum, sem það hefir
komið fyrir, að væru fleiri en eitt félag í sömu starfsgrein, . . .
að þá hefir slíkt venjulega orsakazt af því, að verkalýðssam-
tökin hafa verið eitthvað óheilbrigð á þessum stöðum.7‘)
Á Akureyri, Siglufirði og í Hafnarfirði hafi til dæmis verið nauðsyn-
legt að hafa tvö félög tímabundið meðan verið væri að koma á „heil-
brigðri" starfrækslu í verkalýðsfélagsskapnum. Um það ákvæði að
ekki ætti að kjósa aðra á fulltrúaþing ASl en alþýðuflokksmenn sagði
Stefán Jóhann að ákvæðið hefði verið neyðarvörn
til þess að öfgastefnur kommúnismans væru ekki innan veggja
á fundum Alþýðusambandsins. . . . síðan hefir verið kosið til
sambandsþinga öll þessi ár, og aldrei hefir verið nægilegur
meiri hluti til að fella það úr gildi, og stundum hafa ekki komið
fram neinar raddir um að breyta þessu ákvæði, . . .
Nauðsynlegt hefði verið að taka menn í forystustörf sem ekki væru
eins háðir atvinnurekendum. Verkamenn væru ófúsir til að gefa sig til
trúnaðarstarfa í verkalýðsfélögunum enda ættu þeir atvinnu sína
undir atvinnurekanda.81
Þessi rök alþýðuflokksmanna voru ekkert annað en undanbrögð
því að vinnulöggjöfinni var ætlað að vernda trúnaðarmenn og ekki
verður annað séð en farið hafi verið eftir henni. Hlutfallskosningu
töldu alþýðuflokksmenn ekki koma til greina, enda gæfi það komm-
únistum tækifæri til að dafna. Verkalýðsfélögin ættu að ráða sjálf
hvernig þau höguðu kosningum sínum. Um það voru sósíalistar
78 Alþingistíðindi 1939 C, 129 (Stefán Jóhann Stefánsson)
79 Alþingistíðindi 1939 C, 129 (Stefán Jóhann Stefánsson)
80 Alþingislíðindi 1939 C, 132 (Stefán Jóhann Stefánsson)
81 Alþingistíðindi 1939 C, 140 (Sigurjón Á. Ólafsson)
4-SAGA