Morgunblaðið - 19.12.2009, Page 30

Dansk julegudstjeneste
holdes i Domkirken, onsdag den 24. december 2008
kl. 15.00 ved pastor Þórhallur Heimisson.
Kgl. Dansk Ambassade, Reykjavík.
Dönsk jólaguðsþjónusta
verður haldin í Dómkirkjunni á aðfangadag,
24. desember kl. 15.00.
Prestur verður séra Þórhallur Heimisson.
Kgl. Dansk Ambassade, Reykjavík.
30 Daglegt líf
MORGUNBLAÐIÐ LAUGARDAGUR 19. DESEMBER 2009
Eftir Kristínu Heiðu Kristinsdóttur
khk@mbl.is
Þetta er fyrst og fremst hug-sjónastarf, við viljumkynna sem flest og ólíkusthljóðfæri fyrir Íslend-
ingum og stækka þannig tónlist-
arheiminn hér á landi með nýjum
framandi hljóðmöguleikum,“ segir
Eymundur Matthíasson, eigandi
hinnar sérstæðu hljóðfæraverslunar
Sangitamiya í bláu bárujárnshúsi á
horni Grettisgötu og Klapparstígs.
Eymundur og félagar hans í búð-
inni hafa viðað að sér ótrúlegum
fjölda hljóðfæra af öllum stærðum
og gerðum frá öllum heimshornum á
flakki sínu um veröldina undanfarin
tuttugu og fimm ár. Þetta eru hljóð-
færi úr frumskógum, fjallaþorpum
og strætum stórborga, eins og
stendur á auglýsingaskilti utan við
búðina.
„Við viljum hafa mikla breidd í úr-
vali hljóðfæra og reynum að bjóða
bæði ódýrar og dýrar útgáfur af
sama hljóðfærinu.“
Puttapíanó frá Afríku
Verslunin átti fjögurra ára afmæli
í nóvember og Eymundur er ánægð-
ur með móttökurnar.
„Það vantaði einfaldlega svona
búð og það er mjög gefandi fyrir
okkur að sjá hvernig fólk lifnar við
þegar það kemur hingað inn í fyrsta
sinn og tekur andköf af undrun þeg-
ar það sér og prófar hljóðfæri sem
það vissi ekki að væru til.“
Hann segir ákveðnar tískuhreyf-
ingar koma upp öðru hvoru og fjög-
urra strengja hljóðfærið úkulele frá
Hawaii er eitt af þeim. Lítið hljóð-
færi frá Afríku segir hann líka hafa
slegið í gegn, kalimba heitir það og
er líkast puttapíanói. Það sam-
anstendur af örfáum málmspöngum
sem slegið er á. „Þjóðverjar þróuðu
þetta hljóðfæri frá upprunalegri
mynd með því að setja það á við-
arbút og í annarri útgáfu bættu þeir
skinni þar yfir, þá verður hljómurinn
miklu mýkri. Færeyska söng- og
tónlistarkonan Eivör keypti kalimbu
hjá okkur og hefur verið að nota
hana í sinni tónlistarsköpun.“
Gaman að heyra nýja tóna
Eymundur er lærður píanóleikari
og hefur allt sitt líf lifað og hrærst í
tónlistarheiminum. „Tónlist hefur
alltaf verið mjög stór þáttur í mínu
lífi. Ég hef verið nemandi hjá and-
lega kennaranum Sri Chinmoy og
stunda bæði jóga og hugleiðslu og
tónlist fléttast líka þar inn í. Mér
finnst gaman að heyra nýja tónlist,
því fylgir svo mikill ferskleiki.“
Eymundur hugsar stórt og vill
taka verslunarrekstur Sangitamiya
skrefinu lengra. „Með tíð og tíma
viljum við koma upp kennsluefni og
námskeiðum svo fólk geti lært á
þessi hljóðfæri og skapað eitthvað
nýtt. Eins viljum við standa fyrir
kynningartónleikum.“
Margir missa sig í búðinni
Útlendingar eru mjög stór hópur
viðskiptavina Sangitamiya. „Hingað
kom meðal annars breskt tónskáld
sem einvörðungu semur kvikmynda-
tónlist og hann missti sig alveg,
keypti helling af hljóðfærum. Norð-
urlandabúar koma líka mikið hingað
í Sangitamiya og þeir segja svona
búð hafa verið það síðasta sem þeir
áttu von á að finna í Reykjavík. Þeir
ráða ekkert við sig og versla stund-
um heil ósköp hjá okkur. Ég man
líka eftir þekktum amerískum tón-
listarmanni sem sagðist hvergi í
heiminum hafa fundið svona búð.
Hann var mjög hamingjusamur hér
inni,“ segir Eymundur og hlær.
Hann segir ættingja og vini vera
óþreytandi að aðstoða hann við
verslunarreksturinn. „Að öðrum
ólöstuðum vil ég nefna vin minn
Andrés Ramon, sem er einn af burð-
arásunum í búðinni. Hann er mjög
vel að sér í hljóðfærum frá Suður-
Ameríku, ber með sér þessa latnesk-
kólumbísku arfleifð. Hann er ný-
kominn frá Bangladesh þar sem
hann var á tónleikaferðalagi og til að
bæta við flóruna í búðinni kom hann
með fullt af hljóðfærum frá Indlandi,
sem hann keypti meðal annars af
götusölum.“
Morgunblaðið/Heiddi
Umvafinn Eymundur kann vel við sig innanum öll hljóðfærin í Sangitamiya sem mörg hver eru langt að komin.
Hljóðfæri úr frumskógum, fjalla-
þorpum og strætum stórborga
Margir taka andköf af
undrun þegar þeir koma
inn í hljóðfæraversl-
unina Sangitamiya,
enda vart hægt að þver-
fóta fyrir fögrum og
furðulegum framandi
hljóðfærum.
Tíu strengja hljóðfæri frá Suður-
Ameríku, náskylt úkulele. „Í upp-
hafi var þetta hljóðfæri smíðað úr
skel af beltisdýri en þau eru í út-
rýmingarhættu svo nú er char-
ango eingöngu úr viði. Ég hef farið
nokkrum sinnum til Kólumbíu og þetta glaðlega hljóðfæri er mikið notað
þar, en ég er heillaður af suðuramerískri tónlist, sérstaklega þeirri sem
kemur frá Andesfjöllunum.“
Charango
Blásturshljóðfæri frá Ástralíu. „Ég sá og heyrði frumbyggja spila á
didjerídú þegar ég var í Ástralíu og það var ótrúlega flott. Þeir hafa
vald á ákveðinni hringöndun, þannig að blásturinn er óslitinn sem og
tónninn, sem er þó mótaður í ákveðnar hendingar. Þetta hljóðfæri á
heima í ótrúlegasta samhengi, til dæmis með gömlu íslensku rím-
unum.“
Didjerídú
Kemur frá Indlandi. „Kristnir trú-
boðar sem fóru til Indlands fluttu
með sér gömlu bændaorgelin fót-
stignu. Indverjum fannst þau of
stór og einfölduðu þetta, bjuggu
til sitt eigið harmóníum sem er
einfaldur kassi, pumpaður með
annarri hendi en með hinni er mel-
ódían spiluð.“
Harmóníum
Strengjahljóðfæri sem koma frá
Kína. Eymundur kynntist þessum
hljóðfærum þegar hann var eitt
sinn staddur í Sjanghai. „Þá
spiluðu tvær konur ævinlega á
svona hljóðfæri í matsalnum á
hótelinu þar sem ég gisti. Þetta
voru undurfagrir tónar sem ég féll
fyrir.“
Gu-Zheng og Erhu


       

EKKI SPILLIR VERÐIÐ
20% TÍMABUNDINN AFSLÁTTUR
NÝJA LÍNAN FRÁ
Hvítur 119.900 Stál 159.900
Skápur sem margir hafa beðið eftir, stór
233 ltr. kælir að ofan og góður 54 ltr. frystir.
      !"# !"# $    %
Gerð RF-32
&'(') *'
'
+#

#%
," - #%