SunnudagsMogginn - 17.04.2011, Qupperneq 27

17. apríl 2011 27
Persónur eftir Ernst Backman er víðar að finna en á
Sögusafninu í Perlunni. Fyrir fimm árum pantaði safn í
Avaldsnes í Noregi hjá honum sex persónur og fyrir
þremur árum leituðu Færeyingar til hans og báðu um
þrettán persónur fyrir Sögusafnið í Vestmanna.
Í Avaldsnes var honum falið að segja Noregssöguna
frá víkingatímanum. Þar voru kempur á borð við Ólaf
Tryggvason og Harald hárfagra í aðalhlutverki. Ernst
segir sýninguna í Færeyjum byggjast á sömu hugmynd
og sýningin í Perlunni. Hún sé þó „ennþá hryllilegri“.
Nú nýlega gerðu hjónin afsteypu af Þórdísi spákonu
fyrir safn sem kallast mun Spákonuarfur og verður opn-
að á Skagaströnd í sumar. Þau koma einnig að hönnun
og skipulagningu þess safns.
Annað verkefni er fyrir safn á Lófóten sem helgað
verður Ólafi tvennumbrúna en hann braust ásamt eig-
inkonu sinni undan ofríki Haraldar hárfagra Noregskon-
ungs á sinni tíð og nam öll Skeið á milli Þjórsár og
Sandlækjar. Fyrirhugað er að opna það safn í næsta
mánuði.
Fleiri verkefni eru í farvatninu en fyrirspurnir hafa
borist frá Danmörku, Kanada, Noregi og víðar. „Áhug-
inn er mikill og ég sé ekki annað en nóg verði að gera á
næstunni,“ segir Ernst. „Maðurinn sem lærði grafíska
hönnun er kominn á fullt í framleiðslu á sílikondúkkum
og hefur bara gaman af.“
Útflutningur
á persónum
Ernst mátar höfuðið á eitt sköpunarverka sinna.
Morgunblaðið/RAX
fundurinn í brennidepli; ýmislegt fleira ber þó til
tíðinda,“ segir Ernst. „Það er búið að byggja Mennta-
skólann í Reykjavík sem þjónar reyndar sem samkomu-
staður Alþingis fram að byggingu þinghússins. Matthías
Jochumsson og Sigurður málari setja sinn svip á bæjar-
lífið, svo einhverjir séu nefndir. Vatnspóstarnir eru
staðir sem margir eiga leið um og vinnukonur flykkjast
inn í þvottalaugar með þvotta sína, en aðrar niður að
löndunarbryggjum til að vinna við uppskipun á kolum
eða salti. Af áföngum í þróun bæjarins má nefna endur-
byggingu dómkirkjunnar, byggingu menntaskólans, Al-
þingishússins og safnahússins og tilkomu fyrsta íslenska
ráðherrans, Hannesar Hafstein.“Svona sér Ernst fyrir sér að aðkoman að Sögusafni Reykjavíkur yrði.
Svona verður umhorfs í Öskjuhlíðinni nái hugmyndir Ernsts
og Ágústu fram að ganga.
Morgunblaðið/RAX