SunnudagsMogginn - 17.04.2011, Side 33

17. apríl 2011 33
framboð okkar er óháð bæjarmálafélag en mér finnst um-
ræðan því miður allt of mikið ofan í gömlum flokks-
pólitískum hjólförum. Það er of mikið af gömlum, póli-
tískum farangri, sem flokkarnir taka með sér, ekki síst úr
landsmálunum. Þau lita bæjarmálin á ákveðinn hátt en
við í mínum hópi reynum að einbeita okkur að bæjarmál-
unum og því sem virkilega þarf að gera, án tillits til
flokkspólitíkur.“
Fyrirvarinn var nánast enginn. „Já, bara þrjár vikur en
raunveruleg kosningabarátta bara 10 dagar. Við hittumst á
mánudegi, þrír félagar til að ræða málin, og skiluðum inn
meðmælendalista og framboðslista á sunnudegi, viku síð-
ar. Það var heilmikill barningur að finna nógu marga sem
vildu vera á listanum með mér!“
Hann segir Næst besta flokkinn ekki hafa eytt neinum
peningum í kosningabaráttunni. „Við auglýstum ekkert í
útvarpi eða sjónvarpi en fengum 400 þúsund krónur frá
bænum til þess að gefa út blað. Svo útveguðum við okkur
gamlan ísbíl af Vellinum, sem góðhjartaður maður leigði
fyrir okkur; keyrðum um bæinn og auglýstum okkur í há-
talarakerfi úr bílnum. Það hefur örugglega skilað 30, 40
atkvæðum.“
Árangurinn var í raun undraverður á svo skömmum
tíma. „Ég er mjög þakklátur þessum 1901 Kópavogsbúa
sem treysti okkur fyrir þessu. Við skulum segja 1900; ég
vil ekki telja sjálfan mig með!“
Einföld markmið
Sumir álitu Næst besta flokkinn aðeins
bjóða fram í gríni en svo var ekki. Með
hvaða markmið hélt hópurinn í þessa veg-
ferð?
„Markmið okkar voru einföld. Við vild-
um koma gamla meirihlutanum frá og
bregðast við því ástandi sem var í bæj-
arfélaginu; ótrúlegri skuldsetningu, en
reyna strax frá fyrstu stigum að verja
grunnþjónustuna, skóla, leikskóla og
heilsugæslu, svo ég nefni dæmi. Við vildum
líka reyna að breyta pólitíkinni, draga um-
ræðuna upp úr þeirri pólitísku for sem hún var í og fá bæj-
arbúa til að koma meira að stjórn bæjarins. Stemning var
fyrir þessu víða, eins og sást til dæmis mjög vel í Reykjavík
og á Akureyri. Þó að L-listinn á Akureyri eigi sér miklu
lengri sögu finnst mér þetta nokkuð sambærilegt. Fólk var
orðið rosaleg þreytt á þessu gamla og það er auðvitað ekk-
ert laungunarmál að við ákváðum á síðustu stundu að
nýta okkur góðan meðbyr Besta flokksins í Reykjavík; að
draga stemninguna í borginni yfir til Kópavogs; þann
anda og þá breytingu sem orðið hafði á umræðunni.“
Það tókst.
„Við tölum um það sem þarf að gera en ekki um flokks-
pólitíska hagsmuni og klíkur. Við höldum áfram um-
ræðunni sem var á fullu í samfélaginu eftir hrun. Drögum
úr klíkuumræðunni enda höfðu stjórnmálamenn sem
unnu þannig glatað trúverðugleika og trausti fólks.“
Þegar spurt er hvernig Hjálmari þykir Næst besta
flokknum hafa tekist til, svarar hann:
„Ég hefði vissulega viljað að sumir hlutir hefðu gengið
mun hraðar fyrir sig en þeir hafa gert. En við erum ekki
með hreinan meirihluta eins og Oddur á Akureyri! Við er-
um í meirihlutasamstarfi fjögurra flokka og þá verða auð-
vitað til alls konar málamiðlanir. Ég held samt að okkur
hafi miðað í rétta átt en við getum gert miklu betur. Ég er
ekki í skýjunum yfir árangrinum, við megum alveg fara að
slá í klárinn.“
Hjálmar kveðst vonast til þess að þeim hafi tekist að
breyta þeirri kennd fólks að hlutirnir séu ekki unnir í ein-
hverri klíku. „Að hlutirnir séu meira uppi á borðinu en
áður var, að umræðan sé opinská og allar ákvarðanir upp-
lýsingar og í sátt við bæjarbúa. En auðvitað geta menn
haft alls konar skoðanir á því.“
Sum mál hafa verið býsna erfið, segir hann; nefnir leik-
skólamálin og ákveðna þætti í félagsþjónustunni. „Þar má
gera betur en vandinn er í raun skuldastaða allra; ekki
bara sveitarfélaga heldur einstaklinga og fjölskyldna, lít-
illa og stórra fyrirtækja, sveitarfélaga og ríkisins! Enginn
getur eiginlega hreyft sig.“
Skuldakreppa, segir hann. Fjármálakreppa, lána-
kreppa, bankakreppa … „Hér er þó ekki framleiðslu-
kreppa því fullt af verðmætum er framleitt og mörg já-
kvæð teikn eru á lofti í atvinnulífinu. En fyrirtæki fá ekki
fjármagn að láni og ábyrgðin er því mikil hjá bönkum og
lífeyrissjóðum. Ég held að menn þurfi að einbeita sér að
því að laga til í fjármálakerfinu frekar en skera niður í
heilbrigðiskerfinu og annarri grunnþjónustu eða löggæslu
úti á landi. Ég er alinn upp úti á landi og mér finnst
ástandið þar að mörgu leyti mjög alvarlegt og heilsugæsla
og löggæsla sennilega verri en þegar ég ólst þar upp fyrir
40 árum. Og þá erum við komnir aftur að Einari. Það má
dást að viðleitni Síðdegisblaðsins til að opna kontór fyrir
norðan. Sagan er skrifuð á góðæristímanum, þegar allt var
í uppsveiflu en í nýjustu bók Árna, Morgunengli, er farið
að fjara dálítið undan útibúi Síðdegisblaðsins á Akureyri.
Ég veit því ekki um framhaldið frekar en Einar.“
Hjálmar og Árni Þórarinsson, blaðamaður og rithöfundur; skapari Einars blaðamanns á Síðdegisblaðinu.
Morgunblaðið/Frikki
Hjálmar og páfagaukurinn Snælda í Tíma nornarinnar.
Jóhann Sigurðarson (Ólafur Gísli yfirlögregluþjónn) og Hjálmar í Tíma nornarinnar.
’
Ég sakna ekki-frétta-
mannsins og held því fram
að slæmt sé fyrir samfélagið
að rödd Hauks skuli ekki heyrast
lengur. Eins og ástandið hefur
verið undanfarið hefði hann þurft
að vera á ferli. Ekki bara mín
vegna heldur samfélagsins alls.
flugfelag.is
ÍS
L
E
N
S
K
A
/S
IA
.I
S
••
••
••
••
••
••
••
••
••
Langar þig til Ísafjarðar?
Skipulagðar ferðir fyrir eldri borgara
2. maí og 16. maí.
Kjörið fyrir þá sem vilja komast í náttúruparadísina
á Vestfjörðum.
Allar upplýsingar veitir Emil Guðmundsson í síma 898 9776.
Einnig hægt að senda tölvupóst á emil@flugfelag.is
eða hopadeild@flugfelag.is