SunnudagsMogginn - 11.09.2011, Blaðsíða 25

11. september 2011 25
Bjarney fylgist auðvitað vel með enn í
dag. „Ég var alltaf í daglegu sambandi við
strákana á meðan þeir voru úti. Ég fór
auðvitað oft til þeirra, Siggi hefur í gegn-
um tíðina ekki fylgst minna með hinum
strákunum en Birni og nú horfum við á
alla leiki hjá Lilleström í tölvunni,“ segir
móðirin, en Björn leikur einmitt með
norska liðinu.
Barnabörnin lofa góðu …
Fjórði og síðasti sonurinn hefur sem sagt
fundið starf við hæfi og þar með er ljóst
hvað sú kynslóð hefur að lifibrauði. En
sagan heldur áfram. „Barnabörnin lofa
góðu,“ segir Bjarney hlæjandi. „Strák-
urinn hans Jóa Kalla er átta ára og æfir
með Bolton. Hann er meira að segja fyr-
irliði og er búinn að skrifa undir samn-
ing! Ofboðslega duglegur strákur.“
Jóhannes og fjölskylda voru heima á
Akranesi síðustu tvö sumur og dreng-
urinn æfði þá með ÍA og sonur Bjarna æfir
og leikur með KR. „Við Siggi eltum þá
auðvitað í alla leiki og líka stelpurnar;
Þórður á þrjár dætur og Bjarni eina og
þær eru allar í fótbolta. Ég er því búin að
gefa tengdadætrunum uppskriftina!“
Talandi um uppskrift; er eitthvað sér-
staklega mikilvægt sem hafa þarf í huga
þegar íþróttabörn eru annars vegar?
„Ég var alltaf með tvær heitar máltíðir
á dag og er viss um að strákarnir voru
ánægðir með það. Ég hugsaði mjög mikið
um mataræði þeirra og í seinni tíð um
hollustuna; hún hefur mjög mikið að
segja. Ef við hugsum ekki um hvað við
setjum ofan í okkur þýðir ekki að hamast
á einhverjum æfingatækjum. Við erum
það sem við borðum.“
Ofboðslega stolt
Bjarney er Skagamaður í húð og hár. Hún
lærði jóga fyrir tæpum áratug, er nú með
stöð á neðri hæðinni heima hjá sér og
kennir bæði hot jóga og ropejóga. Þá er
hún einnig menntaður bowen-tæknir og
vinnur sem slíkur. „Það er heildræn
meðferð til þess að fá líkamann til að
lækna sig sjálfur,“ segir Bjarney þegar
spurt er um stutta svarið við þeirri
spurningu hvað Bowen-tækni sé.
Landsleikjasaga Bjarneyjar er orðin
löng en henni þykir alltaf jafngaman að
fara á völlinn. „Það er æðislegt að horfa á
strákana í landsleik. Ég verð svo ofboðs-
lega stolt þegar ég fylgist með þeim;
hjartað tók svakalegan kipp þegar ég sá
að Björn ætti að koma inná í vikunni. Og
þótt ég sé alltaf með svo mikinn hjartslátt
meðan á leik stendur að það hálfa væri
nóg líður mér mjög vel á eftir.“
Hún segist geta haldið því fram án þess
að roðna að drengirnir séu allir prúðir.
„Þetta eru yndislegir strákar, þeir geta
auðvitað verið mjög hressir og voru
stundum dálítið miklir gaurar, en lífið
hefur verið mér gott og ég er mjög þakk-
lát fyrir það.“
Allir eru þeir þó ólíkir að sögn
mömmunnar. „Þeir eru aldir upp á sama
hátt myndi ég halda, en eru samt gjör-
ólíkir. Þórður er langábyrgðarfyllstur;
strax ungur strákur var eins og hann bæri
ábyrgð á öllu saman, en hinir hafa verið
miklu afslappaðri. Björn þó mest af öll-
um; hann hefur alltaf verið mjög afslapp-
aður og gleymdi yfirleitt öllu ef pabbi
hans stóð ekki yfir honum, hvort sem
hann var á leið í skólann eða á æfingu!
Þess vegna erum við svo ánægð með hve
vel hann stendur sig í Noregi.“
Stolt fótboltamamma
með þremur sona sinna
eftir landsleikinn við Kýpur.
Bjarney er á milli Þórðar (til
vinstri) og Bjarna Guðjónssona
en sá yngsti, Björn Bergmann
Sigurðarson, er lengst til hægri.
Fjórir fræknir
Þórður
Guðjónsson
Fæddur 1973
58 A-landsleikir
Bjarni
Guðjónsson
Fæddur 1979
23 A-landsleikir
Jóhannes Karl
Guðjónsson
Fæddur 1980
34 A-landsleikir
Björn Bergmann
Sigurðarson
Fæddur 1991
1 A-landsleikur
Heimild: Íslensk knattspyrna eftir Víði Sigurðsson.
Atvinnumaður frá 1993 til 2005: Atvinnumaður frá 1997 til 2006: Atvinnumaður frá 1998: Atvinnumaður frá 2009:
•Bochum
•Derby
•Preston
•Stoke
•Genk •Genk
•Newcastle
•Stoke
•Coventry
•Plymouth •Bochum
•Genk
•Aston Villa
•Wolves
•Leicester
•Burnley
•Huddersfield*
•MVV
•Waalwijk
•Alkmaar
*Núverandi lið
•Lilleström*
*Núverandi lið
•Las Palmas •Real Betis