Saga - 2005, Page 182

180
GUNNAR ÞÓR BJARNASON
spurningu er að leiða nemendur um Þjóðminjasafnið og sannfæra
þá í verki um að gott safn er auðvitað miklu meira en dótabanki þar
sem gamlir munir eru hafði til sýnis. Ég hygg að heimsókn á end-
urreist Þjóðminjasafn muni breyta hugmyndum margra um sögu-
söfn. Grunnsýning safnsins bregður nýju Ijósi á íslandssöguna og
öðrum aðferðum er beitt við miðlun og framsetningu en menn eiga
að venjast hér á landi. Ég hef rætt við marga sýningargesti, unga
sem aldna, og þeir hafa nær allir lýst ánægju sinni og hrifningu á
sýningunni í heild. Margir segjast vilja koma fljótt aftur. Sýningin er
ekki gallalaus en marga vankanta ætti að vera auðvelt að sníða af.
Mikið veltur á því hvort tekst að halda safninu fersku og lifandi, að
það sem betur má fara verði bætt og að starfsfólk verði óhrætt við
að feta nýjar og ótroðnar slóðir þegar sérsýningar verða settar upp
og breytingar gerðar á grunnsýningu.
Það var hátíðarstund þegar Þjóðminjasafnið var opnað að nýju í
september síðastliðnum. í leiðara Morgunblaðsins mátti lesa að
safnið hefði í meira en hálfa öld verið „táknmynd fyrir sjálfstæði
þjóðarinnar''.5 Þjóðminjavörður sagði að auk þess að vera „miðstöð
þjóðminjavörslu, rannsókna og miðlunar á menningarsögu ís-
lands" ætti það að geta „lagt sitt af mörkum til þess að skapa gott
samfélag, gott mannlíf með þekkingu á sögu og menningu í fartesk-
inu."6 Mælikvarðinn á það hvort slík markmið náist er í raun ein-
faldur. Hann er sá hvort safnið verður vinsæll viðkomustaður fólks
og hversu ánægðir safngestir verða. Akaflega mikilvægt er að upp-
vaxandi kynslóðir finni þar margt við sitt hæfi og að heimsókn á
safnið tendri áhuga þeirra á sögu og menningu þjóðarinnar. Byrj-
unin lofar allgóðu. Eftir er að sjá hvernig framhaldið verður.
5 „Endurreisn Þjóðminjasafns íslands", Morgunblaðið 1. september 2004.
6 „Nýr grundvöllur að Þjóðminjasafni íslands." Viðtal við Margréti Hallgríms-
dóttur, þjóðminjavörð, Lesbók Morgunblaðsins 28. ágúst 2004.