Saga - 2005, Page 263

FRÁ SÖGUFÉLAGI
261
söguna nýju. Verður að teljast mikill fengur að báðum þessum útgáfum
sem rekja ítarlega og skilmerkilega sögu framkvæmdavaldsins á íslandi
eftir að Reykjavík varð miðstöð þess.
Ritið ísland á 20. öld eftir Helga Skúla Kjartansson sagnfræðing var end-
urprentað undir lok síðasta starfsárs svo að nóg upplag er enn til af því. Líf-
leg eftirspurn eftir ritinu í upphafi vakti vonir um að nýja upplagið seldist
greiðar en raun hefur orðið á.
Á starfsárinu var unnið að því að búa til prentunar Sýslu- og sóknalýs-
ingar Mýra- og Borgarfjarðarsýslu; að því hafa unnið Guðrún Ása Grímsdótt-
ir, vísindamaður á Árnastofnun, og Björk Ingimundardóttir, skjalavörður á
Þjóðskjalasafni. Svavar Sigmundsson, forstöðumaður Örnefnastofnunar,
hefur haft umsjón með verkinu, en Örnefnastofnun og Sögufélag munu
gefa það út í sameiningu. Þess er vænst að ritið komi út nú í nóvember.
Útgáfa á dómum yfirréttar Alþingis er enn á döfinni þótt hægt miði,
enda undirbúningur þessarar útgáfu mjög háður því hvað Alþingi lætur af
hendi rakna hverju sinni henni til styrktar. Slíkur styrkur fékkst ekki á
þessu starfsári, en Björk Ingimundardóttir hefur þokað verkinu nokkuð
áfram og nýtur til þess velvilja þjóðskjalavarðar.
Stjórnin ákvað að freista þess að koma út í fullnaðarútgáfu Stuttri grein-
argerð um ísland (Brevis commentarius de Islandia) sem félagið birti til
bráðabirgða fyrir rúmum áratug. Liður í undirbúningi þess er að láta fara
yfir og endurskoða þýðinguna sem Ámi Þorvaldsson gerði upphaflega. í
þessu skyni var sótt um styrk til Þýðingarsjóðs sem var góðfúslega veittur.
Einar Sigmarsson sagnfræðingur vinnur nú að verkefninu. Væntanlega
leiðir þessi vinna til fullnaðarútgáfu á því starfsári sem fer í hönd. Á starfs-
árinu bárust félaginu nokkur handrit með tilboði um útgáfu; eru sum þeirra
enn í athugun.
Sögufélag beitti sér fyrir því, í samvinnu við Sagnfræðingafélag íslands,
að á Hugvísindaþingi Háskóla íslands 31. október - 1. nóvember sl. yrði
efnt til málstofu um ritun yfirlitssögu. Fimm sagnfræðingar fluttu fram-
söguerindi og birtust þau síðan endurskoðuð í síðasta vorhefti Sögu.
Þá átti Sögufélag aðild að ráðstefnu sem haldin var 13. mars sl. í tilefni
af hálfrar aldar afmæli Borgarskjalasafns Reykjavíkur. Fyrir hönd stjórnar
tók Kristrún Halla Helgadóttir þátt í undirbúningi ráðstefnunnar sem tókst
með ágætum.
Daglegur rekstur félagsins var um flest með venjubundnum hætti.
Kristrún Halla Helgadóttir sá um heimasíðu félagsins sem stofnað var til á
síðasta starfsári. Afgreiðslutími hjá Ragnheiði Þorláksdóttur í Fischersundi
var að jafnaði kl. 14-18. Um mánaðamót febrúar og mars stóð hún fyrir
bókamarkaði í húsi félagsins sem gaf góða raun. Á starfsárinu sá Heimir
Þorleifsson um reikningshald fyrir félagið sem og um dreifingu Andvara og
Almanaks Þjóðvinafélagsins á vegum Sögufélags. Kann stjórnin Heimi þakk-
ir fyrir framlag hans til daglegs reksturs félagsins. Þá eru stjórnarmönnum