Birtingur - 01.07.1955, Page 44

HÖRöUR Á G Ú STSSON:
Byggingarlist
Nútímalist
I fyrri greinum hef ég reynt að gera í -stuttu máli grein fyrir nokkrum
almennum einkennum byggingarlistar. Nú skulum við snúa okkur að þeim
þætti hennar er okkur varðar mest: byggingarlist nútímans.
Til að forðast misskilning er rétt að taka fram:
a) Nútímabyggingarlist er ekki hið sama og samtímabyggingarlist, þ. e.
a. s. að ekki teljast allar byggingar til nútímalistar, sem reistar hafa
verið t. d. seinustu fimmtíu árin.
b) Byggingarlist nútímans er sérstakt sjónarmið, sérstakt lífsviðhorf.
c) Nútímabyggingarlist er ekki andstæða fornrar listhefðar, heldur fram-
hald hennar.
d) Nútímabyggingarlist er sízt af öllu neinar glettur við góðborgarann,
heldur tilraun til að reisa byggingar í samræmi við þarfir mannsins
í nútímaþjóðfélagi, þar sem tillit er tekið til þeirra byggingarefna og
byggingartækni, sem honum standa til boða, og nýrra listrænna mögu-
leika sem ávallt skapast í byggingartæknilegum byltingum.
Dómhöllin i Bruxelles
42