Húsfreyjan - 01.07.1965, Blaðsíða 34

Burstið fyrst neðri tennurnar að innan, byrjið
innst og haldið fram á við. Burstið upp á við,
byrjið að neðan. Burstið jafnframt tannholdið.
Burstið því næst framtennurnar í neðra gómi.
Haldið burstanum nær því lóðréttum eins og
myndin sýnir, til þess að hann komist vel
að tannholdinu, burstið einnig til hliðanna,
svo að engin tönn verði eftir.
Burstið því næst efri tennurnar að innan
verðu, byrjið innst eða aftast öðru megin og
haldið fram og hringinn, en burstið nú ofan
frá og niður eftir.
lennurnar
á réttan hátt
Talið er, að tannburstarnir endist ekki
nema hálft ár, svo að vel sé (og sumir
vilja kannske helzt skipta á 2—3ja mán.
fresti). Hver maður ætti því að nota
a.m.k. tvo tannbursta á ári, en það mun
láta nær, að fólk hér á landi noti hvern
bursta í tvö ár, og eru þeir þá varla mjög
merkilegir eða notadrjúgir undir það síð-
asta. Hér verða birtar leiðbeiningar um
góða tannhirðingu, sem komu í sænska
blaðinu Rád och rön, sept. 1964.
Svíar telja að mikið skorti á að munn-
hirðing sé í fullkomnu lagi hjá þeim sjálf-
um, og eru þeir þó taldir mjög þrifin og
hreinlát þjóð. Ástandið mun sízt vera
betra hér. Þetta er slæmt, þar sem talið er
að algengustu tannsjúkdómarnir stafi
fyrst og fremst af slæmri munnhirðingu,
tannáta og tannlos, en sjálf orsökin er
gerlagróður í munninum. Það þykir sann-
að, að það stuðli mjög að heilbrigði tann-
anna að bursta þær á réttan hátt með
tannkremi, og með því megi draga til
mikilla muna úr tannskemmdum, sem
flestir eiga við að stríða. En ekki nægir
eingöngu að bursta tennurnar nema það
sé gert réttilega. Myndirnar sýna í grund-
vallaratriðum, hvernig bursta á, og til
þess að góður árangur náist, þarf að
bursta helzt í tvær mínútur í einu og helzt
a.m.k. tvisvar á dag eftir fyrstu og síð-
ustu máltíð dagsins.
32
HÚSPBEYJAN