Húsfreyjan - 01.07.1965, Blaðsíða 46
Við vonum og óskum, að Skallagrímsgarður
blómgist og blessist og það starf, sem í hann
hefur verið iagt, verði minnisvarði um að Kven-
félag Borgarness var til og komandi kynslóðum
Borgarness verði garðurinn til yndisauka.
Árið 1954 voru gróðursettar 900 plöntur í
kringum hinn nýja kirkjugarð Borgnesinga.
Skógrækt ríkisins gaf plönturnar, konurnar gróð-
ursettu undir leiðsögn Daníels Kristjánssonar,
skógarvarðar. Síðan höfum við hirt um plönt-
urnar í samvinnu við forráðamenn garðsins.
Þessi gróður prýðir nú fagurlega „hinnsta hvílu-
staðinn".
Hér hefur nú verið upptalið starfið og erfiðið,
en enginn má halda, að við í „Kvenfélagi Borgar-
ness“ eigum ekki gleðistundir í félagsstarfi okkar
aðrar en þær, sem erfiðið skapar. Jú, sannarlega.
Við höfum boðið kvenfélögum hér úr nágrenn-
inu til kvöldfagnaðar með okkur og eigum um þá
samfundi ljúfar minningar. Einnig höfum við
þegið boð annarra félaga og notið í samvistum
við þau gleðistunda. Þegar félagið var 20 ára
(1947) var farin skemmtiferð vestur að Bjark-
arlundi í Barðastrandarsýslu. Eftir þessa för var
kosin ferðanefnd á hverju ári og höfum við farið
margar ágætar ferðir, líklega 15 talsins, sem
tekist hafa mætavel allar. Lengsta ferðin var
farin til Vestfjarða 1961, þriggja daga ógleym-
anleg ferð. í þeirri för nutum við frábærrar
rausnar og gestrisni félagssystra okkar á ísafirði
og Patreksfirði og stöndum enn í þakkarskuld
við þær. Oft höfum við farið í hóp í Þjóðleik-
húsið á vetrum og séð þar ýmis góð verk og við
orðið aðnjótandi eigi aðeins skemmtunar heldur
og öðlast menningarauka. Við eigum ferðasjóð,
leggjum í hann 10% af öllum tekjum, er við
öflum á ári hverju. Ferðanefndir eiga mikið
þakklæti skilið fyrir störf sín, ferðirnar verið vel
undirbúnar og auk þess höfum við verið heppn-
ar með veður í þessum ferðum. Tel ég, að þessi
ferðalög hafi átt talsverðan þátt í því að laða
konur beinlínis í félagið.
Fundir eru haldnir í hverjum mánuði að vetr-
inum, 6—7, á ári auk skemmtifunda, þar sem
sýndir eru sjónleikir, lesið upp, ráðnar gátur og
getraunir, kveðist á, fluttar ferðasögur (stund-
um í ljóðum), sýndar skuggamyndir o.fl. o.fl.
Eftir umræðufundi spilum við oft, ef tími vinnst
til og er þá oft glatt á hjalla.
Kvenfélag Borgarness leggur miklar kvaðir á
herðar meðlima sinna. En konurnar eru frábær-
ar til starfa, taka öllu sem sjálfsögðu og hinn
sanni félagsandi innan Kvenfélags Borgarness
er ríkjandi. Vona ég og raunar veit, að engin
kona sér eftir þvi að hafa verið í félaginu. Nú
iíður að 40 ára afmæli félagsins. Efst í huga
okkar er þakklæti til þeirra, sem hófu merkið,
stofnendanna, brautryðjendanna, þakklæti til
þeirra félagskvenna, sem nú eru fluttar í önn-
ur héruð og hinna, sem horfnar eru yfir móð-
44
Húsfreyjan
kemur út 4 sinnum á ári.
Ritstjórn:
Svafa Þórleifsdóttir
Meðalholti 9 - Sími 16685
Sigríður Thorlacius
Bólstaðarhlíð 16 - Sími 13783
Elsa E. Guðjónsson
Laugateigi 31 - Sími 33223
Sigríður Kristjánsdóttir
Sunnubraut 6, Kpv. Sími 35748
Kristjana Steingrímsdóttir
Hringrbraut 89 - Sími 12771
Afgreiðslu og innheimtu annast
Svafa Þórleifsdóttir, Meðalholti 9.
Auglýsingastjóri:
Matthildur Halldórsdóttir. Sími 33670
Verð árgangsins er 60 krónur. í lausasölu
kostar hvert venjulegt hefti 20 kr. Gjald-
dagi er fyrir 1. júlí ár hvert.
Prentsmiðja Jóns Helgasonar.
una miklu. Blessuð og geymd er minning þeirra
allra.
Kvenfélag Borgarness telur 60 félaga. Árgjald
er kr. 100,00. Stjórnina skipa nú: Helga Guð-
marsdóttir, formaður, Margrét Gísladóttir, gjald-
keri, Freyja Bjarnadóttir, ritari.
Lengst hafa starfað: Ragnhildur Björnsdóttir
ritari í 20 ár. Ingveldur Teitsdóttir gjaldkeri í
14 ár og svo Geirlaug Jónsdóttir formaður garð-
nefndar í 28 ár, eins og fyrr getur.
Borgarnesi, 21. júní 1965.
Ó.S.
E F NI : bls.
Ávarp (Helga Magnúsdóttir) ................. 1
Mót norrænna húsmæðrakennara (S. Th.) 2
Fæðið á ísl. í gamla daga (Baldur Johnsen) 8
Heimilisþáttur (S. Kr. og E. E. G.) ..... 18
Sjónabók Húsfreyjunnar (E. E. G.) ....... 23
Manneldisþáttur (Kr. Stgr.) ............... 25
Frá Leiðbeiningastöð húsm. (S. Kr. og S. H.) 29
Máttur málsins (niðurl.) Margr. Jónsd. þ. 36
Hróðurinn gleymist, (S. Th. þýddi) ........ 38
Vaxandi áfengissýking (S. Th. þýddi) . . . , 40
Úr ýmsum áttum ............................ 42
HÚSFREYJAN