Vera - 01.07.1989, Blaðsíða 35

STUTTAR FRETTIR FRA ÞIiVGIlVlJ
EFLING KJARARANNSOKNA
„Alþingi ályktar að fela ríkisstjórninni að sjá
til þess að kjararannsóknir verði efldar og
samræmdar. í |dví skyni verði launamiðar og
skattagögn þannig úr garði gerð að fram
komi á launamiðum sem öruggastar upp-
lýsingar unt fjölda vinnustunda að baki dag-
vinnulaunum, yfirvinnulaunum og öðrum
launagreiðslum. Jafnframt verði starfsheiti
skilgreind og samræmd og þau tilgreind á
launamiðum og skattframtali. Enn fremur
verði settar reglur sem tryggi skil á launa-
miðum og réttum upplýsingum.” Þannig
hljóðaði þingsáylktunartillaga sem var sam-
þykkt nú í vor á Alþingi, en fyrsti flutnings-
maður tillögunnar var Kristín Einarsdóttir
og meðflutningsmenn að tilögunni voru úr
öllum flokkum á þingi.
í greinargerð með tillögunni sagði m.a. „Til
að gera sér ljóst hvaða laun eru greidd fyrir
sams konar vinnu er nauðsynlegt að starfs-
heiti verði skilgreind og samræmd. í
kjararannsóknum sent nú eru gerðar, eru
notuð mismunandi starfsheiti eftir þvt' hver
fjallar um málið. Þannig notar kjararann-
sóknarnefnd eitt kerfi og Framkvæmda-
nefnd annað. Þetta leiðir til þess að erfitt er
að gera sér grein fyrir eðli hinna ýmsu
starfa og hvaða laun eru greidd fyrir þau.”
Ef tillögunni verður fylgt eftir ætti það að
Ieiða til þess að gögn verði samræmd á þann
veg að hægt verði að fá frani raunveruleg
laun og störf að baki þeim.
AUKIN OG SAMRÆMD
UMHVERFISFRÆÐSLA
Þingsályktunartillaga Kvennalistans um
umhverfisfræðslu var samþykkt nú í vetur
en þar felur Alþingi „ríkisstjórninni að
auka og samræma fræðslu um umhverfis-
mál í skólum, m.a. í tengslum við endur-
skoðun á aðalnámsskrá og grunnskóla og
þróun námsefnis fyrir framhaldsskóla, svo
og fyrir almenning í samvinnu viö opinbera
aðila, fjölmiðla og félagasamtök.”
Þetta var í annað sinn sem Kristín Halldórs-
dóttir lagði tillöguna frarn en hún flutti
samhljóða tillögu veturinn 1987- 1988 en
tillagan var ekki útrædd þá. Nú var hún hins
vegar samþykkt eins og fyrr segir. í greinar-
gerð með tillögunni segir m.a. „Það eina
sem getur forðað manninum frá því að
þurrausa auðlindir jarðar og eyðileggja það
umhverfi sem hann lifir á er stóraukin þekk-
ing og skilningur á náttúrunni. Að því þarf
að vinna án tafar og með skipulegum hætti
og á öllum stigum þar sem því verður við
komið.” Við skulum vona að samþykkt þess-
arar tillögu verði til þess að skipulögð
fræðsla um umhverfismál verði tekin upp
hið fyrsta.
RAMMALÖGGJÖF UM SJÁLFS-
EIGNARSTOFNANIR
Eitt af þeim málum sem Guðrún Halldórs-
dóttir lagði fram þegar hún kom inn sem
varaþingkona sl. haust var þingsályktunar-
tillaga um setningu laga um sjálfseignar-
stofnanir. Tillagan var síðan samþykkt frá
Alþingi þann 5.maí sl. og hljóðaði þá svo:
„Alþingi ályktar að fela ríkisstjórninni að
beita sér fyrir gerð frumvarps til laga um
sjálfseignarstofnanir sem lagt verði fyrir
næsta löggjafarþing.”
Sem dæmi um sjálfseignarstofnanir má
nefna skóla ísaks Jónssonar, meðferðar-
stofnunina Vog og Hjálparstofnun kirkj-
unnar. Þegar Guðrún mælti fyrir tillögunni
benti hún m.a. á að upphaf og tilgangur
sjálfseignarstofnana varðaði almannaheill og
það væri því mikilvægt að um þær giltu skýr
og tæmandi lagaákvæði. Þau ákvæði hefur
hins vegar skort hingað til sem samkvæmt
þessari tillögu á að lagfæra á næsta þingi.
KOSNINGARÉTTUR ÍSLEND-
INGA ERLENDIS TRYGGÐUR
Frumvarp Kvennalistakvenna um breyting-
ar á kosningalögum var samþykkt sem lög
frá Alþingi 19.maí sl. Til þess tíma var kosn-
ingaréttur bundinn við 18 ára aldur,
íslenskan ríkisborgararétt og lögheimili hér
á landi eða hafa átt það á síðustu fjórum
árum talið frá l.desember næstum fyrir
kjördag. Samþykkt frumvarps Kvenna-
listakvenna hefur það hins vegar í för með
sér, að íslendingar búsettir erlendis halda
kosningaréttinum hér á landi svo lengi sem
þeir sjálfir vilja, en þurfa aðeins að sækja um
að vera teknir á kjörskrá, fyrst átta árum
eftir að þeir áttu lögheimili hér á landi og
síðan á 4 ára fresti upp frá því. Þessi
lagabreyting færir því íslendingum erlendis
mikilsverð mannréttindi sem ástæða er til
að gleðjast yfir.
NEFND UM TON-
MENNTAKENNSLU
Þingsályktunatillaga um tónmenntakennslu
í grunnskólum var samþykkt nú í vor á Al-
þingi. Það var Þórhildur Þorleifsdóttir, sem
var fyrsti flutningsmaður tillögunnar, en
meðflutningsmenn voru úr öllum flokkum.
Samkvæmt tillögunni á „menntamálaráð-
herra að skipa nefnd til að athuga og koma
með tillögur að samvinnu og samþættingu
tónmenntakennslu í grunnskólum og tón-
listarskólum landsins, með það fyrir augum
að efla og auka tónmenntakennslu í grunn-
skólum, að koma á samvinnu milli grunn-
skóla og tónlistarskóla, að það nám í tónlist,
sem nemendur stunda utan lögboðins
grunnskólanáms, geti í auknum mæli flust
inn í húsnæði grunnskólanna, að samnýta
húsnæði og kennara til að draga úr kostn-
aði og gera tónlistarnám aðgengilegra fyrir
nemendur. Nefndin ljúki störfum fyrir upp-
haf næsta þings.“
í greinargerð með tillögunni segir m.a. „í
landinu starfa hátt í 70 tónlistarskólar.
Nemendafjöldi er u.þ.b. 8 þúsund, þar af
eru u.þ.b. 250-300 sem stunda nám á því
stigi sem ætlað er til að búa nemendur und-
ir atvinnumennsku. Þessar staðreyndir tala
sínu máli um það hve tónlistarnám er snar
þáttur í menntun íslenskra barna og ung-
linga. Það er órjúfanlegt samhengi milli
þessa og hins blómlega tónlistarlífs í land-
inu.“ Og nú hefur verið samþykkt á Alþingi
að skoða þessi mál með það í huga að
tengja betur tónlistarnám og almennt
grunnskólanám.
Eins og lesendur VERU væntanlega vita slá nú Kvenna-
listakonur hring um landið. Konur mætast og konur kætast. Þær
sem missa af Kvennalistafundunum í þetta sinn þurfa ekki að
örvænta. Þingkonur Kvennalistans verða aftur á ferðinni um
landið í ágúst. Fylgist með auglýsingum!
Kvennalistinn.

35