Vera - 01.07.1989, Page 36

ÓÞOLANDI AÐSTAÐA í SELJASKÓLA
Strax á fyrsta klukkutímanum er loftiö oröiö svo þungt aö dögg mynd-
ast ó gleraugum ...
Oröin eru úr bréfi sem Nemendafélag Seljaskóla sendi íþrótta- og
tómstundaráöi Reykjavíkur á dögunum. Ástœöan er alvarlegur og
langvarandi skortur á félagsaöstööu nemenda í þessu fjölmennasta
skólahverfi borgarinnar. í hverfinu eru á þriöja þúsund nemendur en
aöstaða krakkanna til félagsstarfa er nánast engin.
í Seljaskóla, fjölmennasta skóla landsins,
hafa þrengsli alla tíð háð skólastarfinu þrátt fyr-
ir vaska framgöngu aðila innan skólans við að
reyna að bjarga málum frá degi til dags. Kennt
hefur verið í hverju skoti, skólasafn hefur ekki
fyrirfundist til skamms tíma og til félagsstarfs
er nemendum ætlað svokallað miðrými milli
kennslustofa. Þegar aðstandendur skólans
töldu sig loks sjá hilla undir félagsálmu kom í
ljós að ekki er áætlað að nýta væntanlega bygg-
ingu til félagsstarfa heldur verður að taka hana
alla undir kennslu sökum áframhaldandi
þrengsla. Þetta stafar fyrst og fremst af því að
bygging skólahúsnæðisins hefur dregist úr hófi
fram. Fimm lausar kennslustofur við skólann
hafa einnig verið fluttar í Hamrahverfið nýja í
Grafarvoginum þar sem enginn skóli er til fyrir
börnin þar og Foldaskóli er löngu sprunginn
utan af sínum nemendum. Þegar Seljaskóla-
fólki varð þetta ástand Ijóst brast því endanlega
þolinmæðin.
Nemendur sendi frá sér bréf þar sem þeir
kröfðust þess að yfirvöld brygðust skjótt við og
lagfærðu félagsaðstöðu við skólann. Síðan seg-
ir m.a.: „Það er kunnara en fráþurfi að segja að
við stærsta grunnskóla landsins með u.þ.b.
1400 nemendur er húsakostur jiannig að fé-
lagsmálum skólans er úthlutað 12 fermetrum
og hlýtur hver maður að sjá að við slíkt verður
ekki lengur unað. Nemendadansleikir og aörar
viðlíka uppákomur eru haldnar í einu af mið-
rýmum skólans vikulega. Strax á fyrsta klukku-
tímanum er loftið orðið svo þungt að dögg
myndast á gleraugum, eða með öðrum orðum,
ólíft er í húsinu.“
Skólastjórinn sendi m.a. íþróttabandalagi
Reykjavíkur bréf þar sem hann óskar eftir því
að skólinn fái afnot af íþróttahúsi sfnu á þriðju-
dagskvöldum á vetri komanda. Skólastjórinn
segir m.a. í bréfi sínu: „Ástæðan fyrir þessari
beiðni er sá átakanlegi skortur sem skóinn býr
við með félagsaöstöðu. Það má nánast flokkast
undir kraftaverk hvernig nemendur hafa fram
til þessa látið sér lynda aðstöðuleysið sem skól-
inn býr við til hvers konar samkomuhalds. Og
síðar: „Þá má geta þess að í vetur hefir borið
meira á lausung og jafnvel drykkjuskap meðal
unglinga í hverfinu en áður. Ekki er hægt að
draga í efa að aðstöðuleysi unglinga í hverfinu
er ein af ástæðunum fyrir því að svo mjög hallar
á ógæfuhliðina." Er ekki löngu tímabært að
borgaryfirvöld taki orð heimamanna alvarlega
og geri átak til úrbóta í hverfinu?
Ef aðeins er vikið að beiðni skólastjórans um
afnot af íþróttahúsinu þá finnst einhverjum
e.t.v. skrýtið að skólinn skuli ekki hafa forgang
að íþróttahúsi sínu. Skýringin er sú að þarna er
um að ræða fullkomið keppnishús, sem skólinn
nýtir að vísu til íþróttakennslu á daginn, en ein-
mitt af því að húsið er svona fullkomið fyrir
keppnishald er það mjög ásetið af öðrum en
þeim sem mest þurfa á því að halda; þ.e. krökk-
unum og öðrum íbúum í hverfinu. Þetta ættu
íbúar í Grafarvogi að hugleiða nú áður en búið
er að ganga frá flutningi fyrirhugaðs íþrótta-
húss Foldaskóla frá skólanum yfir á íþrótta-
svæði hverfisins og stækka það upp í fullkomiö
keppnishús, með tilheyrandi afleiðingum.
Það sem hér hefur verið vakin athygli á er
vandi Seljahverfisbúa og hann er alvarlegur
eins og svo skýrt kemur fram í bréfi skólastjór-
ans. Þann vanda verður að leysa svo viðunandi
sé áður en verra hlýst af. Kvennalistafulltrúar
hafa ekki legið á liði sínu við að ýta á fulltrúa
meirihlutans í þessu máli og munu halda því
áfram, þrátt fyrir að við ramman reip sé að
draga í borginni sem fleygir milljónum daglega
í tildurbyggingar og ýtir flestu öðru til hliðar á
meðan.
Elín G. Olafsdóttir
„RÁÐIST Á ÞÁ
SEM SÍST SKYLDI”
í síðustu VERU var sagt frá fyrirhuguðum
lokunum deilda á Borgarspítalanum í sum-
ar og afleiðingum þeirra fyrir öldrunar-
þjónustu Reykjavíkurborgar. Hulda
Ólafsdóttir, varaborgarfulltrúi Kvenna-
listans, gerði þessar lokanir að sérstöku um-
talsefni á borgarstjórnarfundi í apríl og
bókaði af því tilefni að hún mótmælti
þessari aðför að heilbrigðisþjónustu borgar-
búa og starfskjörum og atvinnuöryggi starfs-
fólks spítalans. Þá segir m.a. í bókuninni:
„Tilskipun fjármálaráðherra um 4% niður-
skurð á launakostnaði sjúkrahúsa er blettur
á þessari ríkisstjórn, sem vonandi gleymist
seint. Með samþykktum sínum tekur stjórn
sjúkrastofnana Reykjavíkurborgar þátt í
Jieim ljóta leik, sem þýðir enn frekari skerð-
ingu á |}jónustu spítalans en hingað til.
Með óbilgjörnum hætti er þannig ráðist á þá,
sem síst skyldi, j).e. sjúka, aldraða og verð-
andi mæður. Þá virðist þarna einnig á ferð
sérstök aðför að kjörum hlutavinnufólks
umfram annað starfsfólk sjúkrahússins. Þeir
sem vinna hlutavinnu eru aðallega konur,
sem mörgum hefur verið j^röngvað til að
vinna umfram ráðningarhlutfall þegar
stofnunin hefur þurft á að halda. Þessu er
því mótmælt sérstaklega.”
36