Vera - 01.06.2001, Qupperneq 65

Jafnréttisstofa
Dansað í átt tiC
jafMar virðÍHgar ífomjaHHa
Átt þú þér draum um jafna stöbu og jafna virbingu kynjanna?
Jafnréttisstofa starfar samkvæmt nýjum lögum um jafna stöðu og
jafnan rétt kvenna og karla, sem samþykkt voru í maí 2000. Helstu
verkefni stofunnar eru söfnun og miðlun upplýsinga um stöðu
kynjanna, fræðsla og ráðgjöf til einstaklinga, félaga, fyrirtækja,
stofnana og stjórnvalda á öllum stigum, auk þróunarstarfs,
rannsókna og eftirlits með lögunum.
✓
I lýðræðisþjóðfélagi fela þegnarnir stjórnvöldum forystu í að móta
stefnuna í samfélagsþróuninni. En stjórnvöld og stjórnsýslustofnanir
eru vanmáttug þegar þau eru einangruð. Þau þurfa þjóðina með
sér, einstaklinga, fjölskyldur, hópa, félagasamtök, fyrirtæki og aðrar
stofnanir. Við berum öll ábyrgð á að móta þjóðfélag sem virðir
einstaklingana jafnt, óháð kynferði. Við berum öll ábyrgð á að
skapa samfélag sem líður ekki ofbeldi, kúgun, kynbundið misrétti
eða annað það sem misbýður virðingu okkar.
Við erum og verðum konur og karlar og berum öll ábyrgð á að
kynið verði engum fjötur um fót. Við berum öll ábyrgð á að verja
rétt okkar til að vera þau sem við erum, ólíkar konur og ólíkir karlar
sem starfa og skapa saman, á jafnréttisgrundvelli.
Jafnréttisstofa býður þjóðinni upp í dans í átt til jafnrar stöðu og
virðingar kvenna og karla. Heimsækið okkur á heimasíðuna, hafið
samband í síma eða tölvupósti eða lítið við á skrifstofunni að
Hvannavöllum 14 á Akureyri, ef þið viljið dansa með.
Jafnréttisstofa • Hvannavöllum 14 • 600 Akureyri
Sími: 460 6200 • Fax: 460 6201
Netfang: jafnretti@jafnretti.is • www.jafnretti.is
STía