Vera - 01.06.2001, Síða 34

Viðhorfskönnun VR
Eins og samheldin fjölskylda
Á bensínstöð Skeljungs við Birkimel vinnur samheldinn
hópur fóiks á öllum aldri. Þrátt fyrir miklar annir einn sól-
ardag tókst að hóa saman fjórum starfsmönnum til að
ræða niðurstöður könnunar VR sem lúta að mun í svörun
hjá elsta og yngsta hópi svarenda.
Ólafur |ón Magnússon sem er einn af eldri starfsmönn-
um stöðvarinnar, rétt um sextugt, er búinn að vera á Birki-
melnum í tíu ár. Margir þekkja Ólaf sem mikinn penna-
safnara og hafa kannski gaukað að honum sérstökum
penna í safnið. Algengast er að sjá Elínu Jónsdóttur í af-
greiðslunni en hún var vaktstjóri stöðvarinnar.
Erling jónsson sem hefur unnið í fjögur ár á stöðinni er
að ræða við yngsta starfsmanninn, Birki Friðfinnsson
nítján ára, um landsins gagn og nauðsynjar á milli þess
sem bílar eru fylltir og olían könnuð. Þegar Erling og Birkir
eru spurðir hvort þeim finnist minnst virðing borin fyrir
sínum þörfum á vinnustaðnum, eins og almennt kom fram
í könnun VR, segja þeir svo ekki vera.
„Ég er nú ýmsu vanur en ég finn ekkert fyrir því hérna,"
segir Erling. Þeir samþykkja ekki að ungir starfsmenn leggi
minni metnað í störf sín en aðrir. „Það skiptir samt máli í
sambandi við metnað að maður geti séð fram á betri
stöður," segir Erling. Þeir segja báðir starfsandann mjög
góðan á stöðinni. „Við fórum í keilu um daginn og það
mættu eiginlega allir," segir Birkir og Erling segist ekki
kannast við að eldri starfsmenn sé afskiptir.
„Þeir sem eru orðnir eldri hafa ekki eins mikinn áhuga
á því að skemmta sér á sama hátt og við," segir Birkir.
Vilja kannski miklu frekar vera heima að horfa á sjónvarp-
ið. En við bjóðum þeim alltaf með," bætir Erling við. „Á
svona litlum vinnustöðum reynir talsvert á samskipti og
við erum létt hérna, enda tala margir um það sem koma
hingað að hér séu alltaf ailir í góðu skapi," segir Erling.
Ólafur og Elín taka undir þetta. „Vaktirnar eru langar og
það skiptir miklu máli að fólki komi vel saman," segir Elín.
„Við erum eiginlega eins og ein samheldin fjölskylda.
rannsóknir í Bandaríkjunum sem sýna að
eldri starfsmenn eru oft fljótari að koma sér
inn í tæknimálin og leysa þau vandamál
sem upp koma. Til dæmis man ég eftir í
svipinn að konur á aldrinum 50-55 ára
komu mjög sterkar út í einni könnun þar
sem skoðað var hvernig fólk leysti tiltekin
verkefni með tölvu og á netinu.
Sér markaðurinn um
jafnréttið?
Gísli: Ég held að það sé örugglega rétt
að það er mikil æskudýrkun í gangi í þjóð-
félaginu. Hins vegar held ég að það sé lykil-
atriði að það sé bara nógu hörð krafa á fyr-
irtæki að skila arði, að það sé verið að reka
fyrirtæki sem ganga. Ef það er haft að leið-
arljósi er ekkert vandamál að hafa fjöl-
skyldustefnu í fyrirtækinu, eða ráða konur
til jafns við karla og unga sem aldna. Ef
menn þurfa að skila hagnaði þá gera menn
það sem þarf til þess. Ef góð fjölskyldu-
stefna skilar öflugra fyrirtæki þá er alveg
Ijóst að stjórnendur þurfa að huga að þeim
málum.
Ásgerður En menn verða þá líka að sjá
að þetta eru hlutir sem skipta máli.
Með þessum orðum er ákveðið að slá
botninn í spjallið. Ferðahugur er að komast
í fréttamanninn og leikstjórinn þarf að
komast á æfingu. Við hin sátum samt leng-
ur yfir kaffinu og spjölluðum vítt og breitt
um íslenskt þjóðfélag, stöðu jafnréttisbar-
áttunnar, barneignir og stöðu eldri borgara
á íslandi í dag. En þegar stórt er spurt verð-
ur fátt um svör og stórir málaflokkar sem
þessir verða víst ekki leystir yfir kaffibolla
inni á Hótel Borg, þótt vissulega megi láta
á það reyna.
Diesel
99+ V-Power
95 Blýlaust
Erling, Ólafur Jón, Elín og Birkir á bensínstöð Skeljungs við Birkimel.