Vera - 01.08.2003, Page 3

Konur hafa 70% af launum karla
Kvennalandsliðið ískák
fyrir að standa fyrir fjöltefli meðal kvenna sem sló öll
met. Yfir 100 konurtefldu við landsliðið og rifjuðu upp
mannganginn í skemmtilegum leik við meistarana.
Fjölgun kvenprófessora
Konum hefur fjölgað í stöðum prófessora í íslenskum
háskólum undanfarið, þær eru nú 30 af 188 prófessor-
um, eða 16%, sem reyndar er ekki hátt hlutfall og þurfti
að hækka verulega. Árið 2000 voru hins vegar aðeins
15 konur prófessorar i íslenskum háskólum og hefur
þeim því fjölgað um helming.
Þátturinn Alias
sem sýndur er á ríkissjónvarpinu. Leikkonan Jennifer
Garner fer hamförum sem Sidney Bristow en hún
stendur sig svo vel í starfi að hún slær James Bond við.
Borgarleikhúsið
fyrir að setja upp Línu Langsokk. Hún er sígild og góð
fyrirmynd fyrir stelpur, hvetur þær til að vera hressar og
sterkar, ekki með pempíuskap og trúa þvi að þær geti
gert allt sem þeim dettur í hug.
Morðið á Önnu Lindh
sem er reiðarslag fyrir frjáls þjóðfélög Evrópu og konur
í stjórnmálum. Anna Lindh, utanríkisráðherra Svíþjóð-
ar, er einstakt dæmi um konu sem náði að komast á
toppinn í stjórnmálum á forsendum kvenna. Hún setti
lit á jakkafataklæddan hóp æðstu embættismanna
Evrópu og kom með ferskan og nýjan blæ inn í sænsk
stjórnmál.
Kynþáttahatur
sem kemur fram í hópamyndun og ofbeldi unglinga,
hér á landi eins og annars staðar. (slenskt samfélag
hefur ekki tekið ábyrgð á innflytjendum sínum, þess
vegna sýður upp úr hjá þeim, eins og dæmin sanna.
Samt hafa sérfræðingar oftsinnis varað við að ofbeldi
milli hópa gæti brotist út.
[ stjórnarsáttmála núverandi ríkisstjórnar er upptalning á
helstu verkefnum ríkisstjórnar Sjálfstæðisflokks og
Framsóknarflokks. Meðal þeirra er: Að hvetja fyrirtæki og
opinberar stofnanir til að vinna að jafnréttismálum. Gengist
verði fyrir rannsóknum á stöðu kynjanna á vinnumarkaði og
áfram unnið að því að jafna iaunamun kynjanna.
Það er sem sé yfirlýst markmið ríkisstjórnarinnar að
jafna launamun kynjanna. Því hlýtur að vera mikilvægt að
stjórnendur fyrirtækja og stofnana sem hafa vald til að
ákveða og semja um laun taki mið af þeim yfirlýsta vilja.
Jafnframt þurfa almennir starfsmenn að þrýsta á um að
þessu markmiði sé framfylgt og allt gert til að útrýma
þeim launamun sem sannarlega erfyrir hendi.
Það hefur nefnilega komið í Ijós að sé vilji fyrir hendi er
hægt að leiðrétta launamuninn sem konur búa við. Til
þess þarf hins vegar hugarfarsbreytingu þeirra sem
ákvarða laun og það eru yfirleitt karlar. Margir þeirra
viðhalda þeirri launaleynd sem er eitt af því sem hefur
aukið mjög launamun kynjanna en í skjóli hennar
viðgangast ýmsar aukagreiðslur og yfirborganir sem er
miklu algengara að samið sé um við karla heldur en konur.
Á vorþingi 1998 samþykkti þáverandi ríkisstjórn
framkvæmdaáætlun til fjögurra ára um aðgerðir til að ná
fram jafnrétti kynjanna. Meðal verkefna sem tilgreind voru
í tillögunni er að skipuð verði nefnd til að leggja drög að
rannsóknarverkefni um efnahagsleg völd kvenna og karla.
Nefndin fékk Samtök atvinnulífsins til að framkvæma
launakönnun árið 2002 í samstarfi við Jafnréttisráð og er
niðurstöðu hennar að finna á heimasíðu Jafnréttisstofu. í
þeirri könnun kom fram að 30% launamunur er á
kynjunum en ýmsar skýringar eru notaðar til þess að
útskýra muninn þartil eftir standa aðeins 7%. Um þetta er
að sjálfsögðu deilt. Þau laun sem fólk fær í hendur er það
sem gerir því fært að lifa fjárhagslega sjálfstæðu lífi. Þar
standa konur höllum fæti þar sem þær hafa aðeins 70% af
launum karla og því þarf að breyta. Grundvallaratriðið er
að meta störf kvenna til jafns við störf karla. Þar er þörf á
stærstu hugarfarsbreytingunni og þar er ekki eftir neinu
að bíða. Stöndum með markmiðum ríkisstjórnarinnar og
vinnum ekki aðeins að því að jafna launamun kynjanna.
Útrýmum honum.