Vera - 01.08.2003, Qupperneq 45

/ HAUS
ströng á þessum reglum og hann hefur sætt sig við þær
vegna þess að hann veit að þegar hann verður átján má
hann gera það sem hann vill.
Ég lem ekki börnin mín og ég öskra ekki á þau. Ég
tala hinsvegar við þau af einlægni og reyni að fá þau til
að skilja mitt sjónarmið. Ég segi þeim að mér leiðist að
vera ein heima og mig langi að sjá þau og tala við þau
áður en þau fara að sofa. Þau skilja að það er vegna þess
að mér þykir vænt um þau.“
Amal býr enn í Kópavoginum ásamt þremur yngstu
börnunum, en þau þrjú elstu hafa eignast sín heimili.
Skyldi Amal geta ínryndað sér hvernig dagarnir verða
þegar öll börnin eru farin að heiman og uppeldið
verður ekki lengur stærsti parturinn af lífi hennar? Hún
svarar þessu hlæjandi: „Átján ára dóttir mín er flutt að
heiman, en hún hringir daglega til að spyrja nrig hvað sé
í matinn og kemur síðan ef henni þykir það girnilegt.
Blessuð vertu, ég losna aldrei alveg við þau!“
Framtíðin er tilhlökkunarefni. Þegar Anral hefur
lokið námi langar hana að nýta menntun sína til að
vinna áfram með konum og unglingum.
„Sonur minn var erfiður á aldrinum 12-15 ára og í
tengslum við það fór ég að íhuga hvort unglingar af
erlendum uppruna leiddust frekar út í afbrot en íslenskir
unglingar og þá hvers vegna. Eru afbrot þeirra ef til vill af
öðrum rótum runnin? Hefur menningar-munur eitthvað
með þetta að gera? Ég iða í skinninu að rannsaka svo ótal
margt sem tengist innflytjendum á fslandi."
f tengslum við þennan áhuga fór Arnal ásamt hópi
kvenna á ráðstefnu til Malmö í vor á vegum Fjöl-
menningar þar sem umræðuefnið var fjölmenning og
það sem gerist þegar mismunandi menningarheimar
skarast í einu samfélagi.
„fslendingar eru bara íslendingar," segir hún. „En við
útlendingar erum svo margskonar. Við erum Arabar,
Tælendingar, Pólverjar eða Spánverjar og við erurn
frábrugðin íslendingum, en við erum líka frábrugðin
hvert öðru. Ekki verður einungis að taka tillit til
kynþáttar þegar það er skoðað, heldur líka kyns. Við
konur erum í neðsta þrepi innflytjenda - við erum
síðastar til að fá vinnu og við fáum lægstu launin.
Ráðstefnan í Malmö var virkilega fróðleg og í kjölfar
hennar kviknaði sú hugmynd að stofna félag íslenskra
kvenna af erlendum uppruna. í þeim félagsskap viljum
við geta borið saman bækur og stutt hver aðra í því að
vinna að okkar sjálfsögðu réttindamálum. Ég vona að
félagið verði til vegna þess að ég hef fundið að nrargar
aðfluttar konur eru á sama máli og ég: Við viljutn ekki
vera útlendingar á jaðri samfélagsins um alla framtíð.
Við viljum gera okkar besta til að aðlagast íslenskri
menningu og jafnframt miðla íslendingum af okkar
menningu, svo að við verðum öll ríkari eftir.“ X
SPENNANDI NÁMSKEIÐ
Amal Tamimi heldur námskeið um konur og íslam Menningarfærni fyrir erlendar konur á íslandi
fslam er eitt af fjölmennustu trúarbrögðum heims. I löndum múslíma hefur karlveldið notfært sér trúarbrögðin til að kúga konur, rétt eins og gert hefur verið I öðrum trúarbrögðum. Amal tekur sérstaklega fyrir staðalmyndir sem eru algengar á Vesturlöndum um múslíma og stöðu kvenna í samfélögum múslíma. Mannleg samskipti á Islandi eru í mörgu ólík því sem gerist í öðrum menningarheimum. Það getur komið sér vel að vita hvernig framkoma er eðlileg og viðurkennd í íslensku samfélagi Námskeiðið verður haldið laugardaginn 1. nóvember kl. 13:00- 16:00 í Kvennagarði, Laugavegi 59, 4. hæð
Amal fjallar einnig stuttlega í máli og myndum um átök í samtímanum milli múslíma og hins vestræna heims. Kennarar Amal Tamimi, Helga Guðrún Loftsdóttir, Ingibjörg Hafstað.
Námskeiðið verður haldið laugardagana 18. og 25. október 2003 kl. 11:00-15:00 f Kvennagarði, Laugavegi 59, 4. hæð. Verð 700 kr. Skráning í síma 511 1319.
Boðið verður upp á léttan palestínskan málsverð.
Verð: 1000 kr. Skráning og nánari upplýsingar í s. 511 1319 og 552 6310.
Fjölmenning • Kvennagarði • Laug avegi 59 • 4. hæð • sími 511 1319
vera / 4. tbl. / 2003 / 45