Vera - 01.08.2003, Qupperneq 56

/AÐ UTAN
Kvennaveldið Finnland
»Sennilega voru konur um allan heim ánægðar með hlut finnskra
kvenna vegna framlags þeirra til jafnráttisbaráttunnar nú í byrjun árs
þegar bæði forseta- og forsætisráðherraembættin þar í landi voru skipuð
af konum. Sú nýbreytni stóð ekki yfir lengi, eða í rétt rúma tvo mánuði.
Kannski er það ekki svo mikilvægt, kannski er mikilvægara að skoða hvað
gerir það að verkum að í Finnlandi eiga konur greiðari aðgang að
mikilvægustu embættum landsins en í mörgum öðrum löndum.
Eftir að ég flutti til Finnlands hef ég oft velt fyrir mér
finnsku samfélagi og borið það saman við hið íslenska.
Ég hef komið með allskyns glórulausar tilgátur um hvað
gerir Finna að Finnum og íslendinga að Islendingum.
Kynhlutverkið hefur mér einhverra hluta vegna ekki
verið neitt sérstaklega hugleikið, sem segir kannski sitt
um finnskt samfélag. Eitt er þó iðulega sagt um fmnskar
konur bæði af Finnum og öðrum. Það er að þær séu
sterkar og stjórni körlum sínum sem, nota bene, eru
sagðir vilja láta stjórna sér. Þar sem ég er sjálf á leiðinni
í hjónaband með fmnskum manni verð ég að taka undir
þau rök að finnskir menn láti ágætlega að stjórn - eins
langt og það nær! En hvort sem eitthvað er til í þessari
tilgátu er staðreyndin sú að það er eitthvað í finnsku
samfélagi sem gerir það að verkum að hér hafa konur
náð einna lengst í jafnréttisbaráttunni.

56/4. tbl. / 2003 / vera