Vera - 01.04.2005, Page 32
Þ£C; ,//< 'Íf/Ð I. í{ £/< • / ,//</. V'\ \70 SJCO%tf
þessi karlmennskuhugtökoG átta sig á því að drengir í
DREIFBÝLI eiga undir högg aö sækja ÞÁ RIFJAST UPP FYRIR MANNIAÐ ÞAÐ ÞÓTTI
alls ekki sjálfsagtað menn gengju M£J€N%'1V£GIJÚ£'
Bókin hans Ingólfs er að mörgu leyti
brautryðjendaverk á sviði kynjafræða
og menntunar hér á landi. Þar er kafað
í þær hugmyndir sem hafa verið ráðandi
um að drengir í skóla eigi undir högg að
sækja vegna kvenvæðingar skólakerfis-
ins. í bókinni er litið gagnrýnum augum
á forsendur þessara hugmynda og þær
settar í fræðilegt, menntapólitískt og
kynjapólitískt samhengi. Veru langar til
þess að kynnast betur manninum á bak
við bókina og athuga hvað það er sem
fær hann til að taka fyrir svona efni.
Á meðan á viðtalinu stendur talar
Ingólfur oft um hlutina af ástríðu og
honum verður stundum heitt í hamsi
en það er líka stutt í kímnina og brosið.
Hann er sífellt að greina allt sem ber á
góma í viðtalinu. Ingólfur veltir fyrir sér
mögulegum ástæðum fyrir skoðunum
sínum og rekur þær sögulega og alltaf
með það í huga hvar valdið liggur. Hann
virðist horfa gagnrýnum augum á allt og
ekki síst eigin gjörðir. Þegar ég bið hann
um að segja mér lítillega frá sjálfum sér
rekur bóndastrákurinn úr Mývatnssveit
uppvaxtarárin sín í álíka greinandi ljósi
og annað sem við ræðum og tengir þau
fræðilegri gagnrýni femínismans.
„Það hefur rifjast upp fyrir mér ný-
verið að þegar ég var unglingur þá varð
kísilverksmiðjan til. Sumir fóru að
vinna þar og ég vann þar lítillega. Ég
hugsaði um það á einum tímapunkti
hvort ég ætti að fara að vinna þar frekar
en að fara í skóla. Fyrir mjög góðu kaupi
á mælikvarða bænda, vaktavinna og alls
ekki mjög erfið vinna. Svo þegar maður
er farinn að skoða þessi karlmenn-
skuhugtök og átta sig á því að drengir
í dreifbýli eiga undir högg að sækja þá
rifjast upp fyrir manni að það þótti alls
ekki sjálfsagt að menn gengju mennta-
veginn. Ég man eftir orðatiltækinu „há-
skólagengnir hálfvitar“ sem var haft eftir
roskinni konu í sveitinni. En ég fékk nú
frekar mikinn stuðning til að fara í skóla
heima hjá mér.“ Það hefði því ekki mátt
muna miklu að þessi akademíski aktí-
visti og jafnréttissinni hefði fetað aðrar
brautir.
32 / 2. tbl. / 2005 / vera