Ársrit Nemendasambands Laugaskóla - 01.01.1933, Page 54
52
og blómin anga í töfrandi litskrúði.
Fuglamir fljúga úr hreiðri
og syngja þér fagnaðarsöng.
Öll lömb og kið leika sér.
Allt sem leikið getur og flogið
flýgur og leikur.
Allt lifir
af því ljós þitt hefur snortið það.
Skipin sigla upp ána, niður ána.
Hver vegur er rakinn,
því að um allt leikur birta þín,
ljómi þinn.
Laxinn stekkur,
stekkur fyrir þig,
því að geislar þínir ná líka niður í djúp vatnins.
Mörg' eru dásemdarverk þín, Aton,
gjafir þínar. umhyggja þín.
Þú einn ert guð, guð allsvaldandi.
Þú skapaðir jörðina af sköpunarþrá þinni
þegar ekkert, enginn, var til nema þú-
Þú skapaðir oss mennina,
og þú skapaðir dýrin, stór og smá,
skapaðir allt, sem á jörðinni er,
þráir, leitar og finnur til.
Og þú skapaðir fuglana,
sem fljúga á vængjum sínum til himins.
Þú skapaðir Sýrland og Núbíu
og þú skapaðir Egyptaland.
Þú hefur skapað allt og alla.
og þú gefur hverjum það, sem hann þarfnast.
— Svo dásamlegt er verk sköpunar þinnar.
Þú ert forsjón alls, ó Aton,
og' þú ræður allra sköpun.