Fréttablaðið - 29.09.2012, Side 2

29. september 2012 LAUGARDAGUR2
SAMKEPPNI Haustið í allri sinni lita-
dýrð og fegurð er þema ljósmynda-
samkeppni sem Fréttablaðið efnir til
meðal lesanda sinna. Þeir eru hvatt-
ir til að senda sem fjölbreytilegastar
myndir af viðfangsefnum sem tengj-
ast haustinu með einum eða öðrum
hætti.
Besta myndin verður birt á forsíðu
Fréttablaðsins og aðrar verðlauna-
myndir inni í blaðinu. Þá fær mynda-
smiður bestu myndarinnar 22 tommu
Led sjónvarpstæki frá Philips sem
gefið er af Heimilistækjum í verðlaun
en í önnur og þriðju verðlaun eru leik-
húsmiðar fyrir tvo í Borgarleikhúsið.
Skilafrestur fyrir myndirnar er
miðvikudagurinn 3. október klukkan
12 og þær skal senda á netfangið ljos-
myndakeppni@frettabladid.is.
Fréttablaðið efnir til haustmyndasamkeppni:
Forsíðumynd og sjónvarpstæki
frá Heimilistækjum í verðlaun
REKIÐ HEIM ÚR RÉTTUNUM Þessi mynd Hjalta Árnasonar bar sigur úr býtum í
haustljósmyndakeppni Fréttablaðsins í fyrra.
Atli, er áherslan hjá ykkur á
innri eða ytri fegurð?
„Ja, eins og einhver sagði: Fegurðin
er ekki í andliti falin.“
Nýjasta stórsveit landsins hefur hlotið
nafnið „Fallegir menn“. Meðal með-
lima eru nokkrir helstu tónlistarmenn
þjóðarinnar, þar á meðal Atli Bollason.
LANDBÚNAÐUR Steingrímur J. Sig-
fússon atvinnuvegaráðherra og
Oddný G. Harðardóttir fjármála-
ráðherra skrifuðu í gær ásamt
fulltrúum bænda undir breytingu
á búvörusamningum. Þá var einnig
skrifað undir nýjan búnaðarlaga-
samning.
Gildandi búvörusamningar um
starfsskilyrði framleiðenda garð-
yrkjuafurða, mjólkurframleiðslu og
sauðfjárræktar voru framlengdir
um tvö ár og gilda nú til ársins 2017.
Litlar breytingar verða á fram-
lögum ríkisins vegna samninganna
aðrar en þær sem rekja má til verð-
lagsbreytinga. Samningarnir kalla
því ekki á aukin útgjöld ríkissjóðs
miðað við framkomið fjárlagafrum-
varp.
Samkvæmt samningunum verður
framlag ríkisins til garðyrkjunnar
283 milljónir á ári næstu þrjú ár á
verðlagi ársins í ár. Þá verður fram-
lag til mjólkurframleiðslu 6.041
milljón króna og framlag til sauð-
fjárræktar 4.477 milljónir.
Litlar sem engar breytingar voru
gerðar á efni búvörusamninganna.
Þó var fyrirvari settur inn í samn-
ingana um hugsanlegar breyting-
ar sem kunni að leiða af niðurstöð-
um samningaviðræðna um aðild
Íslands að Evrópusambandinu. En
ljóst er að aðild myndi hafa í för
með sér talsverðar breytingar á
umhverfi búvöruframleiðslu hér á
landi.
Í nýja búnaðarlagasamningnum
eru framlög ríkisins hins vegar
aukin nokkuð frá því sem var.
Einkum eru framlög til jarðrækt-
ar og eflingar kornræktar aukin.
Þannig hækka heildargreiðslur
ríkisins samkvæmt samningum úr
425 milljónum í ár í 558,5 milljóna
króna á næsta ári.
- mþl
Litlar breytingar voru gerðar á búvörusamningum við tveggja ára framlengingu þeirra:
Búvörusamningar framlengdir um tvö ár
SAMNINGARNIR HANDSALAÐIR Þeir
Sveinn Sæland, formaður Sambands
garðyrkjubænda, og Haraldur Benedikts-
son, formaður Bændasamtakanna, tóku
í hendur ráðherra á Hótel Sögu í gær.
FRÉTTABLAÐIÐ/VILHELM
REYKJAVÍKURBORG Samhliða kaup-
um Reykjavíkurborgar á Umferð-
armiðstöðinni samþykkti borgar-
ráð að kaupa Keilugranda 1 af
sömu eigendum; Mynni ehf. og
Landsbankanum. Með kaupunum
er borgin sögð fá fullt vald yfir
deiliskipulagsvinnu vegna lóðar-
innar sem hafi verið í óvissu. Á
Keilugranda stendur nú skemma
með stuttum leigusamningum.
Eigendur Umferðarmiðstöðvar-
innar settu það sem skilyrði fyrir
sölunni að borgin keypti einnig á
Keilugranda. Fyrir Keilugrand-
ann vill borgin greiða 60 milljón-
ir króna og láta einnig í skiptum
einbýlishús á Einimel 19, íbúð í
Búðagerði 9 og hæð á Suðurlands-
braut 32. - gar
Kauptilboð á Keilugranda:
Nýtt skipulag
eftir uppkaup
STJÓRNMÁL Hugur Steingríms J.
Sigfússonar, formanns Vinstri-
grænna, stendur til þess að
endurnýja
núverandi ríkis-
stjórnarsam-
starf eftir kosn-
ingar verði sá
möguleiki fyrir
hendi. Væntan-
leg formanns-
skipti í Sam-
fylkingunni
breyta þar engu
um.
„Ég mun gera það sem í mínu
valdi stendur til að tryggja að hér
verði áfram vinstrisinnuð, félags-
lega sinnuð og umhverfisverndar-
sinnuð ríkisstjórn,“ segir Stein-
grímur og heldur áfram: „Ég
neita því hins vegar ekki að ég
mun sakna Jóhönnu Sigurðardótt-
ur enda höfum við átt einstaklega
gott og traust samstarf.“ - mþl
SPURNING DAGSINS
AÐEINS Í DAG!
LOFTLJÓS 50W
VERÐ ÁÐUR 11.950,- NÚ 8.000,-
kíktu inn á www.pfaff.is
Pfaff // Grensásvegi 13 // Sími 414 0400
Opið í dag, laugardag kl. 11-16.
33%
STEINGRÍMUR J.
SIGFÚSSON
Formaður Vinstri-grænna:
Mun sakna
Jóhönnu úr
stjórnmálunum
LÖGREGLUMÁL Maðurinn sem
grunaður er um að hafa skotið
Kristján Hinrik Þórsson til bana í
Bandaríkjunum í byrjun mán-
aðarsins viðurkenndi fyrir vini
sínum skömmu eftir atburðinn að
hafa skotið Hinrik.
Hinn grunaði í málinu heitir
Jermaine Jackson en hann hafði
undir höndum skammbyssu af
sömu gerð og notuð var í skot-
árásinni þegar lögregla handsam-
aði hann.
Í gögnum lögreglu kemur fram
að eitt af vitnum lögreglunnar sé
vinur Jacksons. Sá segir að hann
hafi viðurkennt fyrir sér í nokkru
uppnámi að hafa skotið Hinrik en
áður hefur komið fram að Jackson
og Hinrik þekktust. - aó
Íslendingur myrtur í Tulsa:
Viðurkenndi
að hafa skotið
Kristján Hinrik
SKIPULAGSMÁL Tvenn hjón sem eiga
sumarbústaði í Vorsabæ í Skeiða-
og Gnúpverjahreppi sendu inn
harðorð mótmæli vegna umbeð-
innar breytingar á aðalskipulagi
svo hægt verði að setja upp tvær
yfir sjötíu metra háar vindmyllur
í landi Vorsabæjar.
Hjónin segja að með spöðunum
verði myllurnar 72 til 76 metra há
mannvirki sem muni sjást víða að
og setja mikinn svip á umhverfið.
„Til samanburðar má geta þess að
turn Hallgrímskirkju í Reykjavík
er 74,5 metrar á hæð! Tveir Hall-
grímskirkjuturnar geta ekki átt
rétt á sér innan um sveitabæi og
sumarhús,“ segja hjónin. Þau eru
Hreiðar Sigtryggsson og Salóme
A. Þórisdóttir og hjónin Árni Stef-
án Jónsson og Helga Ingibergs-
dóttir. Hjónin keyptu hvor sína
spilduna úr Vorsabæ og reistu þar
sumarhús árið 2009.
„Við kaup okkar á spildunni voru
engin áform um breytingar á land-
notkun á öðrum hluta jarðarinnar.
Landeigandi hefur heldur ekki
orðað fyrirhugaðar breytingar við
okkur né upplýst á nokkurn hátt
um þá starfsemi sem fyrirhuguð
er á svæðinu,“ segir í athugasemd-
um hjónanna sem óttast hávaða-
mengun. „Vitað er að hávaði fylgir
rekstri vindmylla. Slíkt hlýtur að
koma í veg fyrir að vindmyllur
rísi innan um sveitabýli og sumar-
hús og er veruleg skerðing á þeirri
náttúruupplifun sem sóst er eftir í
frístundabyggð.“
Þá gagnrýna þau að grenndar-
kynning hafi ekki farið fram. „Við
mótmælum því alfarið að reistar
verði vindmyllur í nágrenni sum-
arhúsa okkar og lands, sem koma
til með að rýra verðgildi þeirra til
muna sökum sjón- og hávaðameng-
unar. Við áskiljum okkur allan rétt
til bóta ef af verður.“
Kristófer A. Tómasson, sveit-
arstjóri Skeiða- og Gnúpverja-
hrepps, undirstrikar að málið sé
enn í ferli og muni fara í kynningu
að nýju og íbúar og hagsmunaðil-
ar geta gert athugasemdir.
Reyndar virðast nágrann-
ar í Vorsabæ ekki þurfa að hafa
áhyggjur af því að fá vindmyllur í
túnfótinn. Steingrímur Bjarni Erl-
ingsson, sem sótti um áðurnefnda
breytingu á aðalskipulagi, segir
hópinn sem stendur að málinu nú
frekar horfa til annarra verkefna.
Þar á meðal sé hellaköfun í Fjalla-
byggð og kláfur fyrir ferðamenn
upp á Múlakoll á Ólafsfirði.
„Við héldum að rafmagnið væri
dýrara. Það var ekki alveg búið að
hugsa þetta allt,“ upplýsir Stein-
grímur. „Þetta var bara eitthvað
sniðugt dót á netinu en er dýrt og
erfitt að fjármagna. Við erum eig-
inlega farnir að hugsa meira um
að fara bara í köfunina.“
gar@frettabladid.is
Risamyllur í Vorsabæ
virðast loftkastalar
Yfir sjötíu metra háar vindmyllur sem einkaðaðilar vilja reisa í Vorsabæ mæta
andstöðu nágranna. Geta ekki átt rétt á sér innan um sveitabæi og sumarhús
segir í einni athugasemdinni. Ekki hugsað til enda viðurkennir umsækjandinn.
VINDMYLLUR Sumahúsaeigendur hafa áhyggjur af sjón- og hljóðmengun frá fyrir-
huguðum vindmyllum í Vorsabæ. MYND/SAMSETT
STJÓRNMÁL Þorgerður Katrín
Gunnarsdóttir, þingkona og fyrr-
verandi varaformaður Sjálfstæð-
isflokksins, hyggst ekki gefa kost
á sér til áfram-
haldandi setu á
Alþingi.
Þorgerður
Katrín hefur
setið á þingi frá
árinu 1999 og er
reynslumesta
þingkona flokks
síns. Hún var
menntamála-
ráðherra frá
2003 til 2009 og
varaformaður Sjálfstæðisflokks-
ins frá 2005 til 2010.
Í tilkynningu sem Þorgerður
Katrín sendi fjölmiðlum segir að
henni sé efst í huga þakklæti til
þeirrar breiðfylkingar sjálfstæðis-
manna sem hún hefur starfað með
á árum sínum í stjórnmálum. - mþl
Mannabreytingar á Alþingi:
Þorgerður
hættir á þingi
ÞORGERÐUR
KATRÍN
GUNNARSDÓTTIR
Það var ekki alveg
búið að hugsa þetta
allt.“
STEINGRÍMUR BJARNI ERLINGSSON
ATHAFNAMAÐUR