Fréttablaðið - 29.09.2012, Qupperneq 82

KYNNING − AUGLÝSINGFerðir LAUGARDAGUR 29. SEPTEMBER 201216
Flug með lítil börn getur verið óárennilegt. Því er
mikilvægt að undirbúa ferðalagið með spennandi
dægradvöl og vistum fyrir börnin, hvort sem flug-
leiðin er stutt eða löng.
● Flugferð með litlum börnum er meiri streituvaldur
fyrir foreldrana en börnin sjálf. Dragið því djúpt
andann og haldið ró ykkar þótt barnið gráti, öskri
eða sparki í sætið fyrir framan. Hafið hugfast að þið
greidduð fyrir farið, rétt eins og barnlausa fólkið sem
horfir á með hneykslunarsvip, og að hvergi komi fram
að börn séu óvelkomnir farþegar í flugvélum.
● Ekkert er tekið fram um öryggi barna þegar fjöl-
skyldan flýgur saman. Takið því vel eftir leiðbeining-
um flugþjóna um öryggisbúnað og öryggisútganga
og hafið börnin ávallt spennt í flugtaki, lendingu og
við ókyrrð í háloftunum.
● „Töfrataska“ er nauðsynlegur ferðafélagi með
börnum. Hafið í henni staðgott snarl og smávegis
sælgæti og eitthvað sem barnið hefur ekki séð áður.
Það gæti verið ný bók, litir og litabók, límmiðar, spila-
stokkur, púsluspil eða nýtt leikfang með ljósum og
tökkum. Gott er að syngja eða lesa fyrir börnin, leika
við þau með fingurbrúðum, tala um það sem sést út
um gluggann eða horfa saman á nýja mynd í DVD-
spilara. Passið upp á að rafknúin tæki séu fullhlaðin
eða með nýjum rafhlöðum áður en lagt er af stað.
GLÖÐ BÖRN Í HÁLOFTUNUM
BRATTASTA GATA HEIMS
Baldwin-stræti í borginni
Dunedin á Nýja-Sjálandi er talin
vera brattasta íbúagata heims
og er viðurkennd af Heims-
metabók Guinness sem slík.
Gatan er 350 metra löng og er
lægst þrjátíu metra yfir sjávar-
máli en rís svo í hundrað metra
yfir sjávarmál. Brattari hlutar
götunnar eru úr steypu til að
auðvelda viðhald því ef hún
væri úr malbiki eins og aðrir
hlutar hennar myndi það leka
niður á sólríkum dögum. Gatan
er nefnd eftir William Baldwin,
bæjarfulltrúa og stofnanda dag-
blaðs, sem deildi svæðinu niður.
HALTU KJAFTI!
Frakkar eru ruddalegasta
þjóðin heim að sækja segir á
ferðavefnum Skyscanner.com.
Könnunin fór fram fyrr á þessu
ári með þeim hætti að notendur
síðunnar voru beðnir að velja
þau lönd þar sem heimamenn
brosa aldrei og eru yfirhöfuð
óvingjarnlegir. Evrópubúar
komu almennt illa úr könnun-
inni en 20 Evrópuþjóðir eru á
listanum sem inniheldur 34
þjóðir. Næstir á listanum og
stutt á eftir Frökkum eru Rússar
og Bretar fylgja þar á eftir. Sjö af
tíu efstu þjóðum á listanum eru
Evrópuþjóðir en Ísland er ekki
á listanum. Nokkrar Asíuþjóðir
eru listanum og er Kína efst
þeirra í sjötta sæti. Íbúar Mið-
og Suður-Ameríku og Afríku eru
samkvæmt listanum kurteisir
og brosmildir við ferðamenn
en einungis tvær þjóðir þaðan
komust á listann, Egyptaland
og Brasilía. Skyscanner.com
er aðsóknarmesti ferðavefur
í Evrópu með yfir 25 milljónir
heimsókna í hverjum mánuði.
SÖFN OPIN ALLA NÓTT
INA Í PARÍS
Þann 6. október verða flest
söfn og gallerí í París opin alla
nóttina. Auk þess verða margar
sundlaugar og ýmsar opinberar
byggingar einnig opnar. Við-
burðurinn kallast Hvíta nóttin
og hefur verið haldinn síðan árið
2002. Hvíta nóttin nýtur mikilla
vinsælda meðal Parísarbúa og
þeirra mörgu ferðamanna sem
heimsækja borgina ár hvert. Auk
hefðbundinna sýninga á söfnum
og galleríum borgarinnar er
boðið upp á ljósasýningar
og ýmsar óvæntar sýningar.
Ókeypis er inn á alla viðburði.
ÚRVAL ÚTSÝN | LÁGMÚLI 4 108 RVK | S. 585 4000 | MEIRA Á URVALUTSYN.IS