Fréttablaðið - 29.09.2012, Side 113

LAUGARDAGUR 29. september 2012 69
FÓTBOLTI Það verður barist um gull,
silfur- og bronsskóinn í lokaum-
ferð Pepsi-deildar karla í dag og
því ekki úr vegi að skoða mögu-
leika þeirra leikmanna sem skor-
að hafa mest í deildinni í sumar.
FH-ingurinn Atli Guðnason
er og hefur verið markahæstur í
nær allt sumar en hann er með 12
mörk fyrir Íslandsmeistarana. Atli
hefur eins marks forskot á Fram-
arann Kristin Inga Halldórsson
en þar sem Atli hefur spilað nær
allar mínúturnar í leikjum FH í
sumar þá mun hann alltaf verða
undir takist Kristni eða einhverj-
um öðrum að jafna hann.
Kristni Inga nægir því bara að
jafna Atla til að taka af honum
gullskóinn því hann hefur leikið
þremur leikjum færra. Atli ætti að
vera öruggur með gull- eða silfur-
skóinn enda með þremur mörkum
meira en þeir sem koma á eftir
þeim Atla og Kristni Inga.
Kristinn Ingi hefur verið að
vinna upp forskot Atla í undan-
förnum átta leikjum enda með 7 af
11 mörkum sínum frá því í byrjun
ágúst. Atli hefur skorað þrjú mörk
í síðustu átta leikjum FH-liðsins.
Næstu menn eru með níu mörk
og það eru Fylkismaðurinn Ingi-
mundur Níels Óskarsson, FH-ing-
urinn Björn Daníel Sverrisson,
og Eyjamaðurinn Christian Steen
Olsen. Olsen hefur leikið leik
meira og verður alltaf neðstur af
þessum þremur en Ingimundur
Níels verður alltaf efstur þar sem
hann hefur leikið færri mínútur en
Björn Daníel.
Það þarf mun meira að gerast
til að þeir þrír sem hafa skorað
átta mörk nái að krækja sér í skó.
Garðar Jóhannsson í Stjörnunni
og Garðar Gunnlaugsson í ÍA búa
hins vegar báðir að því að hafa
leikið færri leiki og verða því allt-
af ofar en níu marka mennirnir
takist þeim að jafna þá.
Garðar Jóhannsson hefur skor-
að sín átta mörk í 18 leikjum en
átta mörk Garðars Gunnlaugs-
sonar hafa komið í 19 leikjum.
KR-ingurinn Kjartan Henry
Finnbogason hefur einnig skorað
átta mörk en hann er meiddur og
fær ekki tækifæri til að bæta við
mörkum í dag. Hér fyrir ofan má
sjá markahæstu leikmenn deild-
arinnar. - óój
Það verður barist um gull-, silfur- og bronsskó í lokaumferð Pepsi-deildar karla:
Kristinn Ingi þarf bara að jafna
Atla til að taka gullskóinn
KRISTINN INGI HALLDÓRSSON Ellefu
mörk í 18 leikjum. Mark á 132 mínútna
fresti. FRÉTTABLAÐIÐ/VALLI
ATLI GUÐNASON 12 mörk í 21 leik. Mark
á 155 mínútna fresti. FRÉTTABLAÐIÐ/ANTON
Markahæstu menn
í Pepsi-deildinni 2012:
Atli Guðnason, FH 12 (21 leikur)
Kristinn Ingi Halldórsson, Fram 11 (18)
Ingimundur Níels Óskarsson, Fylki 9 (20)
Björn Daníel Sverrisson, FH 9 (20)
Christian Steen Olsen, ÍBV 9 (21)
Kjartan Henry Finnbogason, KR* 8 (14)
Garðar Jóhannsson, Stjörnunni 8 (18)
Garðar Gunnlaugsson, ÍA 8 (19)
Jóhann Birnir Guðmundsson, Keflavík 7 (19)
Kolbeinn Kárason, Val** 7 (20)
Viðar Örn Kjartansson, Selfossi 7 (20)
Guðmundur Steinarsson, Keflavík 7 (21)
Rúnar Már Sigurjónsson, Val 7 (21)
Gary John Martin, KR/ÍA 7 (21)
Jón Daði Böðvarsson, Selfossi 7 (21)
* Meiddur
** Í leikbanni í dag