Fréttablaðið - 10.11.2012, Blaðsíða 6

10. nóvember 2012 LAUGARDAGUR6
SAMFÉLAGSMÁL Landsvirkjun hefur
ráðið Rögnu Söru Jónsdóttur í
starf forstöðumanns samfélags-
ábyrgðar. Um er að ræða nýja
stöðu hjá fyrirtækinu en Lands-
virkjun er í hópi fyrstu fyrir-
tækjanna hér á landi til að búa til
stefnu um samfélagslega ábyrgð.
„Þetta leggst rosalega vel í mig.
Íslensk fyrirtæki hafa verið nokk-
urn tíma að taka við sér þegar
kemur að samfélagsábyrgð og það
er flott hjá Landsvirkjun að taka
af skarið í þessum málaflokki,“
segir Ragna Sara.
Stefna Landsvirkjunar um
samfélagslega
ábyrgð var sam-
þykkt innan
fyrirtækisins
í nóvember
2011. Í grunn-
inn felst stefna
fyrirtækisins
í því að skapa
arð, fara vel
með auð lindir
og umhverfi og
stuðla að því að þekking og jákvæð
áhrif af starfsemi fyrirtækisins
skili sér til samfélagsins.
Ragna Sara segir erlendar
rannsóknir sýna að fyrirtæki geti
vænst margs konar ávinnings sýni
þau samfélagslega ábyrgð í störf-
um sínum. „Nefna má aukna sátt
um fyrirtækið og aðgerðir þess,
lægri kostnað og aukna ánægju
starfsmanna,“ segir Ragna Sara.
Landsvirkjun tók á síðasta ári
þátt í því að stofna Festu, miðstöð
um samfélagslega ábyrgð. Eitt
markmiða Festu er að stuðla að
vitundarvakningu um samfélags-
ábyrgð fyrirtækja en auk Lands-
virkjunar voru Alcan á Íslandi,
Síminn, Landsbankinn, Íslands-
banki og Össur stofnfélagar. - mþl
Ísþekjan á Norður-Íshafi á einni öld; spá um framtíðina
VEISTU SVARIÐ?
FRÉTTASKÝRING
Hver eru hugsanleg áhrif umhverfis-
breytinga í Norður-Íshafi?
Spár sérfræðinga benda til að í
hönd fari tímabil heimshlýnunar
af mannavöldum, sem hafa mun
gríðar leg áhrif á umhverfis skilyrði
í Norðurhöfum. Þetta vekur áleitn-
ar spurningar um þróun fiskveiða
Íslendinga og tækifæri á haf-
svæðum norður af landinu, sem
Jóhann Sigurjónsson, forstjóri
Hafrannsóknastofnunar, gerði til-
raun til að svara á Sjávarútvegs-
ráðstefnunni á fimmtudag.
Úr litlum í stórtækar veiðar
Opnun nýrra siglingaleiða yfir
Norður-Íshaf, og tækifærin sem
þeim fylgja, hefur verið töluvert í
umræðunni undanfarin ár. Minna
hefur verið rætt um hvað áhrif
hlýnunin og minnkandi ísþekja
hennar vegna koma til með að hafa
á fiskistofna og veiðar.
Jóhann sagði að gengju spár eftir
að verulegu eða öllu leyti væri ljóst
að víðáttumikið landgrunn, sem
á engan sinn líka hér um slóðir,
myndi opnast fyrir ýmsa nýtingu,
ekki síst fiskveiða sem eiga sér
enga hliðstæðu á svæðinu í dag og
eru frekar takmarkaðar. Þvert á
móti gætu opnast möguleikar fyrir
stórtækar nútímaveiðar. „Þarna
munu án efa skapast gríðarleg
tækifæri fyrir Ísland og aðrar þjóð-
ir á norðurhjara,“ sagði Jóhann.
Hvaða dýralíf skapaðist þarna,
væri háð hafstraumum, að sögn
Jóhanns, og þeim lífkerfum sem
sköpuðust, til dæmis hvort rauðáta
eða aðrar öflugar tegundir nýttu
sér aðstöðu og sköpuðu forsendur
fyrir æðri lífverur, fisk og spendýr.
Ávinningur
En um hvaða stofna er um að
ræða; hvaða stofnar munu nýta
sér þessar breytingar? Jóhann
sagði ljóst að það væru stofnar
sem yxu hratt, væru kul þolnir
og tækifæris sinnaðir við val á
hrygningar svæðum og í fæðu-
vali. Nefndi Jóhann nokkrar teg-
undir sem líklegar væru til að
hasla sér völl á þessum svæðum
og nefndi norsk-íslensku síldina
og Barentshafs þorsk. Ufsi og ískóð
frá Kyrrahafi eru inni í þessari
mynd ásamt loðnunni.
„Þessir stofnar eru líklegir til
að stækka. Það gæti því orðið um
gríðarlegan ávinning að ræða í
Íshafinu og jöðrum þess. Óvissan
er mikil en það sem er áhugavert
fyrir okkur Íslendinga er hvort
okkar deilistofnar munu stækka
og hvort við gætum gert kröfu
um stærri hlutdeild í framhald-
inu,“ sagði Jóhann, en stóru hags-
munaaðilarnir í þessu samhengi
eru Rússar, Bandaríkjamenn og
Kanadamenn, auk Norðmanna og
Grænlendinga.
„Ég tel því mjög mikilvægt
okkar hagsmunum að við reynum
að stuðla að því að aðferðafræðin
við uppskiptingu stofna sem eru
að breyta útbreiðslu sinni verði
styrkari, því um þetta munu verða
mikil átök í framtíðinni,“ sagði
Jóhann.
Allt of lítið er vitað um orsaka-
tengsl og samhengi í lífríkinu,
ekki síst á heimskautasvæðunum.
Jóhann sagði það því grundvallar-
atriði að fylgjast með þróun-
inni með öflugu rannsókna- og
vöktunar starfi. „Við verðum að
fylgjast grannt með þessum vist-
fræðilegu átökum,“ sagði Jóhann.
svavar@frettabladid.is
Fiskimið falin undir ísnum
Með hlýnun á norðurhveli hopar ísþekja Íshafsins hratt. Þar opnast aðgengi að hafsvæði sem gæti fóstrað
stóra fiskstofna enda landgrunnið undir ísnum víðáttumikið. Ísland gæti í framtíðinni átt þar sóknarfæri.
JÓHANN SIGURJÓNSSON Áhrif hlýnunar munu líka hafa víðtæk áhrif á heimamiðum
okkar Íslendinga. Bæði felast í því tækifæri og hættur. FRÉTTABLAÐIÐ/PJETUR
1980 2000 2012 2080?
Rússland
Grænland
Ísland
Alaska
Kanada
1. Hvað heitir fjármálaráðherra
Þýskalands?
2. Númer hvað í röðinni er
yfirstandandi landsþing kínverska
kommúnistaflokksins?
3. Hver var að senda frá sér geisla-
diskinn Hylur?
SVÖR
1. Wolfgang Schäuble. 2. númer 18. 3.
Agnar Már Magnússon píanóleikari
Norðvesturleið
Norðurleið
Ragna Sara Jónsdóttir hefur verið ráðin forstöðumaður samfélagsábyrgðar:
Ábyrg fyrirtæki njóta ávinnings
STJÓRNSÝSLA Haukur Ingibergs-
son hefur ákveðið að láta af starfi
sem forstjóri Þjóðskrár Íslands.
Haukur hefur
tilkynnt starfs-
mönnum um
ákvörðun
sína og óskað
eftir lausn frá
störfum 1. maí
næstkomandi
við innanríkis-
ráðherra.
„Ég hef áhuga
á að hafa meiri
tíma til að sinna
ýmsum hugðar efnum mínum áður
en ég verð of gamall, einkum tón-
listinni en einnig félags störfum.
Ég held ég fái slíkt svigrúm sam-
hliða því að vera í hlutastarfi
hjá Þjóðskrá í að minnsta kosti
eitt ár eftir að ég hætti sem for-
stjóri,“ segir Haukur sem tók við
forstjóra starfi Fasteigna mats
ríkis ins, sem síðar varð Þjóðskrá,
árið 2000. - mþl
Lætur af störfum 1. maí:
Haukur hættir
hjá Þjóðskrá
HAUKUR
INGIBERGSSON
DANMÖRK Nær fimmti hver Dani,
eða 18 prósent, les aldrei bók.
Þetta eru niðurstöður könnunar
menningarmálaráðuneytisins í
Danmörku. Árið 2004 var fjöldi
þeirra sem aldrei las bók 10 pró-
sent.
Flestir þeirra sem þátt tóku
í könnuninni segjast ekki hafa
tíma til að lesa eða að þeir vilji
heldur horfa á sjónvarp eða kvik-
mynd.
Athygli vekur að börnum og
unglingum, undir 15 ára, sem
lesa í bók í hverri viku hefur
fjölgað verulega, að því er kemur
fram á vef Kristilega Dagblaðs-
ins. Hjá þessum hópi hefur þeim
sem ekki lesa fækkað um tvo
þriðju hluta. - ibs
Lestur í Danmörku:
Átján prósent
lesa aldrei bók
RAGNA SARA
JÓNSDÓTTIR
HEILBRIGÐISMÁL „Það dettur
engum í hug að vera með áfengis-
auglýsingu eða léttölsauglýsingu
í skóla, skátaheimilinu eða á þeim
stað þar sem æskulýðsstarf fer
fram,“ segja Foreldrasamtök
gegn áfengisauglýsingum í bréfi
til sveitarstjórna og biðja þær að
beita sér gegn áfengisauglýsingum
á íþróttasvæðum.
„Ef menn eru ekki sammála
hvort áfengisauglýsingar virki eða
hvort landslög eigi að tryggja vernd
barnanna ættu menn ekki samt að
láta börnin njóta vafans?“ - gar
Gegn áfengisauglýsingum:
Vilja að börnin
njóti vafans