Fréttatíminn - 18.11.2011, Qupperneq 43

 Vikan sem Var
Helgin 18.-20. nóvember 2011
Þessari glæsilegu bók er ætlað að kenna aðferðir til að
nálgast barnið þitt, tengjast því og örva snertiskynið með
nuddi. Höfundur bókarinnar, Dilla, hefur 20 ára reynslu af
ungbarnanuddi og setur sitt persónulega mark á leiðbeining-
arnar sem allar eru sýndar á skýran og einfaldan hátt með
gullfallegum litmyndum Heiðu ljósmyndara (www.heida.is).
Sá kærleikur sem þú lærir að miðla í gegnum hendurnar
með ungbarnanuddi er kær leikur sem setur mark sitt á
barnið þitt til lífstíðar. Því vilja höfundar bókarinnar fyrst og
fremst miðla til þín. Eigðu kærleiksríkar nuddstundir með
barninu þínu. Falleg gjöf handa öllum foreldrum.
“Ungbarnanudd er frábær leið
til að tengjast barninu sínu og bókin
er bæði fallegur og fræðandi leiðarvísir
um hvernig á að bera sig að. Ég mæli
hiklaust með henni fyrir foreldra.“
-Katrín Jakobsdóttir-
Borgardekk
Er þetta ekki bara klink?
„... reikningar sem Glitnir hefur lagt fram
um sinn lögfræðikostnað eru fárán-
legir í alla staði. Hvernig gátu þeir eytt 110
milljónum í það eitt að biðja um frystingu á
eignum mínum?“
Jón Ásgeir Jóhannesson er óhress með
málskostnaðarkröfu Glitnis á hendur
honum.
Óhreint fé
„Femínistafélagið rakst á óverðskuldaða 50
þúsund króna gjöf frá Óla Geir, sorakvöld-
stjóra, á reikningi sínum...“
Ólafur Geir, sem hélt svokallað „Dirty
Night“ á Players í Kópavogi um síðustu
helgi, taldi femínista hafa auglýst upp-
ákomuna svo vel fyrir sig að hann lagði
inn 50.000 krónur á reikning félagsins.
Þar á bæ kannaðist engin við að hafa lagt
Ólafi lið en peningarnir voru látnir renna
til sérlegs vændisathvarfs Stígamóta.
Barinn biskup hættir
„Ég hef notið mikillar gæfu í starfi og
þjónustu...“
Karl Sigurbjörnsson biskup tilkynnti við
setningu Kirkjuþings að hann ætli að láta
af embætti í sumar. Hann kveður sáttur
þrátt fyrir alla þá gagnrýni sem á honum
hefur dunið.
Skapar forsetinn hamingjuna?
„Herra Ólafur Ragnar Grímsson. Við þurfum
á Forseta eins og þér að halda.“
Bubbi Morthens hefur litla stjórn á heitum
tilfinningum sínum til Ólafs Ragnars Gríms-
sonar í Pressupistli þar sem hann nánast
grátbiður forsetann um að gefa kost á sér
fimmta kjörtímabilið.
Sími er mannréttindi!
„Ég er ekki ein ríkasta kona landsins.“
Krafa Þorbjargar Helgu Vigfúsdóttur um
að fá greiddan símkostnað, sem borgar-
fulltrúi í fæðingarorlofi á Spáni, vakti
mikla og frekar neikvæða athygli í
vikunni.
Erótísk fjölskyldumynd?
„Nú veit ég ekki hvað veldur en velti því þó
fyrir mér hvort fólk sé upp til hópa orðið
svo gegnsýrt af klámvæðingunni að það átti
sig ekki á því á hvað það er að horfa?“
María Lilja Þrastardóttir hefur staðið
vaktina af einurð og festu undanfarið
og lætur fátt fram hjá sér fara sem kann
að ýta undir klámvæðingu eða ýtir
undir staðalímyndir kynjanna. Undirfata
auglýsing með íslenskum mæðgum í undir-
fötum ýtti henni út á ritvöllinn í vikunni.
Notkun gæsalappa er nú ekki
flókin
„Það var í mörg horn að líta. Ég hef reynt
að læra af mistökum mínum í bókaútgáfu
og vann eins og ég gat tilvísanir og
textanotkun.“
Hannes Hólmsteinn Gissurarson hefur
sent frá sér tröllvaxið rit um íslenska
kommúnista. Við skrifin sneiddi hann
vandlega hjá þeim gildrum sem hann gekk
í þegar hann skrifaði um Halldór Laxness
og var dæmdur fyrir.
Vigdís hvergi af baki dottin
„Langt er nú seilst. Háttvirtur þingmaður
var að fullyrða það að ég stæði í viðskiptum
við venslamenn mina.”
Steingrímur J. Sigfússon fjármálaráðherra
varð saltvondur þegar Vigdís Hauksdóttir
framsóknarvalkyrja vændi hann um að
standa sem ráðherra í viðskiptum við
systur hans og mág. Steingrímur skamm-
aði Vigdísi úr ræðustóli og gaf ekkert eftir.
Með Hönnu skal borg byggja
„Hanna Birna var vön að taka af skarið og
láta til sín taka og af öllum þeim borgar-
stjórum sem ég hef haft kynni af og sam-
skipti við á þeim 20 árum sem ég hef verið í
bænum þá er Hanna Birna besti borgar-
stjórinn sem ég hef kynnst.“
Geir Jón Þórisson, yfirlögregluþjónn í
Reykjavík, steig óvænt inn á pólitíska
sviðið og lagði lóð sín á vogarskálar
Hönnu Birnu.