Fréttatíminn - 18.11.2011, Blaðsíða 66
George Clooney hefur ekki bara sannað
sig sem góðan leikara heldur er hann salla-
fínn leikstjóri sem þorir að taka pólitíska af-
stöðu í verkefnum sínum (Good Night, and
Good Luck) og það gerir hann svo sannarlega
í The Ides of March. Þar liggur bæði styrkur
myndarinnar og helsti veikleiki vegna þess
að í raun er myndin frekar pólitísk fantasía
en stjórnmálaþriller.
Clooney leikur sjálfur ríkisstjóra sem er
kominn langleiðina með að tryggja sér útnefn-
ingu Demókrataflokksins til forsetakosninga.
Hann er, ásamt snjöllum kosningastjóra sín-
um (Philip Seymour Hoffman) og ungum
en feykilega færum fjölmiðlafulltrúa sem enn
hefur hugsjónir (Ryan Gosling), í Ohio þar
sem þeir ætla sér að gulltryggja honum sigur.
Keppinauturinn er þó ekki á þeim buxunum
að gefast upp en hafi hann betur í ríkinu getur
brugðið til beggja vona. Það er því mikið undir
og lævís kosningastjóri andstæðingsins (Paul
Giamatti) nær hælkróki á Gosling. Samstað-
an í þéttum hópnum rofnar og skyndilega er
setið á svikráðum í hverju skúmaskoti og ljóst
er að aðeins þeir allra klókustu muni komast
heilir frá þessum hráskinnaleik.
George Clooney hefur nokkuð styrka stjórn
á myndinni sem rennur hratt og vel og er svo
spennandi að áhorfendur gleyma sér alveg í
pólitísku plottunum. Sjálfur er hann flottur og
traustur í sínu hlutverki og er með einvalalið
leikara með sér. Gosling er stórgóður og vex
með hverri mynd. Evan Rachel Wood stend-
ur vel fyrir sínu; þokkafull, ágeng, ögrandi og
viðkvæm, í hlutverki ungs lærlings og mik-
ils örlagavalds en hinir mögnuðu senuþjófar
Philip Seymour Hoffman og Paul Giamatti
skyggja á alla aðra með frábærum leik og
leggja myndina bókstaflega undir sig í öllum
sínum senum. Og þá sérstaklega Hoffman
sem unun er að horfa á.
Þétt og góð fléttan raknar því miður aðeins
upp í lokin og lausnin er frekar ódýr en svo-
sem i samræmi við efnið og innihaldið vegna
þess að í raun er ekkert eðlilegra en að fólk
kasti hugsjónum sínum fyrir róða til þess að
tryggja frama í stjórnmálum.
Boðskapur Clooneys er samt fallegur og
góður og ríkisstjórinn hans er alger himna-
sending en hugmyndin, eins fögur og hún er,
um að það geti bjargað heiminum að fá rétta
manninn í Hvíta húsið, er engu að síður frekar
veik. En þegar á heildina er litið er The Ides of
March fantagóð skemmtun, vel gerð og spenn-
andi mynd með göfuga sál.
Þórarinn Þórarinsson
66 bíó Helgin 18.-20. nóvember 2011
S é litið til stílfærðra bardagaatriða, blóðsúthellinga og karlagrobbs þykir The Immortals minna á 300 þótt sú
mynd eigi rætur að rekja í mannkynssöguna
á meðan goðsagnir eru teygðar og togaðar í
The Immortals sem að því leyti sver sig í ætt
við Clash of the Titans þar sem dauðlegur
maður, eða einhvers konar hálfguð, kemur
Seifi til aðstoðar í tvísýnni baráttu.
Perseifur átti sviðið í Clash of the Titans en
nú kemur í hlut Þeseifs, sem hinn vörpulegi
Henry Cavill leikur, að stöðva hinn snar-
brjálaða konung Hýperíon sem fer eins og
jarðýta yfir Grikkland í leit að boga nokkr-
um sem gerir honum kleift að frelsa títan-
ana úr iðrum jarðar. Losni þeir er voðinn vís
hjá guðunum þannig að Þeseifur hefur í raun
bæði örlög mannkyns og guða í hendi sér.
Sá sjúskaði vígamaður og vandræða-
gemlingur Mickey Rourke leikur Hýperíon
sem hefur í blóðþorsta sínum og valdafíkn
smalað saman ljóngrimmum hermönnum
sem svífast einskis í leitinni að boganum
góða. Risarnir, sem hafa mátt dúsa neðan-
jarðar í nánast eilífð eftir að Seifur og hans
lið steypti þeim af valdastóli, hugsa guð-
unum að sjálfsögðu þegjandi þörfina þannig
að ekki þarf að spyrja að leikslokum fái þeir
frelsi.
Seifur er samt enginn ræfill og deyr ekki
ráðalaus en í þessu máli eru hendur hans
bundnar þar sem ævaforn lög banna honum
að blanda sér beint í baráttu manna á jörðu
niðri. Seifur handvelur því smábóndann Þe-
seif til þess að leiða baráttuna gegn Hýperíon
enda veit sá gamli sínu viti og er vel með-
vitaður um að í bóndanum er efni í mikla
hetju. Þeseifur var samkvæmt sögubókunum
goðsagnakenndur konungur Aþenu og sem
slíkur einna þekktastur í dag fyrir að hafa
gert sér ferð til Krítar þar sem hann drap
Mínótáros i völundarhúsinu sem ófreskjan
hélt til í á eyjunni.
Leikstjóri The Immortals, Tarsem Singh,
er ekki með margar bíómyndir undir belt-
inu og hans þekktasta mynd hingað til er
The Cell með Jennifer Lopez og Vincent
D’Onofrio í aðalhlutverkum en sú mynd
er svosem ekkert til þess að hreykja sér af.
Hann þykir hins vegar ná ágætis tökum á
gríska goðsagnaheiminum og þeim vöðvas-
tæltu töffurum sem djöflast í sígildri baráttu
góðs og ills í The Immortals.
goð og menn TakaST á í The ImmorTalS
Fornar sögur frá Grikklandi hafa reynst kvikmyndaskáldum í Hollywood drjúg uppspretta í gegn-
um árin og í seinni tíð má nefna myndir eins og Clash of the Titans (1981 og 2010), Disney-myndina
Herkúles og testósteronveisluna 300 sem gerð var eftir samnefndri myndasögu Franks Miller um
frækilegustu vörn mannkynssögunnar þegar Leonídas Spartverjakonungur varðist yfirþyrmandi
innrásarher Persa ásamt sínum 300 bestu mönnum. Og nú er komið að einum dáðasta syni
Aþenu, Þeseifi, að stöðva áform illmennis sem ógnar stöðu Ólympsgoðanna í The Immortals.
Þórarinn Þórarinsson
toti@frettatiminn.is
bíó
Dauðleg hetja bjargar guðum
Gamla brýnið Mickey Rourke hefur verið á góðri siglingu síðustu ár eftir að hann fékk uppreisn æru með Sin City. Í The Immor-
tals er hann snaróður og til alls líklegur þannig að sjálfum Seif stendur stuggur af honum.
FrumSýndar
Ástarsaga Bellu og vampírunnar Ed-
ward heldur áfram í Breaking Dawn
-Part 1 í Twilight-myndabálknum
sem gerður er eftir blóðsugubókum
Stephenie Meyer en Breaking
Dawn á að marka endalok á sögu
kærustuparsins.
Hér er þráðurinn tekinn upp þar sem
Eclipse endaði og nú ganga þau Edward og Bella í hjónaband. Það ríkir þó ekki eintóm
gleði í kringum ráðahaginn og meðal þeirra sem eru ósáttir er Jacob sem er ástfanginn af
Bellu. Pirringurinn magnast enn frekar þegar í ljós kemur að Bella er með barni. Leiðtogar
vampíruhópsins óttast að Bella sé í stórhættu ef hún fæðir barnið og úlfurinn Sam er
sannfærður um að hálfmennskt blóðsugubarnið muni útrýma úlfunum komist það á legg.
Hann ákveður því að Bella og allar vampírurnar verði að deyja. En sem fyrr er það Bella
sem grípur til sinna ráða til þess að bjarga ástinni sinni.
Kristen Stewart leikur Bellu eins og venjulega og sama má segja um Robert Pattinson
sem leikur blóðsugukærastann Edward Cullen.
Blóðsugubrúðkaup
Morgunn lífsins
Myndin var gerð í Þýskalandi um miðja síðustu öld
eftir bók Kristmanns Guðmundssonar sem naut
vinsælda þar í landi. Myndin gerist í sjávarplássi
og lýsir óhamingjusömum ástum í tvær kynslóðir
þar sem syndir feðranna koma niður á börnunum.
Upphaflega var ætlunin að taka kvikmyndina í
íslensku umhverfi, en ekki varð af því heldur var
myndin að mestu tekin í gömlu þorpi á suður-
strönd Svíþjóðar.
Myndin var jólamynd Gamla bíós árið 1956 og sló
í gegn hér á landi enda voru myndir byggðar á
íslenskum skáldsögum afar sjaldséðar í þá daga.
Myndin verður sýnd aðeins einu sinni í Bíó Paradís
sunnudagskvöldið 20. nóvember klukkan 20.
FrumSýndar
Partir (Farin)
Kristin Scott Thomas, sem helst
er minnst fyrir leik sinn í Four
Weddings and a Funeral og The
English Patient, leikur í þessari
frönsku mynd sem Bíó Paradís
frumsýnir á föstudag. Hún leikur
Suzanne, vel gifta konu og móður
í Suður-Frakklandi. Hún er orðin
leið á innihaldslausu lífi sínu þannig
að eiginmaður hennar samþykkir
að byggja vinnuaðstöðu fyrir hana
í bakgarðinum. Þegar Suzanne
hittir manninn sem þau réðu til að
byggja húsið verða þau samstundis
hrifin hvort af öðru og við tekur
ástríðufullt og ofsafengið samband.
Suzanne ákveður að gefa allt uppá
bátinn til að geta lifað þessu nýja
og ástríðufulla lífi til fulls.
Sá sjúskaði
vígamaður og
vandræða-
gemlingur
Mickey Rourke
leikur Hýper-
íon.
bíódómur The IdeS oF march
Ruslahaugur hugsjónanna
Sony Center býður 5 ára ábyrgð á sjónvörpum án aukakostnaðar
5
ÁRA
ÁBYRGÐ
40” Sony gæði á góðu verði
199.990,-
Tilboð
Sparaðu 50.000.-
Kringlunni 588 7669 www.sonycenter.is