Fréttatíminn - 02.12.2011, Qupperneq 12

G ríðarleg fataverslun í Lindex mælist ekki í vísitölunni á næstunni og hefur því ekki
áhrif á verðbólguna. Ekki nema
verslanir í úrtaki Hagstofunnar
bregðist við samkeppninni með
lægra vöruverði. Þetta segir Guð-
rún Ragnheiður Jónsdóttir, deildar-
stjóri vísitöludeildar.
Lindex er ekki meðal verslana
í úrtaki Hagstofunnar og engin
ákvörðun hefur verið tekin um að
hafa hana þar.
Fataverslun myndar tæplega
fimm prósent af vísitölunni, sem
notuð er við útreikninga verð-
tryggðra húsnæðislána. Sé verð
lægra í fataverslun Lindex en tíðk-
ast almennt í öðrum verslunum
hefði drjúg verslun þar getað lækk-
að húsnæðislánin – væri verslunin
í úrtakinu.
Guðrún segir að þegar raftækja-
verslunin Elko hafi komið á mark-
aðinn hafi Hagstofan mælt áhrif
komu hennar vel fyrir opnun. Verð
lækkaði þá hjá keppinautum. „Við
mældum það í nokkra mánuði áður
en Elko opnaði. Markaðurinn brást
þannig við. Ef aðrar búðir lækka
verð hjá sér, ef samkeppnin frá Lin-
dex er raunveruleg, þá mælum við
það þá leiðina.“ - gag
Lætin í Lindex lækka ekki húsnæðislán
 Verslun ekki í Vísitöluúrtaki HaGstofunnar
 söfnun rándýr HandaáGræðsluaðGerð
Selja fíla til styrktar
Guðmundi Felix
Starfsfólk Lyfju við Smáratorg hyggst selja 70 fíla á uppboði á laugardag til styrktar Guðmundi
Felix Grétarssyni sem safnar fyrir nýjum höndum. Fyrirtækið hyggst jafna andvirði þess sem
kemur út úr uppboðinu og leggja til söfnunarinnar.
G uðmundur Felix er yndislegur maður sem stendur frammi fyrir rosalega stóru og miklu verk-
efni. Þess vegna viljum við leggja okkar
af mörkum til að hjálpa honum,“ segir
Lovísa Sigrún Svavarsdóttir, starfsmaður
Lyfju við Smáratorg, en hún og samstarfs-
fólk hennar ætla að selja 70 fíla á uppboði
á morgun, laugardag, til styrktar Guð-
mundi Felix Grétarssyni sem safnar fyrir
rándýrri handaágræðsluaðgerð.
Guðmundur Felix missti báða hand-
leggina í vinnuslysi árið 1998 og þarf nú
að safna um 40 milljónum til að komast
í aðgerð í Lyon í Frakklandi. Miðað við
heimasíðu hans, hendur.is, hafa nú þegar
safnast rúmar 26 milljónir.
Lovísa Sigrún segir að starfsfólkið
í Lyfju við Smáratorg hafi mest allt
unnið lengi saman og árið 2001 hafi verið
tekinn upp sá siður að þeir sem færu til
útlanda yrðu að koma með einn fíl heim
í safnið. „Síðan hefur þetta undið upp
á sig og nú telur safnið um 70 fíla. Það
hefur verið hér frammi frá upphafi og
okkur þykir orðið mjög vænt um fílana,“
segir Lovísa Sigrún en uppboðið verður
haldið í Lyfju á milli klukkan tvö og fimm
á morgun. „Við vonumst til að safna sem
mestu. Síðan ætlar Lyfja að jafna þá upp-
hæð sem við náum. Þessir fílar eru flestir
á stærð við Risa Ópal-pakka, afskaplega
fallegir allir saman. Síðan má auðvit-
að ekki gleyma því að fílar standa fyrir
margt sem er afskaplega göfugt og gott.
Fílar eru stór, sterk og stæðileg dýr. Þetta
eru tilfinningaverur sem passa hver upp á
aðra. Svona eins og við viljum að menn-
irnir hagi sér,“ segir Lovísa.
Guðmundur Felix segir sjálfur í samtali
við Fréttatímann að það sé rífandi gangur
í söfnunni enda sé hann umkringdur
yndislegu fólki. „Þetta er frábært fólk í
Lyfju og ég verð líka að minnast á hana
Dagnýju Magnúsdóttur glerlistakonu
sem hefur búið til 300 glerskálar og ætlar
að selja þær í Smáralindinni á laugardag
til styrktar söfnuninni. Þetta verður ekki
betra,“ segir Guðmundur Felix sem hefur
í mörg horn að líta á laugardaginn. „Ég
verð á Smáratorginu, í Smáralindinni
og síðan er ég tilnefndur til hvatninga-
verðlauna Öryrkjabandalagsins sem eru
líka afhent á laugardaginn. Þetta raðast
allt á sama dag,“ segir Guðmundur Felix
hlæjandi.
Hann segir að aðgerðin verði á næsta
ári. „Það er ekki komin tímasetning en ég
þarf að eiga fyrir aðgerðinni til að komast
á biðlista. Mig vantar bara fjórðung sem
er ótrúlegt eftir þriggja mánaða söfnun.“
Óskar Hrafn Þorvaldsson
oskar@frettatiminn.is
Starfsfólk Lyfju með fílana sem seldir verða á uppboði á laugardag. Ljósmynd/Hari
Guðmundur Felix Grét-
arsson segir söfnunina
hafa gengið ótrúlega vel.
„Mig vantar bara
fjórðung sem
er ótrúlegt eftir
þriggja mánaða
söfnun.“
VILTUVINNA EINTAK?
VINNINGAR AFHENTIR Í ELKO LINDUM.
199 KR/SKEYTIÐ. MEÐ ÞVÍ AÐ TAKA ÞÁTT ERTU KOMINN Í SMS KLÚBB.
Sendu SMSið
EST OPOLY
á númerið 1900
og þú gaetir
unnið eintak!.
Fullt af aukavinningum: DVD myndir, tölvuleikir og fleira!
BorÐspil um skemmtilegasta
land í heimi!
12 fréttir Helgin 2.-4. desember 2011