Fréttatíminn - 26.04.2013, Blaðsíða 2

Erla
Hlynsdóttir
erla@
frettatiminn.is
Ingólfur Júlíusson látinn
bakaðar kjúklingabringur
Prófaðu bökuðu kjúklingabringurnar, fylltar með
ferskum kryddjurtum og rjómaosti. Gottimatinn.is
Börn í Hlíðum og Breiðholti
á aldrinum 9-10 ára hafa
sett fram í máli og myndum
hvernig þau vilja bæta hverfin
sín. Brátt munu börn í öðrum
borgarhlutum taka þátt í sams-
konar verkefni sem er liður
í hverfisskipulagsvinnu sem
senn hefst í átta hlutum Reykja-
víkurborgar. Vinna barnanna
í Hlíðum og Breiðholti var því
eins konar þjófstart.
Í hverfisskipulaginu verður
leitað til íbúa hverfanna um
hugmyndir og þar verður
byrjað á börnunum.
Hildur Gunnlaugsdóttir,
hjá umhverfis- og skipulags-
sviði Reykjavíkurborgar, segir
að sérstaklega verði vandað
til samráðsins. Á kortum af
hverfinu merkja börnin meðal
annars inn hvar þau búa og
hvar þau leika sér. „Þarna
sést mikill munur á því hvert
börnin fara ein að leika sér og
hvert þau fara með foreldrum
sínum,“ segir hún.
Hugmyndir barnanna voru
fengnar þannig að Hugrún Þor-
steinsdóttir, arkitekt og kenn-
ari, fór í frístundamiðstöðvar
og ræddi við þau. „Leiðbein-
endurnir höfðu í fyrstu áhyggj-
ur af því að börnin myndu
ekki nenna þessu en þau voru
mjög spennt og áhugasöm,“
segir Hildur. Hvers konar hug-
myndir sem tengjast leik eru
áberandi. „Í Hlíðunum þar sem
mikið er um græn svæði vilja
börnin gjarnan sjá stærri tré til
að klifra í. Ævintýramennska
er þarna áberandi,“ segir
Hildur.
Silja Bára Ómarsdóttir stjórnmálafræðingur bjó í Bandaríkjunum í tíu ár og þekkir því af eigin raun hversu erfitt getur verið
að koma atkvæði sínu til kjördeildar á Íslandi.
Samkvæmt niðurstöðum
Vinnumarkaðsrann-
sóknar Hagstofunnar
hefur atvinnuleysi aukist
um 1,7% á milli mánaða.
Atvinnuleysi í febrúar
mældist 4,7 % en í mars
voru 6.8% án atvinnu. Í
mars 2012 var atvinnu-
leysi meðal karla 9%
miðað við 7,4% nú. Fyrir
ári voru 6,2% kvenna
án atvinnu en eru nú
er hlutfallið 5,9%.
Heildaratvinnuleysi í
mars 2012 var 7,5% og
hefur því minnkað um
0,7% milli ára. Fjöldi
starfandi fólks í mars
var 167.100 en í febrúar
var fjöldinn 170.000.
Samkvæmt árs-
tíðarleiðréttingu jókst
atvinnuleysi um 1,7% á
milli febrúar og mars en
hlutfall starfandi fólks
minnkaði um 1,2%.
Ingólfur Júlíusson, fréttaljósmyndari og margmiðl-
unarhönnuður með meiru, lést aðfararnótt mánudags
eftir stutta en erfiða baráttu við bráðhvítblæði. Ing-
ólfur greindist með meinið í október og fór þá strax í
lyfjameðferð sem skilaði ekki árangri. Við tóku tvær
meðferðir til viðbótar sem skiluðu ekki árangri og í
ársbyrjun var meðferð hætt.
Ingólfur lét þó ekki bugast
og horfði bjartsýnn frá á veg-
inn og sagði þetta um veikind-
in í viðtali við Fréttatímann
í febrúarlok : „Ég nýt þess
bara að vera til, ógeðslega
grannur og hef það bara gott.
Ég meina þetta fer eins og
það fer og ég geri mitt til að
grasa þetta og svona. Kannski
þrauka ég en ef maður fer þá
fer maður bara.“
Ingólfur var annálað
ljúfmenni, alltaf glaður og í
góðu skapi og skildi eitthvað
gott og fallegt eftir í hjörtum
allra sem nutu þeirrar gæfu
að kynnast honum. Hann var
sjálfum sér líkur fram á síðasta dag og verður víða
sárt saknað, jafn vinsæll og vinamargur og hann var.
Ingólfur var viðloðandi Fréttatímann frá stofnun
blaðsins. Tók þátt í umbroti fyrsta tölublaðsins og
stökk reglulega til í afleysingar þar til veikindin fóru
að hrjá hann.
Vinir og vinnufélagar Ingós ylja sér nú við minning-
ar um ótal skemmtilegar vinnustundir með þessum
fallna félaga sem kvaddi allt og fljótt og senda Monicu
Haug, dætrum þeirra Ingólfs Hrafnhildi og Söru og
öðrum ættingjum og vinum innilegar samúðarkveðj-
ur. -þþ
 SkipulagSmál Íbúar Í hverfum borgarinnar koma með hugmyndir
Börnin skipuleggja hverfið sitt
Sýning á hugmyndum barna um framtíðarskipulag í Hlíðum og Breiðholti
stendur nú yfirí þjónustuveri Reykjavíkurborgar í Borgartúni og var sett upp í
tengslum við Barnamenningarhátíð. Ljósmynd/Hugrún Þorsteinsdóttir
 koSningar ÍSlendingar ytra geta lent Í vandræðum með að kjóSa
Mér datt
í hug að
liðsinna
þeim
sem
væru í
vand-
ræðum.
Kjörseðill á ferðalagi
Silja Bára Ómarsdóttir stjórnmálafræðingur auglýsti á Facebook að hún gæti tekið að sér að
koma kjörseðlum frá Danmörku til Íslands. Viðbrögðin létu ekki á sér standa og kemur hún fjölda
atkvæða til skila, sumum frá bláókunnugu fólki. Eitt atkvæðið fer í gegnum þrjá milliliði áður en
það ratar í kjörkassann.
Þ etta verða líklega um tuttugu at-kvæði. Ég er þegar komin með sjö í hendurnar,“ segir Silja Bára Ómars-
dóttir stjórnmálafræðingur sem kemur til
Íslands á föstudag með atkvæði Íslendinga í
Danmörku.
Tæplega þrettán þúsund Íslendingar á
kjörskrá eiga lögheimili erlendis. Þeim
hefur fjölgað um allt að þriðjung frá síðustu
kosningum. Flestir eru Íslendingarnir á
Norðurlöndunum, þar af ríflega þrjú þúsund
í Danmörku.
Silja Bára bjó sjálf í Bandaríkjunum í
áratug þegar hún var í námi og þekkir því af
eigin raun hversu erfitt getur verið að koma
atkvæði sínu á réttan stað. „Lengst keyrði
ég frá Portland í Oregon til Seattle, líklega
um sex- til sjöhundruð kílómetra ferð báðar
leiðir,“ segir hún.
Íslendingar erlendis geta kosið hjá ræðis-
manni eða í sendiráði. Kjósi þeir tímanlega
geta þeir sent atkvæðið í pósti til Íslands.
Þeir sem gera seint upp hug sinn, eða hrein-
lega gleyma að kjósa, þurfa stundum að fara
krókaleiðir.
„Mér datt í hug að liðsinna þeim sem
væru í vandræðum og auglýsti á Facebook
að ég væri á heimleið daginn fyrir kosn-
ingar og gæti tekið með mér atkvæði,“ segir
Silja Bára. Viðbrögðin voru mikil og henni
komið í samband við nokkra bláókunnuga
einstaklinga sem vildu taka þátt í alþingis-
kosningunum. „Mér finnst ég vera að taka
þátt í lýðræðinu með þessu. Ég veit að sumir
ætluðu að sleppa því að kjósa því þeir héldu
að þeir yrðu of seinir,“ segir hún.
Eitt atkvæðið ferðast þó öllu meira en
önnur. Þar er um að ræða atkvæði konu sem
Silja Bára þekkir ekki neitt. Sú ætlar að fara
með atkvæðið sitt til Kaupmannahafnar, til
vinkonu Silju Báru. Þangað sækir Silja Bára
atkvæðið áður en hún fer í flug á föstudag
og fer með það til Reykjavíkur þar sem bróð-
ir kjósandans tekur við því. Bróðirinn fer
síðan með atkvæðið á sinn stað, í Norðvest-
urkjördæmi. „Þetta er mikið ferðalag,“ segir
hún. Önnur atkvæði fer hún með til sýslu-
manns í utankjörfundaratkvæðagreiðsluna.
Sjálf kýs Silja Bára síðan á laugardag eins
og flestir. „Ég var að hugsa um að kjósa líka
utan kjörfundar og svo aftur á kjördag til að
fá meira vægi en það virkar víst ekki alveg
þannig,“ segir hún kímin.
Erla Hlynsdóttir
erla@frettatiminn.is
Glaðlegi
víkingurinn
Ingólfur
Júlíusson
fæddist þann
4. maí 1970
og lést 22.
apríl 2013.
Aukið atvinnuleysi
2 fréttir Helgin 26.-28. apríl 2013