Fréttatíminn - 26.04.2013, Blaðsíða 46

Sjálfstæðisflokkurinn
Hilton Reykjavík Nordica
Suðurlandsbraut 2
Sjálfstæðismenn í
Reykjavík safnast
saman á hótelinu
og fylgjast
með nýjustu
tölum. Líklega
verður nokkur
spenna í
þeirra röðum
enda gætu þeir
unnið varnarsigur
á endasprettinum.
Á kosninganótt í apríl
2009 komu flokksmenn saman á varnarþingi
sínu í Valhöll og voru búnir undir það versta.
Mannskapurinn bar sig þó vel, ekki síst
Sigurður Kári Kristjánsson, sem eyddi
kvöldinu í að detta inn og út af þingi. Bjarni
Benediktsson, formaður flokksins, sá þó ekki
ástæðu til að staldra lengi við og yfirgaf sam-
kvæmið snemma kvölds eftir að hafa stappað
stálinu í sitt fólk.
Stórsöngvarinn Geir Ólafsson var þó í
miklum ham, lét slæma niðurstöðu ekki
draga sig niður og sá fram á bjarta tíma í
stjórnarandstöðu.
Samfylkingin
Rúgbrauðsgerðin
Borgartúni 6
Mikill völlur var á samfylkingarfólki fyrir
fjórum árum þar sem það fagnaði ákaft
kosningasigri á Grand Hótel. Flokksfólk mun
að þessu sinni koma saman í Rúgbrauðsgerð-
inni en verður varla jafn borubratt og á sama
tíma fyrir fjórum árum þegar krókódílatár
féllu yfir gengi Sjálfstæðisflokksins. Þá bar
hugurinn marga hálfa leið til Evrópu og þrátt
fyrir ofgnótt áfengis var það fyrst og fremst
sigurvíman sem hélt
viðstöddum í sjöunda
himni. Össur
Skarphéðinsson
utanríkis-
ráðherra var
þar hrókur alls
fagnaðar og
réði sér vart af
kæti yfir þeim
skilaboðum sem
hann nam upp úr
kjörkössunum: Að þjóðin
vildi stjórn Samfylkingar og Vinstri grænna
og komast í Evrópusambandið. Margt hefur
breyst síðan þá.
Jóhanna Sigurðardóttir var hetja kvöldsins
en nú kemur það í hlut nýrakaðs Árna Páls
Árnasonar að rífa upp stemninguna.
Framsóknarflokkurinn
Hótel Borg
Pósthússtræti 9-11
Framsóknar-
flokkurinn var
ekki aðeins
staðfastur
í Icesave-
deilunni heldur
lætur hann ekki
hagga sér af
Borginni þar sem
flokksfólk kom saman
á kosninganótt 2009. Þá
fór allt friðsamlega fram og stemningin var
óvenju róleg, hvorki mikill fögnuður né sorg.
Formaðurinn nýi virðist í ljósi sögunnar
hafa verið býsna spámannlega vaxinn þetta
kvöld en flokkurinn rétti aðeins úr kútnum á
endasprettinum og Sigmundur Davíð Gunn-
laugsson sagði þetta vera upphafið að því
sem koma skal.
„Þetta er upphafið að því sem koma skal,“
sagði Sigmundur Davíð Gunnlaugsson, for-
maður Framsóknarflokksins, á kosningavöku
flokksins í Reykjavík fyrir örfáum mínútum.
Flokkurinn hefði verið kletturinn í hafinu
og fólk ætti bara að ímynda sér „hvað hefði
gerst ef við hefðum haft eins og eina viku
til viðbótar í kosningabaráttu.“ Næstu nótt
kemur í ljós hvernig fjögur ár í baráttu munu
gagnast flokknum.
Vinstri-hreyfingin grænt
framboð
Hótel Saga
Hagatorgi
Vinstri-græn áttu góða nótt á Kaffi Reykjavík
fyrir fjórum árum þegar flokkurinn fékk
mesta fylgi í sögu sinni. Steingrímur J. Sigfús-
son, þáverandi formaður VG, var vígreifur og
hylltur sem traustur leiðtogi og mikill sigur-
vegari þegar hann gekk í salinn þangað sem
hann kom beint frá Akureyri þar sem hann
hafði gert gott mót í heimakjördæmi sínu.
Hann lýsti yfir sigri flokksins í
kosningunum og sagði
makleg málagjöld Sjálf-
stæðisflokksins bera
þess skýrt vitni að
lýðræðið virkaði á
Íslandi.
Mikilvægast
sagði hann þó að
forsendur fyrir
hreina vinstri stjórn
hefðu skapast. Staða VG
er allt önnur í dag og hvað
sem gerist á laugardag er ljóst
að Steingrímur fær ekki sama uppklappið
og áður og að Katrín Jakobsdóttir mun bera
hitann og þungann af nóttinni. Og virkni
lýðræðisins verður varla Steingrími jafn vel að
skapi sé eitthvað að marka fylgiskannanir.
Skálað fyrir sigrum og grátið ofan í bjórinn
Kosningavökur stjórnmálaflokkanna eru ómissandi þáttur í tilveru hörðustu stuðningsmanna á kosninganótt þar sem ýmist er skálað glaðlega fyrir glæstum sigrum
eða grátið ofan í veigarnar yfir ótíðindum upp úr kjörkössunum. Vökurnar verða óvenju margar í ár enda fádæma margir listar í boði þannig að ætla má að víða
um borgina muni fólk hlæja og gráta í mislitum kórum. En kjósendur ráða því vitaskuld hvar gleðin verður við völd og hvar þunglyndið mun svífa yfir vötnum.
Fréttatíminn tiltekur hér hvar þeir flokkar sem eiga raunhæfa möguleika á að ná fólki á þing, samkvæmt skoðanakönnunum, daginn fyrir kosningar koma saman.
Og rifjar um leið upp stemninguna hjá fjórflokknum fyrir fjórum árum.
Pírataflokkurinn
Restaurant Reykjavík
(áður Kaffi Reykjavík)
Vesturgötu 2
Pírataflokkurinn var ekki í framboði fyrir síðustu
kosningar en á raunhæfa möguleika á þingsætum
nú. Internetliðið ætlar að koma saman á Restaurant Reykjavík og taka
því þar sem verða vill. Birgitta Jónsdóttir er einn mest áberandi kafteinn
sjóræningjanna, en hún var í miklum ham á Iðnó í apríl 2009 þegar hún
fór á þing, ásamt þremur öðrum, fyrir Borgarahreyfinguna.
Það sem helst bar til tíðinda á vöku Borgarahreyfingarinnar var að á
þriðja tímanum var ungum manni hent út með nokkrum látum. Hann
taldi sig eiga erindi við viðstadda og slökkti á hljóðkerfi staðarins þar
sem hann vildi koma því á framfæri að það væri alveg sama hvað fólk
kysi það fengi alltaf „sama bullið“ yfir sig. Ekki útilokað að þessi maður
sé pírati í dag.
Björt framtíð
Víkin – Sjóminjasafn í
Reykjavík
Grandagarði 8
Björt framtíð er einnig nýliði þegar kemur
að því að slá upp kosningavökum
en liðsmenn hennar safnast
saman í Víkinni. Hverf-
andi líkur eru taldar á
því að formaðurinn
Guðmundur Stein-
grímsson muni þenja
nikkuna á kosninga-
nótt en plötusnúður
mun sjá um tónlist á
milli þess sem nýjustu
tölur berast.
Fylgstu með - láttu sjá þig!
Sérblöð
Fréttatímans
Sérblöð Fréttatímans eru vönduð og auglýsingar í
þeim skila auglýsendum árangri enda er Fréttatíminn
lesin af um 109.000 manns um hverja helgi, en ekki
bara flett við morgunverðarborðið.
Ef þú hefur áhuga á að koma að efni eða auglýsingu í sérblöðin þá snúðu
þér til auglýsingadeildar Fréttatímans. Síminn er 531 3310 eða sendu okkur
póst á auglysingar@frettatiminn.is
46 úttekt Helgin 26.-28. apríl 2013