Fréttatíminn - 26.04.2013, Blaðsíða 70

Fáðu meira
út úr Fríinu
Gerðu verðsamanburð á hótelum
oG bílaleigum út um allan heim oG
bókaðu sértilboð á GistinGu á túristi.is
T Ú R I S T I
S ellóhljómsveit St. Péturs-borgar leikur í Eldborgarsal Hörpu föstudaginn 3. maí
næstkomandi. Hljómsveitin, sem er
þekkt í heimalandi sínu Rússlandi,
kemur til landsins á vegum Odd-
fellowstúkunnar nr. 5, Þórsteins
í Reykjavík. Þetta er ekki í fyrsta
skipti sem stúkan stendur fyrir
slíkri uppákomu en á liðnu ári lék
rússneski píanóleikarinn Alexand-
er Ganshin fyrir fullu húsi í Norður-
ljósasal Hörpu.
Átta sellóleikarar eru í hljóm-
sveitinni og píanisti. Hljóðfæraskip-
anin þykir sérstök en hún kallar
fram afar djúpan og fallegan hljóm
sem blönduð leikgleði og ákafa tón-
listarmannanna mun án efa njóta
sín vel í Hörpu. Hljómsveitin leikur
fjölbreytta tónlist sem spannar allt
frá klassík og djass til samtíma- og
kvikmyndatónlistar.
Olga Rudneva stofnaði hljóm-
sveitina árið 2000 og er sveitin
skipuð úrvalsnemendum hennar.
Hljómsveitin hefur komið víða
fram, bæði innanlands og utan.
Er ekki að efa að hér er á ferðinni
skemmtileg tónlistarupplifun.
Á laugardeginum leggur hljóm-
sveitin land undir fót og heldur í
Skagafjörðinn til að leika á sælu-
dögum í Skagafirði.
Sérstakur gestur tónleikanna
verður Helga Rós Indriðadóttir
sópransöngkona.
Að venju renna allar tekjur tón-
leikanna til góðgerðarmála. Hægt
er að nálgast miða í Hörpu á www.
harpa.is eða www.midi.is. Nánari
 SellóhljómSveit St. PéturSborgar leikur í hörPu
Átta sellóleikarar og píanisti
Sellóhljómsveit St. Pétursborgar leikur í Eldborgarsal Hörpu eftir viku, föstudaginn 3. maí. Hljómsveitin er þekkt í heimalandi sínu. Hljóðfæraskipan þykir sérstök en átta
sellóleikarar eru í hljómsveitinni og píanisti.
upplýsingar eru á http://thour-
steinn.oddfellow.is/is/harpan-20
um hljómsveitina og fleira.
Fram kom í viðtali við Pétur
Óla Pétursson í Morgunblaðinu
nýverið að Rudneva væri þekktur
sellóleikari í heimaborg sinni.
Pétur Óli er búsettur í St. Péturs-
borg og hefur um árabil tekið á
móti Íslendingum. „Þegar svona
hópar koma,“ sagði Pétur Óli þar,
„er gjarnan haldin veisla í einhverri
af þeim höllum sem þar eru og þá
hefur Sellóhljómsveit St. Péturs-
borgar gjarnan komið og leikið
fyrir fólkið.“
70 menning Helgin 26.-28. apríl 2013