Fréttatíminn - 26.04.2013, Blaðsíða 68

Þótt Brian De Palma geti státað af myndum á borð við
Scarface, The Untouchables, Carlito´s Way og myndunum
Dressed to Kill og Body Double sem eru skírustu dæmin
um að hann er með Hitchcock á heilanum hlýtur hann að
teljast til mistækari leikstjóra síðustu áratuga.
Hann á einnig að baki haug af rusli og hefur heldur
fatast flugið í sinni tíð með myndum eins og Femme Fatale
og The Black Dahlia. Karlinn er þó ekki dauður úr öllum
æðum og teflir nú fram leikkonunum Noomi Rapace og
Rachel McAdams í sálfræðitryllinum Passion.
Christine (McAdams) og Isabelle (Rapace) eru sam-
starfskonur hjá markaðsfyrirtæki. Stigvaxandi rígur á
milli þeirra nær hámarki þegar Christine stelur hugmynd
Isabellu og eignar sér hana með þeim afleiðingum að hin
hlédræga Isabelle fer að leggja á ráðin um morð.
68 bíó Helgin 26.-28. apríl 2013
Í Iron Man
3 er Tony
Stark einn
síns liðs
og félagar
hans úr
Avengers-
genginu
eru fjarri
góðu
gamni.
 Iron Man 3 Þjófstartar bíósuMrInu
L eikarinn og leikstjórinn Jon Favreau tók að sér að skila Iron Man í bíó árið 2008 með eftirminnilegum árangri.
Robert Downey Jr. skilaði sínu með sóma
í aðalhlutverkinu og myndin ruddi braut-
ina fyrir sjálfstæðar myndir um Captain
America, Thor og Hulk. Tony Stark birtist í
bláenda The Incredible Hulk og Samuel L.
Jackson skaut upp kollinum í myndunum
sem Nick Fury, til þess að tengja þær saman.
Hámarkinu var svo náð í fyrra þegar allar
þessar hetjur komu saman auk Black Widow
og Hawkeye og mynduðu The Avengers hóp-
inn undir stjórn Fury.
Iron Man 3 er fyrsta sjálfstæða myndin
sem kemur í kjölfar The Avengers en nýjar
myndir um Thor og Captain America eru á
næsta leiti og munu leiða áhorfendur inn í
aðra endurfundi The Avengers en tökur á
The Avengers 2 hefjast í byrjun næsta árs.
Samningur Roberts Downey Jr. við Marvel
rann að vísu út með Iron Man 3 en vandséð
er að hægt sé að finna staðgengil hans í hlut-
verk Iron Man. Shane Black, leikstjóri Iron
Man 3, er þess þó fullviss að leikarinn muni
í það minnsta leika hetjuna í enn einni Iron
Man-mynd sem og The Avengers 2.
Í Iron Man 3 er Tony Stark einn síns liðs
og félagar hans úr Avengers-genginu eru
fjarri góðu gamni. Hann sér fram á náðuga
tíma og litla þörf fyrir Iron Man en neyðist
til þess að taka á honum stóra sínum þegar
hryðjuverkamaðurinn The Mandarin lætur
til skarar skríða. The Mandarin ræðst beint á
Stark sjálfan, rústar heimili hans og fer nærri
því að drepa Pepper Potts, einkaritarann sem
Stark elskar.
The Iron Man fer á stjá og nú í hefndarhug
en The Mandarin er ekkert lamb að leika sér
við eins og lætur hart mæta svo hörðu að tví-
sýnt er hvor muni hafa betur. Ben Kingsley,
sem öðlaðist á sínum tíma heimsfrægð fyrir
að leika friðarsinnann Ghandi, leikur The
Mandarin með tilþrifum en auk hans mætir
Guy Pierce nýr til leiks. Gwyneth Paltrow
leikur Pepper Potts sem fyrr og Don Chedale
mætir til leiks á ný sem félagi Starks, James
Rhodes.
Shane Black, leikstjóri Iron Man 3, er
þekktastur sem handritshöfundur enda á
hann heiðurinn af nokkrum skemmtilegustu
spennumyndum síðustu áratuga. Það má því
bóka tilfinningaríkan hasar í Iron Man 3 þeg-
ar horft er til þess að Black, sem einnig er
með puttana í handriti myndarinnar, skrifaði
Lethal Weapon, The Last Boy Scout og hina
stórlega vanmetnu The Long Kiss Goodnight
með Geenu Davis í aðalhlutverki.
Eftir að hafa staðið í skugga Spider-Man, Daredevil, The Punisher og Wolverine áratugum saman
steig Iron Man fram í frábærri bíómynd árið 2008 og markaði upphafið að ótrúlegri sigurgöngu
hetja sem voru við það að falla í gleymskunnar dá. Þar munaði ekki síst um frammistöðu eðal-
leikarans Roberts Downey Jr. sem fór á kostum í hlutverki glaumgosans Tony Stark sem tók sér
stundum frí frá djamminu til þess að bjarga heiminum í búningi Iron Man. Þriðja myndin um
kappann er komin í bíó og hann leiðir enn stórsókn Marvel.
Þórarinn
Þórarinsson
toti@frettatiminn.is
Iron Man einn á báti
Iron Man 3 er líkleg til þess að blanda sér í slaginn um vinsælustu myndir ársins en í henni stendur Tony Stark í stórræðum gegn
The Mandarin án aðstoðar félaga sinna í The Avengers.
Hættulegar konur
 fruMsýndar
Noomi Rapace og Rachel McAdams leika hættulega
refskák í Passion.
Leikkonan Halle Berry lét síðast til sín taka
í Cloud Atlas, ekki alls fyrir löngu, og er nú
mætt aftur til leiks með truflað permanent
í The Call. Hér leikur hún Jordan Turner
sem svarar í neyðarlínuna 911. Hún er á
vakt þegar stúlka sem hefur verið rænt
hringir úr farangursgeymslu bifreiðar.
Jordan áttar sig fljótt á því að stúlkan
er í klóm morðingja sem hún hefur áður
komist í kast við og því megi hún hvergi
stíga feilspor að þessu sinni.
Lögreglan telur sig lítið geta aðhafst
nema hún hafi eitthvað haldbetra en eitt
símtal í neyðarlínuna í höndunum þannig
að Jordan ákveður að taka málin í sínar
hendur.
Aðrir miðlar: Imdb: 6,7, Rotten Tom-
atoes: 39%, Metacritic: 51%
MT: Halle Berry fær símtal sem fær
hárin á henni og áhorfendum til að
rísa.
Berry á neyðarlínunni
MY FATHERS BIKE
LAU 22:00 SUN 20:00 (L) FRÍTT INN
PHANTASM
SUN: 20:00 (16)
SKÓLANEMAR: 25% AFSLáTTUR gEgN FRAMvÍSUN SKÍRTEINIS!
MEÐ STUÐNINGI REYKJAVÍKURBORGAR & KVIKMYNDAMIÐSTÖÐVAR ÍSLANDS - MIÐASALA: 412 7711
PÓLSKIR
DAGAR