Fréttatíminn - 26.04.2013, Blaðsíða 6

Andrea Ólafsdóttir
Saman getum við
unnið að réttlæti,
sanngirni og
lýðræði fyrir
heimilin í landinu
Hvorki er að finna gangstéttir né gangbrautir
fyrir gangandi og hjólandi vegfarendur við
götuna Bæjarhraun í Hafnarfirði. Skrifstofa
sýslumannsins í Hafnarfirði og ýmis fyrirtæki
eru við Bæjarhraun og þangað sækir fólk marg-
víslega þjónustu. Bæjarhraun er tvístefnugata
og er hámarkshraði þar fimmtíu kílómetrar á
klukkustund.
Samkvæmt upplýsingum frá Hafnarfjarðarbæ
hefur skipulags- og byggingasvið unnið tillögu
að deiliskipulagi sem bæta myndi öryggi gang-
andi og hjólandi vegfarenda til muna. Tillagan
felur í sér að gerður verði 3.5 metra breiður
stígur meðfram götunni sem tengist hjólastíg
til Garðabæjar til norðurs en íþróttasvæði FH í
Kaplakrika til suðurs. Í tillögunni kemur fram að
samkvæmt aðalskipulagi sé gatan Bæjarhraun
á óbyggðu svæði og liggi meðfram iðnaðar- og
athafnasvæði. Þar sé mikil bílaumferð en fáar
gönguleiðir. Hljóti tillagan hljómgrunn er stefnt
að því að hefja framkvæmdir næsta sumar.
Að sögn Magnúsar Jenssonar, formanns
Samtaka um bíllausan lífsstíl, er það hugar-
far ríkjandi á Íslandi að eðlilegt sé að fara allra
sinna ferða á bíl. Að mati Magnúsar vantar víða
gangbrautir og stíga svo gangandi og hjólandi
vegfarendur séu öruggir. „Það er ekki eðlilegt
að gera ráð fyrir því að fólk fari allra sinna ferða
á bíl og að gangandi og hjólandi þurfi sífellt að
víkja fyrir akandi umferð,“ segir Magnús.
 Umferðaröryggi ekki gert ráð fyrir gangandi vegfarendUm við BæjarhraUn
Erfitt aðgengi að skrifstofu sýslumannsins í Hafnarfirði
Dagný Hulda
Erlendsdóttir
dagnyhulda@
frettatiminn.is
Hættulegt getur verið að ganga til sýslumannsins í Hafnarfirði.
 Skólamál aðferðir hjallaStefnUnnar gegn einelti
Einelti er vöntun á
góðum aðstæðum
Margrét Pála Ólafsdóttir, stofnandi Hjallastefnunnar, segir að einelti sé ekki sjálfstætt vandamál
heldur vöntun á að fullorðnir taki sína ábyrgð því einelti og ofbeldi getur ekki þrifist nema full-
orðnir samþykki það á einhvern hátt. Örfá dæmi eru um einelti í 20 ára sögu Hjallastefnunnar því
lögð er áhersla á að aðstæður sem fyrirbyggja einelti.
e ngar frímínútur eru í skólum sem reknir eru undir merkjum Hjallastefnunnar því vitað er að
mikið ofbeldi fer fram í frímínútum og
þær gróðrastía fyrir einelti, að sögn Mar-
grétar Pálu Ólafsdóttur, stofnanda Hjalla-
stefnunnar. Þess í stað skreppa kennarar
út með nemendum sínum. Matmálstímar
geta einnig verið viðkvæmur tími og því
borða kennarar með nemendum inni í
sinni stofu. Innan skóla Hjallastefnunnar
eru þannig allar aðstæður skapaðar til
að koma í veg fyrir að einelti geti átt sér
stað, að sögn Margrétar Pálu. Aðferðir
hennar virðast virka því aðeins örfá dæmi
eru þar sem upp hefur komið einelti í 20
ára sögu Hjallastefnunnar, segir hún.
Þegar nemendur fara í sund og íþróttir
fylgja kennarar þangað. Daglega fá
nemendur að velja sér viðfangsefni úti
eða inni eftir sínu áhugasviði og er þá
tryggt að aldrei sé meira en þriðjungur
barnanna úti í frjálsu vali og alltaf undir
eftirliti kennara.
„Með þessu móti eru börnin undir
mjög skýru eftirliti og aðstæðurnar gerð-
ar þannig að þær hámarki líkur á góðum
samskiptum,“ segir Magga Pála. Innan
Hjallastefnunnar hefur hver kennari um-
sjón með tólf til átján börnum og ekkert
kennaraborð er til staðar heldur er kenn-
arinn staðsettur á meðal barnanna. Þessi
nálægð kennarans við börnin minnkar
líkurnar á að kennari taki ekki eftir nei-
kvæðum samkiptum. Vináttuþjálfun og
kennslu í umburðarlyndi og aga er fléttað
saman við aðra kennslu og skilar það sér
í betri samskiptum nemenda á milli.
Það er skoðun Möggu Pálu að eng-
inn ætli sér illt, heldur séu það rangar
aðstæður sem bjóði upp á einelti. Hug-
tökin gerendur og þolendur eru ekki
notuð innan Hjallastefnunnar, heldur er
alltaf talað um hlutaðeigandi. „Ég nota
ekki hugtökin gerendur og þolendur því
einelti er slys vegna slæmra aðstæðna,
eftirlitsleysis og vöntunar á nógu mikilli
kennslu og hjálp í samskiptum. Allir sem
eru á staðnum þar sem einelti fer fram
eru staddir í slysinu og sitja í súpunni. Ég
neita að kalla barn geranda í slíku máli.
Þess vegna nota ég orðið hlutaðeigandi.
Rétt eins og þegar skriðufall verður úr
fjallshlíð. Það er engum að kenna en
mjög óheppilegt að vera staddur þar,“
segir Magga Pála af miklum sannfær-
ingarkrafti.
„Við Hjallastefnufólk rýnum í allar
aðstæður og skoðum hvort þær virki.
Ef svarið er nei þá verðum við að breyta
og þá breytum við þangað til við náum
árangri. Þar kemur líka sú hugmynd
Hjallastefnunnar að einelti sé ekki sjálf-
stætt vandamál heldur vöntun á að full-
orðnir taki sína ábyrgð því einelti og
ofbeldi getur ekki þrifist nema fullorðnir
samþykki það á einhvern hátt,“ segir
Magga Pála sem leggur mikla áherslu á
að fólk gefist aldrei upp gagnvart því að
öll börn njóti sín í því umhverfi sem þeim
er boðið upp á.
Dagný Hulda Erlendsdóttir
dagnyhulda@frettatiminn.is
Ég nota ekki
hugtökin
gerendur og
þolendur því
einelti er slys
vegna slæmra
aðstæðna,
eftirlitsleysis
og vöntunar á
kennslu og hjálp
í samskiptum.
Allir sem eru
á staðnum þar
sem einelti fer
fram eru staddir
í slysinu og sitja
í súpunni. Ég
neita að kalla
barn geranda í
slíku máli.
Margrét Pála Ólafsdóttir, Magga Pála, leggur áherslu á að fólk gefist aldrei upp gagnvart því að öll börn njóti sín í því umhverfi
sem þeim er boðið upp á.
Einelti og
ofbeldi getur
ekki þrifist
nema full-
orðnir sam-
þykki það
á einhvern
hátt.
Líttu við á heimasíðu okkar
www.normx.is og kynntu þér úrvalið!
Setlaugar
Framleiddar fyrir íslenskar aðstæður
Auðbrekku 6 • 200 Kópav • S. 565 8899
• Margar gerðir og stærðir
• Fjölbreytt úrval aukabúnaðar
• Hitastýringar fyrir setlaugar
• Val um liti á setlaugum
Líttu við á heimasíðu okkar
www.normx.is og kynntu þér úrvalið!
Setlaugar
Framleiddar fyrir íslenskar aðstæður
Auðbrekku 6 • 200 Kópav • S. 565 8899
• M rgar gerðir og stærðir
• Fjölbreytt úrval aukabúnaðar
• Hitastýringar fyrir setlaugar
• Val um liti á setlaugumLíttu við á heima íðu okkar
www.normx.is og kynntu þér úrvalið!
Setlaugar
Framleiddar fyrir íslenskar aðstæður
Auðbrekku 6 • 200 Kópav • S. 565 8899
• Margar gerðir og stærðir
• Fjölbreytt úrval aukabúnaðar
• Hitastýringar fyrir setlaugar
• Val um liti setla gum
Fylgstu með - láttu sjá þig!
Sérblöð
Fréttatímans
Sérblöð Fréttatímans eru vönduð og auglýsingar í
þeim skila auglýsendum árangri enda er Fréttatíminn
lesin af um 109.000 manns um hverja helgi, en ekki
bara flett við morgunverðarborðið.
Ef þú hefur áhuga á að koma að efni eða auglýsingu í sérblöðin þá snúðu
þér til auglýsingadeildar Fréttatímans. Síminn er 531 3310 eða sendu okkur
póst á auglysingar@frettatiminn.is
6 fréttir Helgin 26.-28. apríl 2013