Heimilisritið - 01.07.1951, Side 48

t ------------\
I'ISKUR. — Að dreyma að maður sjái lifandi fiska boðar hcppni í fram-
kvæmdum. Dauður fiskur táknar vonbrigði, taugaóstyrk og orðasennu.
Að veiða fisk táknar svikula vini. Að vetri til er fiskur oft fyrir
fannkomu, og séu fiskarnir dökkir og spriklandi boðar það storm og
úrfelli. Dreymi þig, að þú sért á fiskveiðum, en veiðir ekki neitt,
cr það merki um að núverandi fyrirætlanir þínar bregðast. En að
veiða fisk er hinsvegar fyrir velgengni. Eta harðfisk: veizla í vændum.
FITA. — Það er öruggt tákn um auðæfi, eða hreysti, ef menn dreymir
að þeir séu feitir. Sumir segja þó að það sé fyrir veikindum. Ef þú
þykist sjá feit börn, muntu eiga mörg hamingjurík og áhyggjulítil
ár fram undan þér. Það er hinsvegar fyrir tapi eða veikindum ef
- þig dreymir að þú hafir megrazt.
FJALL. — Ef þig dreymir fjall boðar það breytingu til hins betra, ef þú
ert að klífa það, en til ófarnaðar ef þú ferð niður það. Sjá fallegt
fjall: björt framtíð; sé það við vatn eða með lækjum í hlíðunum,
boðar það oft arf. Eigirðu erfitt með að klífa fjall í draumi, táknar
það, að þú munt þurfa að strita fyrir öllu, sem þú vilt veita þér í
heiminum.
FJARA,—- Dreymi gifta persónu að hún sé niðri í fjöruborði, má hún
búast við því að heimili og hjónaband hennar sé ekki allt þar sem
það sýnist í svipinn. Sjómönnum er mikil fjara í draumi fyrir afla-
leysi í vöku. (Sjá Sjávarfall).
FJÁRHÆTTUSPIL. — Dreymi þig að þú spilir fjárhættuspil og vinnir,
máttu reikna með því, að óheiðarleiki og fátækt steðji að þér. Ef
þú hinsvegar tapar í spilum, er merkingin ckki nærri því eins slæm,
bótt slíkur draumur sé aldrei góður.
FJOLA. — Að dreyma fjólur boðar dreymandanum mjög heillandi ástar-
ævmtýri, hvort sem úr því verður meira eða minna.
FJÓS. — Sjá Gripahús.
FJÖÐUR. — Hvítar fjaðrir cru dreymandanum fyrir mikilli upphefð og
virðingarvotti, stundum fyrir auð og velmegun. Fagurlitaðar fjaðrir
boða góðar fréttir, en séu þær dökkar eða óhreinar er leiðra frétta
að vænta. Sjá fugla í sárum, boðar langa ferð. Fjöður í hatti: óheppi-
Ieg viðskiptasambönd.
FJÖLLEIKAHUS. — Ef þig dreymir fjölleikahús, muntu eignast mikið
af dýrgripum fyrr eða síðar. Kannske hlýturðu háan titil einhvern-
tíma, a. m. k. mun þér öðlast mikil virðing í þessum heimi.
FJÖLSKYLDA. — Dreymi þig að þú eigir fjölmenna fjölskyldu, þarftu
engu að kvíða. Þig mun ekki skorta fé til þess að sjá stórri fjöl-
skyldu farborða, ef þú skyldir eignast hana.
FLAGG. — Sjá Fáni.
FLAK. — Ef þig dreymir skipsflak, máttu búast við einhverjum erfið-
leikum á næstunni. (Frh. í nœsta hefti).
46
HEIMILISRITIÐ