Heimilisritið - 01.10.1951, Blaðsíða 52
tilboð, sennilega viðskiptalegs eðlis, þótt kunningskapur komi þar til
greina.
HAPPDRÆTTI. — Að dreyma happdrætti er aðvömn um falska vini,
scm spilla fyrir störfum þínum eða verzlun og trufla heimilislíf þitt.
Vinna í happdrætti boðar, áð dreymandinn mun brátt fá mikilsvert
hlutverk í hendur, sem reynir mjög á þolinmæði hans og starfsþrek,
en færir honum sanna hamingju.
HÁR. — Drcymi þig að þú sért að greiða hár þitt, er það oft tákn þess,
að sá eða sú, sem þú elskar, er að hugsa um þig. Sé það flókið, getur
það merkt crfiði og léleg laun, en sé það fallegt og gott að greiða það,
boðar það nýja vini og bjartari framtíð. Dreymi þig að þú sért orð-
in(n) gráhærð(ur), ber það vott um að þú hafir misst móðinn og
að fyrirætlanir þínar séu að fara forgörðum, ef þú herðir þig ekki upp.
Þykkt og liðað: völd og auður. Dökkt og stutt: erfiðleikar. Skolleitt:
þunglyndi. Missa hárið: veikindi eða tjón (Sjá Skalli). Láta klippa
það: móðgun. Dreymi karlmann að hann hafi sítt hár eins og kona,
er hann raggeit a. m. k. í vissum skilningi.
HÁRKOLLA. — Dreymi þig að þú sért með hárkollu, muntu brátt þurfa
á góðri aðstoð að halda, og í því sambandi muntu leita til vinar þíns.
HÁRLITUN. — Ef aig dreymir að þú sért að liða hár þitt, muntu snúa
baki' við ýmsu leiðu og einbeita þér að framtíðinni af dirfsku og
vongleði.
HARMUR. — Sjá Sorg.
HARPA. — Ef þú ert veik(ur) og þig dreymir hörpu, mun þér batna von
bráðar. Elskendum er það einnig fyrir góðu að dreyma hörpu, því
þeir munu fá óskir sínar uppfylltar.
HÁSKÓLI. — Ef þig dreymir að þú sért komin(n) í háskólann, eða á leið
með það, muntu fá ágæta og virðulega stöðu. Þú átt áhrifameiri vini
en þú gcrir þér grein fyrir, og þeir eru þér velviljaðir og hjálpfúsir,
enda muntu ekki bregðast trausti þeirra.
HÁTTA. — Sjá Afklæða.
HATTUR. — Vandaður, fallegur og hæfilega stór hattur er góður fyrir-
boði í draumi og merkir, að þú munir fá það uppfyllt, sem þú óskar
þér heitast. Óhreinn, þvældur og óheppilegur hattur merkir hinsvegar
niðurlægingu og heimilisböl. Dreymi pilt stúlku með fallegan hatt,
mun hún elska hann. Dreymi stúlku pilt með áberandi hatt, er pilt-
urinn líklega flón sem kærir sig ekkert um hana. (Sjá Htífa, Höfuð-
fat).
HATUR. — Ef þig dreymir að þú hatir einhvern, táknar það að þú munt
jafnan eiga tryggan og hjálpfúsan vin, þegar þú þarft hans með. Oft
boðar það þér erfiðlcika, sem stafar frá tengdafólki þínu eða skyld-
mcnnum.
(Frh. i nœsta hefti).
^________________________________________________________________________J
50
HEIMILISRITIÐ