Fréttatíminn - 19.04.2013, Side 4

Fjórir Íslendingar róa yfir Atlantshafið
Tölum yfir dauðsföll íslenskra barna vegna illrar meðferðar er ekki haldið saman og hafa þær aldrei verið birtar. Ljósmynd/Hari
 Barnavernd dauðföll íslenskra Barna
Sex börn dáin vegna
illrar meðferðar
Staðfest er að sex íslensk börn undir tíu ára aldri hafa látist á liðnum áratug vegna ofbeldis og
illrar meðferðar. Erlendar rannsóknir sýna að yfirleitt eru það líffræðilegir foreldrar sem verða
börnunum að bana. Vímuefnaneysla og alvarlegar geðtruflanir koma þar oft við sögu.
a ð jafnaði deyr barn annað hvert ár á Íslandi vegna ofbeldis og illrar meðferðar. Þetta staðfest-
ir forstjóri Barnaverndarstofu, Bragi
Guðbrandsson. Hann segir þessum
tölum ekki haldið saman með kerfis-
bundnum hætti og þær hafi aldrei verið
birtar.
Á síðustu tíu árum hafa sex börn
undir tíu ára aldri látist vegna ofbeldis.
Þetta er sá fjöldi barna þar sem óyggj-
andi er að ill meðferð er orsök dauða.
Í fleiri málum hefur leikið grunur á
ofbeldi en það ekki sannað.
Bragi vill ekki fjalla nánar um hvert
dauðsfall og finnst það ekki við hæfi
þar sem það myndi ýfa upp sár hjá fjöl-
skyldumeðlimum sem eiga um sárt að
binda.
Samkvæmt skýrslu rannsóknar-
miðstöðvar Unicef um dauðsföll barna
vegna illrar meðferðar í efnameiri
ríkjum eru það yfirleitt líffræðilegir
feður eða líffræðilegar mæður sem
verða börnunum að bana. Algengt er
að fátækt, streita og vímuefnaneysla
komið við sögu. Þá vitnar Unicef um
tug rannsókna sem sýna að í miklum
meirihluta er um að ræða foreldra með
alvarlegar geðtruflanir. Samkvæmt
sænskri rannsókn sem vísað er í frem-
ur um helmingur foreldranna sjálfsvíg
eftir að barnið er látið.
Í skýrslunni kemur fram að hlutfallið
er mjög lágt á Íslandi en þegar hún
kom út hafði eitt barn dáið á voveifleg-
an hátt á fimm ára tímabili.
Samkvæmt Unicef er algengast að
börn undir eins árs aldri deyi vegna illrar
meðferðar eða þrisvar sinnum algengara
en börn frá eins til fjögurra ára. Þessi
síðarnefndi hópur er síðan í helmingi
meiri hættu en börn á aldrinum fimm til
fjórtán ára. Alyngstu börnin deyja yfir-
leitt vegna „shaken-baby-syndrome“.
Bragi segist lengi hafa barist fyrir því
að komið verði á laggirnar sérstöku við-
bragðsteymi vegna voveiflegra dauðs-
falla barna og unglinga sem hefði það
hlutverk að rannsaka dauðsföllin með til-
liti til vanrækslu og ofbeldis. Hann segir
slík teymi starfa víða erlendis, til að
mynda í Bandaríkjunum og Bretlandi.
Í framkvæmdaáætlun í barnavernd
sem samþykkt var á Alþingi í mars-
mánuði kemur fram að eitt þeirra til-
raunaverkefna sem eigi að vinna að sé
einmitt stofnun slíks teymis. Bragi segir
þó ekki í hendi að það verði gert þar sem
það kallar á mikla samvinnu ólíkra aðila,
heilbrigðisyfirvalda, lögreglu, saksókn-
ara og barnaverndaryfirvalda. Þá sé
stærsti óvissuþátturinn hvort viðkom-
andi stofnanir hafi heimild til að deila
upplýsingum á meðan mál eru í rann-
sókn. „Mikilvægustu ástæðurnar fyrir
því að koma svona teymi á laggirnar er
að rannsaka kerfisbundið ástæður og að-
draganda dauðsfalla til að minnka líkur
á þeim og læra að bregðast við þeim,“
segir hann.
Erla Hlynsdóttir
erla@frettatiminn.is
Bragi Guðbrandsson, for-
stjóri Barnaverndarstofu, vill
koma á laggirnar sérstöku
viðbragðsteymi vegna
voveiflegra dauðsfalla barna
á Íslandi. Ljósmynd/Hari
Í fleiri málum
hefur leikið
grunur á ofbeldi
en það ekki
sannað.
Fiskafli í mars 207
þúsund tonn
Fiskafli nam alls 207.026 tonnum í mars 2013
samanborið við 193.340 tonn í mars 2012, að því
er fram kemur hjá Hagstofu Íslands. Heildarafli
íslenskra skipa í mánuðinum, metinn á föstu
verði, var hins vegar 6,1% minni en í mars 2012.
Það sem af er árinu hefur aflinn dregist saman
um 9,6% miðað við sama tímabil 2012, sé hann
metinn á föstu verði. Botnfiskafli dróst saman
um 988 tonn frá mars 2012 og nam rúmum
45.100 tonnum. Þar af var þorskaflinn rúm
25.800 tonn, sem er aukning um tæp 2.300
tonn frá fyrra ári. Ýsuaflinn nam tæpum 5.000
tonnum sem er rúmum 1.500 tonnum minni afli
en í mars 2012. Karfaaflinn dróst saman um rúm
1.800 tonn samanborið við mars 2012 og nam
tæpum 6.100 tonnum. Tæp 3.700 tonn veiddust
af ufsa sem er 142 tonna aukning frá mars 2012.
Afli uppsjávartegunda nam rúmum 158.300
tonnum, sem er um 15.600 tonnum meiri afli en í
mars 2012. Aukningu í uppsjávarafla má rekja til
rúmlega 15.900 tonna aukningu í loðnuafla. -jh
Yndisstundir
fyrir konur
Endurnærandi yndisstundir fyrir
konur á öllum aldri þar sem leidd
hugleiðsla eða djúpslökun við lifandi
tónlist skapa einstaka upplifun hefj-
ast næstkomandi mánudag, 22. apríl,
að því er fram kemur í kynningu
Hannesarholts. „Yndisstundirnar eru
opnar öllum konum og standa frá kl.
16.45-17.30 en húsið opnar kl. 16.30.
Gengið er inn frá Skálholtsstíg. Alls
er um fjögur skipti að ræða, 22. og
29. apríl og 6. og 13. maí. Það eru
þær Anna Ingólfsdóttir jógakennari,
Hallfríður Ólafsdóttir flautuleikari
og Stefanía Ólafsdóttir hugleiðslu-
leiðbeinandi sem halda utan um
yndisstundirnar. Ýmist verður boðið
upp á djúpslökun (22. apríl og 6. maí)
eða hugleiðslu (29. apríl og 13. maí).
Í djúpslökun verða konur að mæta
með teppi og kodda.
 Úthafsróður í fótspor feðranna
Á þjóðhátíðardegi Norðmanna, 17. maí
næstkomandi, munu fjórir Íslendingar,
Einar Örn Sigurdórsson, Eyþór Eðvarðs-
son, Kjartan Jakob Hauksson og Svanur
Wilcox, leggja upp í róður á sérstökum
úthafsróðrarbáti frá Noregi til Íslands.
Ýtt verður úr vör frá Kristiansand og farið
í fyrsta áfanga til Orkneyja og þaðan
áleiðis til Færeyja. Áfangastaðurinn
er Ísland. Áætlað er að ferðin taki allt að tvo til þrjá mánuði.
Leiðin sem áætlað er að róa er um 1600 kílómetrar og yfir hálft
Norður-Atlantshafið. Róið verður á tveggja tíma vöktum allan
sólarhringinn og tveir í einu.
Verkefnið er mikið íþróttaafrek, að því er fram kemur í til-
kynningu um róðurinn – og má nefna sem dæmi að brennslan
á hverjum sólarhring er sambærileg við 6 hálfmaraþon. Ef
fjórmenningunum tekst ætlunarverk sitt kemst þetta afrek í
heimsmetabók Guinness, segir enn fremur. Dorrit Moussaieff
forsetafrú er verndari róðrarmannanna. Sjósetning bátsins fór
fram 6. apríl síðastliðinn þar sem báturinn fékk nafnið Auður
eftir landnámskonunni Auði djúpúðgu. Líkt og Auður sigla Íslend-
ingarnir til Orkneyja og þaðan til Færeyja á leið sinni til Íslands.
Íslendingarnir
fjórir sem róa
frá Noregi til
Íslands, Einar
Örn Sigur-
dórsson, Eyþór
Eðvarðsson,
Kjartan Jakob
Hauksson og
Svanur Wilcox.
veður föstudagur laugardagur sunnudagur
HvAssviðri og rigning þEgAr Frá lÍður.
slyddA á FjAllvEgum.
HöFuðborgArsvæðið: FER Að RigNA
uM HÁDEGI.
AllHvAsst og slydduél suðvEstAn og
vEstAntil. él og HálkA til FjAllA.
HöFuðborgArsvæðið: SV-ÁTT OG
SLYDDuéL.
snýst Í HægA n-átt, roFAr vÍðAst
til og kólnAr
HöFuðborgArsvæðið: BiRTiR upp mEð
HiTA um FRoSTmARK.
rigning, en kólnar síðan aftur
Fyrsta lægðin lengi er nú væntanleg úr
suðvestri. Skil hennar með hvassri SA-átt og
ringingu eða slyddu fara yfir seinna í dag og
snemma í nótt. Það nær að hlána um stund um
land allt, á fjallvegum verður krapableyta og
fyrst snjókoma. Á laugard. tekur
við allhvöss SV-átt og kólnar
á ný. Slydduél suðvestan- og
vestanlands, en él á fjallvegum
og varasöm aksturskilyrði.
N- og A-lands birtir upp. Á
sunnud. verður komin hæg
N-átt en að mestu úrk.laust.
4
3 1
0
4
2
3 2 4
3
1
-1 -2 0
3
Einar sveinbjörnsson
vedurvaktin@vedurvaktin.is
4 fréttir Helgin 19.-21. apríl 2013