Fréttatíminn - 19.04.2013, Blaðsíða 40

40 ferðir Helgin 19.-21. apríl 2013
 Ferðalög Þrír góðir veitingastaðir á Ferðalagi um evrópu
Krítverskar kræsingar
Í sumar geta sólþyrstir Íslendingar flogið beint til
Chania á Krít. Elsti hluti þessarar næststærstu borg-
ar eyjunnar er ákaflega fallegur. Þröngar götur liggja
upp frá höfninni og þangað leita svangir ferðamenn
frá strandbæjunum í kring. Af myndamatseðlunum
að dæma leggja þó margir veitingamenn á þessum
slóðum meira upp úr klassískum ítölskum og þýskum
réttum í stað þess að elda ferskan fisk og grænmeti
samkvæmt krítveskum hefðum. Þeir sem vilja alvöru
Krítarmat í Chania ættu að leita uppi veitingastað-
inn Portes (Portou 48). Þar stendur bresk kona vörð
um matarmenningu eyjaskeggja með glæsibrag og
rukkar ekki meira fyrir réttina en gerist og gengur á
stöðunum í kring. Á To Karnagio (Plateia Katehaki
8) er heimamaturinn líka í hávegum hafður og grísku
kjötbollurnar eru þar ljómandi góðar. Þeir sem vilja
prófa alls kyns krítverska rétti á einu bretti ættu að
setjast inn á Kouzina (Daskalojianni 25). Þar geta
gestirnir fengið litla skammta af nokkrum réttum og
deilt með borðfélögunum. Matgæðingar verða heldur
ekki sviknir af heimsókn á Agora matarmarkaðinn
og þar er tilvalið að kaupa sér olífuolíu til að taka með
heim.
Góður matur í Stokk-
hólmi, Krít og Köben
Á nýjasta matsölustaðnum í Stokkhólmi er kokkurinn í aukahlutverki og í Kaupmannahöfn vilja
allir borða hjá höfundi Borgen. Á Krít reyna sem betur fer sumir að halda í hefðirnar. Kristján
Sigurjónsson fór í heimshornaflakk.
Borðað hjá höfundi Borgen
Það er Adam Price að þakka
að Íslendingar og fleiri hafa
fengið áhuga á að fylgjast með
dönskum stjórnmálum einu
sinni í viku. Þættir hans um lífið
í Kristjánsborgarhöll í Kaup-
mannahöfn hafa slegið í gegn og
það hafa matreiðsluþættir hans
í Danmörku líka gert. Adam
var lengi vel einn þekktasti veit-
ingahúsarýnir Dana en sagði
starfinu upp í fyrra þegar hann
opnaði ásamt bróður sínum
veitingastaðinn Brdr. Price við
Rósenborgarhöll. Þeir James og
Adam eru ekki þekktir fyrir að
spara smjörið og það er ekkert
léttmeti á boðstólum á þessum
stað sem er svo vinsæll meðal
frænda okkar að brátt opnar
útibú í Tívolí.
Allt fyrir útlitið í Stokkhólmi
Nosh&Chow er einn umtalaðisti
veitingastaðurinn í Stokkhólmi um
þessar mundir. Kastljósið beinist þó
ekki að matnum heldur útliti staðar-
ins því einn þekktasti innanhúsarki-
tekt í heimi var fenginn til að hanna
herlegheitin og litlu var til sparað.
Matseðillinn er þó langt frá því að
vera litlaus en honum er skipt upp
eftir heimshlutum og valið á réttum
er frumlegt. Þeir sem eru að leita
eftir nýmóðins veitingastað í Stokk-
hólmi þar sem hægt er að dvelja
löngu eftir að maturinn er búinn
eru því vel í sveit settir á þessum
stað rétt við Stureplan.
Kristján Sigurjónsson
ritstjorn@frettatiminn.is
Kristján Sigurjónsson
heldur úti ferðavefnum Túristi.is.
Afreksfólk öræfanna
Æviferill Fjalla-Eyvindar og Höllu
Nýtt fræðslurit FÍ
Fæst í öllum helstu bókabúðum og á skrifstofu FÍ
SKRÁÐU ÞIG INN – DRÍFÐU ÞIG ÚT!
FerðaFélag Íslands | Mörkinni 6 | 108 Reykjavík | Sími: 568 2533 | Fax: 568 2535 | Netfang: fi@fi.is
Í nýjasta fræðsluriti FÍ er um­
fjöllunar efnið æviferill þeirra Fjalla­
Eyvindar og Höllu. Það hlýtur að
vekja aðdáun enn í dag, hvernig
Eyvindur og Halla gátu bjargað sér
uppi á öræfum á þeim árum þegar
harðindi og hörmungar geisuðu um
byggðir landsins og mörg hundruð
manna fóru á vergang í byggð og
dóu úr hungri. Fróðlegt er fyrir
fjalla garpa nútímans að setja sig
í spor Eyvindar og Höllu og keppa
við þau á jafnréttisgrundvelli, hvað
klæðnað og allan útbúnað snertir til
dvalar á fjöllum.
www.fi.is
Stykkishólmur
Gæðagisting
Gæðagisting í Stykkishólmi.
Dags, -helgar og vikugisting í vor, - vikugisting (lágmark)
í júni / júlí / ágúst / september.
Gistrými fyrir allt að 7 manns. Öll nútíma þægindi og heitur
pottur. Frábær staðsetning. Göngufæri í sund.
Veitingarstaðir á heimsmælikvarða - FRÍTT GOLF-
www.orlofsibudir.is s. 861 3123
F E R Ð A S K R I F S T O F A A L L R A L A N D S M A N N A
Fararstjóri
Arinbjörn Vilhjálmsson
Sumar 15
Klettafjöllin í Kanada
Hin stórbrotnu Klettafjöll skarta sínu fegursta
á þessum árstíma og taka á móti okkur með
fjölbreyttu dýra- og plöntulífi, ásamt áhugaverðum
áfangastöðum og tignarlegum þjóðgörðum
Verð: 363.700 kr. á mann í tvíbýli.
Pantaðu núna í síma 570 2790
eða bókaðu á baendaferdir.is
Skoðaðu ferðirnar á bændaferðir.is
Sími 570 2790
bokun@baendaferdir.is
Síðumúla 2, 108 Reykjavík
Opið kl. 8.30 - 16.00 virka daga
17. - 31. ágúst