Bændablaðið - 31.10.2013, Blaðsíða 7

Bændablaðið | Fimmtudagur 31. október 2013 7
ormánuður er genginn í
hlað, að baki eru göngur
og réttir og heimaskurður
víðast hvar búinn.
Bændur grisja fjárstofninn eftir
því sem þörf gerist. Jóhannes
Sigfússon á Gunnarsstöðum er
einn af þeim og orti á leið til bæjar
þessa vísu:
Viðsjált gerist veðurfar,
vetur brýnir klærnar.
Gekk ég frá og gróf í dag
gömlu forystuærnar.
Auðunn Benediktsson granni
minn hér í Svalbarðsstrandarhreppi
sendi mér á dögunum kveðjukorn.
Auðunn hefur ekki framfæri sitt
af sauðfjárhaldi það ég veit, en
matarforðinn líkur því að elskur
sé hann að afurðum sauðfjár.
Hann greinir svo frá að hann hafi
um einhverra daga skeið verið
einn með heimilið og „þurft að
gera allt“. Til að lina áhyggjur
eiginkonunnar sendi hann henni
sýnishorn af matseðli sínum þessa
sáru einverudaga:
Ég sauð mér lítið sauðafall í gær,
sviðakjamma og nokkra punga stóra.
Kartöflur og rófur karlinn einnig fær
með koníaki á eftir og nokkra litla
bjóra.
Í kvöld ég síðan tíndi saltfiskruðu
í pott,
og sauð mér næstum viku matar-
forða.
Til vara hef ég rjómaskyr og rækju-
salat gott,
og reyni svo að gleyma ekki að
borða.
Ekki hef ég ýkt sem nokkru nemi.
Ég nýt þess að hafa nóg að borða,
nærandi og hollan matarforða.
En víkjum nú ögn til eldri skálda.
Á dögunum var ég að skara í
gamlar skræður, og fann þar
listilega ljóðagerð eftir Sigurbjörn
Jóhannesson kenndan við
Fótaskinn í Aðaldal. Sigurbjörn
fæddist á Breiðumýri í Reykjadal
1839 en fluttist til Kanada og lést
þar 1903. Hér fylgir eins konar
forskrift að hestakaupum, ort undir
hringhentum stikluvikum:
Ef þú selja meinar mér
makka skeljung góðan,
kosti telja hlýt ég hér,
hann svo velja takist þér.
Álitsfríður, framþrekinn,
fjörs með stríðu kappi,
fimur, þýður, fótheppinn,
fetatíður, ganglaginn.
Stutt með bak og breitt að sjá,
brúnir svakalegar,
augun vakin, eyru smá
einatt hrakin til og frá.
Makkann sveigi manns í fang,
munn að eigin bringu,
skörpum fleygist skeiðs á gang,
skrokkinn teygi fróns um vang.
Þolinn, hraustur grjót og grund
grípi laust með fótum,
vaði traustur ekru und,
eins og flaustur taki sund.
Enga hræðist undra sjón,
að þó slæðast kunni,
viss að þræða veg um frón,
vænn á hæð og frár sem ljón.
Leggjanettur liðasver
lag sé rétt á hófum,
harður, sléttur, kúptur hver,
kjóstu þetta handa mér.
Umsjón:
Árni Geirhjörtur Jónsson
kotabyggd1@gmail.com
Líf og starf
MÆLT AF
MUNNI FRAM
G
Dagur sauðkindarinnar var
haldinn í Skeiðvangi Hvolsvelli
hinn 19. október síðastliðinn. Félag
sauðfjárbænda í Rangárvallasýslu
sá um daginn, sem var haldinn í 6.
sinn, og fjölmenntu að sjálfsögðu
bændur og búalið.
Á sýninguna komu efstu hrútar úr
sýningum í hverri sveit milli Þjórsár
og Markarfljóts og voru dæmdir upp
á nýtt. Efstu lambhrútar urðu:
1. Nr. 392 frá Kaldbak með 37,5 stig
fyrir BML og 87,5 heildarstig. F:
Arður Kaldbak.
2. Nr. 6371 frá Butru með 37 stig
fyrir BML og 88 heildarstig. F:
Spíri Butru.
3. Nr. 23 frá Hólmum með 37 stig
fyrir BML og 87,5 heildarstig. F:
Borði Hesti.
Veturgamlir hrútar
1. 12-515 Svanur frá Kálfholti með
37 stig BML og 89 heildarstig. F:
Bjarmi Lyngholti.
2. 12-354 Reykur frá Hemlu með
37 stig BML og 88 heildarstig. F:
Reynir Skjaldfönn.
3. 12-082 Geiri frá Austvaðsholti
með 36,5 BML og 87 heildarstig.
F: Barði Austvaðshólum.
Gimbrar
1. Nr. 454 frá Teigi 1 með 9,5 fyrir
frampart og 19 fyrir læri.
2. Nr. 420 frá Hlíðarendakoti með
9,5 fyrir frampart og 19 fyrir læri.
3. Nr. 35 frá Álfhólum með 9,5 fyrir
frampart og 18,5 fyrir læri.
Litfegursta lambið
Gestir völdu litfegursta lambið og
var valin móhöttótt, flekkótt gimbur
frá Skíðbakka.
Verðlaun voru veitt fyrir 5 vetra
ær sem standa efstar í kynbótamati
í sýslunni. Efstu 5 ærnar voru frá
Skarði og Skarðshlíð. Efsta ærin var
08-205 frá Skarðshlíð með 118.5 stig.
Þyngsti innlagði dilkurinn
vóg 29,7 kg
Veitt voru verðlaun fyrir þyngsta
dilk úr sýslunni lagðan inn hjá SS
nú í haust. Hann var frá Vilborgu
Hjördísi Ólafsdóttur í Skarðshlíð og
vóg 29,7 kg.
Þá var útnefnt ræktunarbú
Rangárvallasýslu 2012, Raftholt í
Holtum.
Styrktaraðilar sýningarinnar voru
Arion banki, SS sem gaf gestum
kjötsúpu og Ítalíulæri fyrir þyngsta
dilkinn. Aurasel og Fóðurblandan
lánuðu grindur.
Verðlaunagripir voru
útskornir af Ragnhildi
Magnúsdót tur í
Gígjarhólskoti og mynd
máluð af Gunnhildi
Jónsdóttur Berjanesi.
Í lokin voru boðin
upp þrjú lömb sem voru gefin til að
standa undir kostnaði og einnig einn
forystuhrútur.
Björk frá Selsundi kom með
rokkinn og leyfði gestum að spreyta
sig á spunalistinni. /Einar
Félag sauðfjárbænda í Rangárvallasýslu hélt dag sauðkindarinnar á Hvolsvelli:
Litfegursta lambið var móhöttótt,
flekkótt gimbur frá Skíðbakka
Guðbjörg og Rútur Skíðbakka með litfegurstu gimbrina. Myndir / Einar Magnússon
Björk Rúnarsdóttir Selsundi komin með aðstoðarmanneskju á rokkinn.
Með efstu veturgömlu hrútana. Ísleifur í Kálf-
holti, Vignir Hemlu og Jón í Austvaðsholti.
Með efstu gimbrar. Sara Álfhólum, Ásdís Hlíðar-endakoti og Jens í Teigi.
Ólafur Tómasson Skarðshlíð, Erlendur Ingvarsson
og Sigríður Skarði.