Bændablaðið - 31.10.2013, Blaðsíða 12

Bændablaðið | Fimmtudagur 31. október 201312
Fréttir
Jarðböðin í Mývatnssveit:
Hundrað þúsundasti gestur
ársins var kona frá Kóreu
Afkvæmarannsóknir á hrútum
með tilliti til kjötgæða hafa
verið stundaðar meðal bænda
með góðum árangri í ára raðir.
Styrkur er veittur af fagfé
sauðfjársamningsins og gilda sömu
reglur í haust líkt og síðustu ár.
Skilyrðið er að á búinu séu 8
hrútar að lágmarki í samanburði
þar sem hver hrútur á 8 ómmæld
afkvæmi af sama kyni og 15 lömb
með sláturupplýsingar. Styrkurinn er
10.000 kr. og verður hann greiddur
beint til bænda. Eins og fjallað var
um í Bændablaðinu fyrr í haust
þurfa bændur að senda staðfestingu
í tölvupósti á ee@rml.is um að
uppgjöri í Fjárvís sé lokið. Miðað
var við 31. okt en ákveðið hefur
verið að framlengja þann frest til 15.
nóvember næstkomandi.
Til að gagna frá þessu í Fjárvís.
is er valin „afkvæmarannsókn“ og
síðan er annarsvegar gert upp fyrir
lifandi lömb og hins vegar út frá
kjötmatsniðurstöðum. Þegar hafa þó
nokkrar staðfestingar borist, ýmist
beint frá bændum eða í gegnum aðra
ráðunauta. Bændur geta vissulega
leitað hjálpar hjá ráðunautum RML
við að ganga frá þessu eða ræða
niðurstöður en ef bændur óska eftir
því að ráðunautar sjái alfarið um
að ganga frá afkvæmarannsókninni
fellur það undir gjaldskylda vinnu.
Lykilatriðið er að menn hafi af þessu
gagn, skoði gögnin og túlki þau út frá
þeim forsendum sem að baki liggja.
Á heimasíðu RML undir sauðfjárrækt
má finna leiðbeiningar um hvernig
afkvæmarannsókn er gerð upp.
Eyþór Einarsson
Ábyrgðarmaður sauðfjárræktar
hjá RML
Fáir þekkja það betur en
bændur hvað þarf til í ræktun,
hvort sem er til að rækta tún,
ær, kýr eða hross. Fyrst þarf
að ákveða hvert á að stefna, er
markmiðið þykkari bakvöðvi,
betri fótaburður eða fleiri
lítrar? Þegar markmiðið er
ljóst þarf að taka ákvörðun um
leiðir að settu marki og byrja.
Eftir það þarf fyrst og fremst
ákveðni, vinnusemi, staðfestu
og þrautseigju til að ná þeim
árangri í ræktuninni sem stefnt
er að.
Á sama hátt er hægt að taka
ákvörðun um að rækta sína eigin
hamingju og nú skora ég á þig að
ákveða að nýta veturinn til að auka
eigin hamingju. Þú ert verðug og
mikilvæg manneskja, það er bara
til eitt eintak af þér og þú hefur
aðeins í hendi þinni þá leið sem
þú gengur núna, einmitt í dag, þína
lífsleið. Gefðu sjálfum þér þá gjöf
að rækta þína eigin hamingju, það
bætir ekki aðeins líf þitt heldur
líka þeirra sem standa þér næst,
vina, vinnufélaga og nágranna.
Ef til vill hugsar þú nú sem
svo, já gott og vel en hver er hún
þessi hamingja og er eitthvað gagn
í henni? Sálfræðingar hafa rann-
sakað og skilgreint hamingjuna og
hún einkennist af tíðum jákvæð-
um hughrifum, lágmarks upplifun
á neikvæðum hughrifum og ríkri
lífsgleði og það er sannarlega gagn
í henni. Viðamiklar rannsóknir
hafa sýnt að hamingjusömu fólki
tekst betur en þeim sem njóta
minni hamingju að mynda farsæl
og gefandi sambönd við maka,
börn, fjölskyldu, vini og í félags-
lífi. Hamingjusömu fólki vegnar
betur í vinnu, afköstin verða betri
og viljinn til verka. Hamingjan
eykur sjálfstraust og styrk til að
mæta erfiðleikum, álagi og áföll-
um og hún bætir bæði líkamlega
og andlega heilsu. Rúsínan í
pylsuendanum er að hamingju-
samt fólk lifir einfaldlega lengur.
Sem sagt, hamingjan er ekkert
grín, hún er dauðans alvara!
Þess vegna er afar heppilegt
að það er vitað hvernig við getum
aukið eigin hamingju, þetta eru
engin geimvísindi, þetta er ræktun.
Við náum viðvarandi og sjálfbærri
hamingjuaukningu með því að
nýt verkfæri fræðigreinarinnar,
Jákvæð sálfræði, markvisst og
meðvitað til að rækta okkar eigin
hugsun, hegðun og viðhorf. Sýnt
hefur verið fram á að bestu verk-
færin í hamingjurækt eru tólf, hér
á eftir eru þessi verkfæri listuð upp
í stuttu máli. Hafa ber í huga að
það er persónubundið hver af þeim
gagnast best, við erum ólík og það
sama á ekki við alla. Hægt er að
taka sérstakt próf til að finna út
hvaða fjögur verkfæri passa best
fyrir hvern einstakling nú er upp-
lagt að skoða í verkfærakistuna og
velja sér sjálfur þau verkfæri sem
virka eðlilegust, skemmtilegust og
líkust þínum eigin gildum. Ekki
reyna að tileinka þér öll tólf verk-
færin, veldu úr kistunni þau fjögur
sem passa þér best og ræktaður
þína eigin hamingju með þeim,
ekki hika, gerðu það bara!
1. Þakklæti: Vertu þakklátur
á hverjum degi. Skrifaðu í
þakkardagbók það sem þú
ert þakklátur fyrir sama hve
lítilmótlegt það virðist.
2. Bjartsýni: Ræktaðu með þér
bjartsýni. Skrá niður bestu
mögulegu framtíðarsýnina
fyrir sig, hugsaðu jákvætt,
leitaðu uppi og taktu eftir
jákvæðum hliðum á aðstæð-
um og atvikum.
3. Æðruleysi: Forðastu jórtur,
að velta þér upp úr erfiðum
eða neikvæðum hlutum og
tileinkaðu þér æðruleysi .
Forðastu vangaveltur um
skoðanir annarra og saman-
burð við aðra.
4. Góðvild: Láttu gott af þér
leiða, stundaðu góðverk og
sýndu góðvild á fjölbreyttan
hátt, án þess að ætlast til
endurgjalds, hvort sem er
gangvart vinum eða ókunn-
ugum.
5. Tengsl: Ræktaðu sambönd
og tengsl. Veldu sambönd
við annað fólk sem þarfnast
stuðnings og næringar og
nýtu tíma þinn og orku til að
bæta þessi sambönd og auka
gleðina í þeim.
6. Bjargráð: Komdu þér upp
og lærðu að nýta bjargráð sem
eru úrræði, aðferðir og venjur
til að takast á við vandamál
og erfiðleika, daglega streitu,
áföll, álag og depurð.
7. Fyrirgefning: Lærðu að
fyrirgefa af heilum hug.
Skráðu niður það sem liggur
á þér komdu svo til móts við
einstaklinga sem hafa gert á
þinn hlut, láttu af reiðinni og
fyrirgefðu þeim.
8. Flæði: Gerðu oftar eitthvað
sem veldur því að þú gleymir
stað og stund við krefjandi og
ánægjulegu verkefni og upp-
lifir flæði í eigin lífi.
9. Fögnuður: Taktu eftir, njóttu
og gleddust yfir því góða og
fagra, kallaðu fram jákvæðar
minningar og upplifanir með
hugsun, skrifum, myndum og
í samræðum.
10. Markmið: Veldu nokkur
merkingabær, skilgreind,
afmörkuð, markmið sem hafa
mikið gildi fyrir þig og taktu
frá tíma, orku og annað sem
þarf til að vinna að þeim.
11. Trú/andleg iðja: Ástundaðu
trú á æðri mátt.
12. Líkamsvirðing: Hlúðu að
eigin líkama með hreyfingu,
hvíld og hollri næringu, berðu
höfuðið hátt og brostu.
Heimild: Dr. Sonja
Listin að lifa – geðheilsa
Kristín Linda Jónsdóttir sálfræðingur
Hamingjurækt
HREINDÝRSHORN
Palli hnífasmiður vill kaupa góð, lítil og meðalstór
hreindýrshorn. Ég borga 2000 krónur fyrir kílóið.
Einnig hef ég áhuga á massífum hvalbeinum.
Upplýsingar í síma 899 6903.
Umsóknir um styrki vegna afkvæma-
rannsókna í sauðfjárrækt
Gestum Jarðbaðanna í Mývatns-
sveit hefur fjölgað jafnt og þétt
frá því þau voru opnuð árið 2004.
Baðgestum hefur fjölgað mikið
á þessu ári og höfðu svo dæmi
sé tekið um 30% fleiri gestir
brugðið sér í Jarðböðin á fyrri
helmingi þessa árs en á sama tíma
fyrir ári. Mestu skiptir aukning
erlendra ferðamanna hér á landi,
en stór hluti gesta baðanna eru
útlendingar.
Hundrað þúsundasti gesturinn
frá Suður-Kóreu
Að jafnaði koma 6-800 gestir
í Jarðböðin á hverjum degi og
þegar mest er yfir háannatímann
eru þeir allt að 1.200 talsins. Nú
fyrir skömmu mætti 100 þúsundasti
baðgestur ársins í Jarðböðin
við Mývatn. Þar var á ferðinni
Hyeonsook-Jo frá Suður-Kóreu sem
var í Íslandsferð ásamt dóttur sinni.
S t e f á n G u n n a r s s o n
framkvæmdastjóri afhenti henni
gjafakörfu með ýmsum íslenskum
varningi af þessu tilefni, en haft
er eftir Stefáni í tilkynningu frá
Jarðböðunum að mæðgurnar hafi
ætlað sér að vera eina viku hér á
landi. Ferðin hafi verið ánægjuleg
og Mývatnssveitin skartað sínu
fegursta þegar þær voru þar á ferð
í einstaklega fallegu haustveðri.
/MÞÞ
Stefán Gunnarsson framkvæmdastjóri afhendir Hyeonsook-Jo frá Suður-Kóreu gjafakörfu með íslenskum varningi,
en hún var 100 þúsundasti gestur Jarðbaðanna í Mývatnssveit. Mynd / 641.is
Út er komin skýrsla um jarðhita
og berglög við Laugareyri í
Hörgárdal, sem er jarðhitastaður
á eyrum Hörgár um 5 km innan
við Staðarbakka sem er innsti bær
í byggð í dalnum. Heitt vatn kemur
upp á nokkrum stöðum á eyrinni.
Hiti hefur mælst hæst um og yfir 50
°C á áreyrinni og er víða um og yfir
30 °C í jarðvegi. Þetta kemur fram
á vefsíðu Hörgársveitar.
Í skýrslunni kemur fram að
jarðlögin séu líklega um 9,5 milljón
ára gömul og að jarðlagastaflinn virðist
heillegur og lítt brotinn. Berggangar,
sprungur og smá misgengi skera þó
staflann hér og hvar. Segulmælingar
benda til þess að undir eyrinni séu tveir
berggangar.Hitamælingar í jarðvegi
sýna að mesti hitinn er ofan og rétt
austan við berggangana. Því er dregin
sú ályktun að jarðhitastreymið tengt
þeim.
Æskilegt að bæta við
seglumælingum
Æskilegt væri að bæta við segul-
mælingum í Hörgárdal, sérstaklega
sunnan og austan við Laugareyri.
Slíkar mælingar geta gefið mikilvægar
viðbótarupplýsingar og eru til þess að
gera ódýrar rannsóknir miðað við t.d.
borun grunnra rannsóknarholna. Áður
en til þess kemur að staðsetja djúpa
rannsóknarholu, sem gæti jafnframt
orðið vinnsluhola ef hún heppnast,
þarf að bora nokkrar könnunarholur
í innanverðum dalnum, meðal annars
til að kanna nákvæmlega hitadreifingu
í berggrunninum.
Þá bendir margt bendir til þess að
kerfishiti sé talsvert yfir þeim rúmlega
50 °C hita sem hæst hefur mælst við
yfirborð. /MÞÞ
Ný skýrsla um jarðhita á Laugareyri í Hörgárdal:
Heitt vatn kemur upp á nokkrum stöðum