Læknablaðið - 01.06.1967, Page 46
86
LÆKNABLAÐ’IÐ
Læknafélag Reykjavíkur og Reykjavíkurborg gera með sér svo-
felldan samning um launakjör lækna, sem starfa við sjúkrahús borg-
arinnar.
1. gr.
Föst laun skulu vera á mánuði sem hér segir:
AðstoSarlœknar:
1. launastig (byrjunarlaun) .. .. kr. 12.419.00
2. — — 13.832.00
3. — — 14.591.00
4. — — 15.397.00
5. — — 16.240.00
Sjúkrahúsnefnd ákveður launastig aðstoðarlækna að fengnum til-
lögum starfsmatsnefndar L. í. og/eða L. R.
Deildarlœknar (sérfræðingar):
Byrjunarlaun......................kr. 18.079.00
Eftir 6 ár........................— 19.063.00
Yjirlœknar:
Byrjunarlaun......................— 20.118.00
Eftir 10 ár.......................— 21.222.00
2. gr.
Mánaðarkaup skv. 1. gr. er miðað við 12 eyktir, 3 klst. hverja, þ. e.
36 klst. vinnu á viku, og skal hún innt af hendi á tímabilinu kl. 8—17
alla virka daga, á laugardögum þó einungis kl. 8—12.
3. gr.
Fyrir yfirvinnu í framhaldi af dagvinnu, þar með talin þjónusta
við sjúklinga hlutaðeigandi sjúkrahúss og utanspítalasjúklinga (þ. e.
eftirrannsókn og meðferð á sjúklingum, sem legið hafa á sjúkrahúsinu),
svo og vísindaleg vinna og kvöldstofugangur, skal greidd þóknun, er
nemur föstum mánaðarlaunum skv. framansögðu. Skal þessi greiðsla
innt af hendi í veikindaforföllum skv. gildandi reglum um borgarstarfs-
menn, og gildir sama um orlof og námsferðir.
4. gr.
Fari vinna læknis fram úr 50 klst. á viku, fyrir fasta mánaðar-
kaupið skv. 1. gr. og aukagreiðslu skv. 3. gr., skal greiða fyrir þá vinnu
aukalega.
5. gr.
Læknum ber greiðsla skv. gildandi samningum Starfsmannafélags
Reykjavíkurborgar við borgina fyrir gæzluvaktir og útköll á þeim.
6. gr.
Læknar skulu eigi taka að sér störf utan viðkomandi sjúkrahúss,
nema sérstakt leyfi sjúkrahúsnefndar komi til.