Læknablaðið - 01.06.1967, Side 52

92
LÆKNABLAÐIÐ
og það var endanlega samþykkt, í bréfi frá heilbrigðismálaráðuneytinu
til stjórnarnefndar ríkisspítalanna:
„Með skírskotun til viðræðna undanfarið varðandi kjör yfirlækna
við ríkisspítalana vill ráðuneytið í .samráði við fjármálaráðuneytið stað-
festa, að ákveðið hefur verið, að yfirlæknar skuli fá greidda frá 1. jan.
’66 aukavinnu, er samsvarar 27 eftirvinnustundum og 27 næturvinnu-
stundum á mánuði. Frá sama tíma fái þeir kr. 3.000.00 á mánuði til
greiðslu bifreiðakostnaðar.
Meðan sérfræðingar og aðstoðarlæknar ríkisspítalanna eru laus-
ráðnir, skulu yfirlæknar fá sér.staka þóknun, kr. 3.200.00 í grunnlaun
á mánuði, vegna skorts á aðstoðarmönnum við stjórn deilda sinna, og
skulu þær greiðslur inntar af hendi frá 1. apríl 1966.
Annað hvert ár skulu yfirlæknar eiga rétt á allt að IV2 mán.
leyfi frá störfum á fullum launum, til að kynna sér nýjungar á sviði
sérgreinar sinnar eða til að vinna að vísindalegum verkefnum. Enn
fremur skal þeim heimilt að sækja stutt læknaþing, svo sem verið
hefur.“
Svarar þetta til þess, að yfirlæknar ríkisspitalanna fái sömu laun
og yfirlæknar Reykjavíkurborgar til 1. nóvember, en eftir það séu
þeir um kr. 4.500.00 lægri á mánuði eða sem svarar til lektorslauna.
Þess skal getið, að L. R. var ekki samningsaðili í þessu máli og
hafði ekki önnur af.skipti af því en fela launanefnd félagsins að annast
milligöngu í samningaumleitunum yfirlækna og fjármálaráðuneytisins.
Launanefndin átti nokkurn þátt í samningsgerð við Reykjavíkur-
borg um læknaþjónustu í röntgendeild Borgarspítalans í Fossvogi við
utanspítalasjúklinga, en sá samningur hafði verið undirbúinn af yfir-
lækni röntgendeildarinnar í samráði við ráðamenn Reykjavíkurborgar,
áður en til umsagnar launanefndar kom. Þessi samningur var merkur
að því leyti, að gert var nú ráð fyrir .sérstökum greiðslum til lækna
fyrir hverja röntgenrannsókn á utanspítalasjúklingi til viðbótar föst-
um launum skv. kjarasamningum. Fékkst með því viðurkenning á
þeirri skoðun eða kröfum L. R., sem launanefnd setti fram í bréfi til
Sjúkrasamlags Reykjavíkur árið 1965 og getið er um í síðustu árs-
skýrslu, að greiða ætti sér.staklega fyrir vinnu, sem sjúkrahúslæknar
framkvæmdu á utanspítalasjúklingum. Röntgensamningurinn var und-
irritaður 24. marz. En þegar gengið hafði verið frá áður umtöluðum
launasamningi við Reykjavíkurborg hinn 29. apríl, varð samkomulag
um, að hann skyldi einnig ná til röntgenlækna, ef þeir kysu það fremur.
Samningur um kjör ráðgefandi sérfræðinga við Heilsuverndarstöð
Reykjavíkur og ríkisspítalana: Stjórn og launanefnd L. R. líta svo á,
að haganlegast sé að .semja fyrir alla sérfræðinga við sjúkrahúsin í
einu lagi, hvort sem þeir vinna þar fulla vinnu eða hluta úr degi. í
samræmi við þessa skoðun samþykktu ráðgefandi sérfræðingar (konsul-
entar), sem hlut eiga að máli, á fundi rétt fyrir jólin að framlengja
samninga óbreytta til 1. júlí 1967.
Á síðastliðnu starfsári hefur launanefnd L. R. haft ýmis fleiri mál
til meðferðar, aðallega þó varðandi tvo áðurgreinda launasamninga.
Því fékkst framgengt, að fastráðinn læknir við barnadeild Heilsu-