Læknablaðið - 01.12.1970, Page 11

LÆKNABLAÐIÐ
167
siglingakostnaðar o. fl. Þá skýrði hann frá bréfum, sem farið hafa
milli læknafélaganna og ríkisskattstjóra. Hann las greinargerð um þörf
lækna til bifreiðanotkunar. Þessi greinargerð var samin 20.12. 1968 og
send ríkisskattstjóra. Fulltrúar fengu afrit af þessum bréfum og grein-
argerðum. Þá var og lesið bréf frá formanni L.í. til ríkisskattstjóra,
dags. 23.4. 1969. Beðið var eftir viðtali við ríkisskattstjóra, en hann
hafði verið veikur undanfarið.
Þá gat Sigmundur Magnússon þess að lokum, að meðal annars
vegna þess, að engin leiðrétting hefði fengizt á þeim reglum, sem Skatt-
stofan hefur sett um leyfðan frádrátt vegna reksturs læknabifreiða
(reglugerð frá 1966), svo og vegna þess, að gjaldskrárnefnd hefði ekki
lokið störfum, hefði kjarasamningum verið frestað til þessa.
Spurt var um, hver væri viðurkennd aðild eiginkvenna að ,,praxís‘‘
manns síns. Upplýsingar lágu fyrir um það frá skrifstofu L.R., að hún
væri metin frádráttarbær til skatts kr. 15.000.00. Aftur á móti hafði
Sigurður Ólason þá sögu að segja frá skattstjóranum á Akureyri, að
um þetta gilti engin viðtekin regla, heldur matsatriði hverju sinni.
3. mál. Lœknanámskeið
Formaður L.í. gerði grein fyrir breyttu fyrirkomulagi námskeið-
anna og hvernig þau væru þugsuð framvegis. Gert er ráð fyrir viku
námskeiði (symposium), þar sem ákveðin kerfi (líffærakerfi) yrðu
tekin fyrir. Er hann hafði skýrt þetta nánar, leitaði hann álits full-
trúanna, sem voru fyrirkomulaginu samþykkir, og eins þátttökugjald-
inu 2.000 kr. með hádegisverði, en 1.000 kr. án hans.
Þá taldi hann fjárhagsstuðning frá læknadeildinni líklegan, er
nema mundi 30.000 kr. gegn gjaldfrírri þá,tttöku stúdenta í síðasta
hluta.
4. mál. Centromed
Formaður L.f. gat þess, að nú gæti það tæplega dregizt lengur að
taka lokaákvörðun um stofnun þess. Sænskir læknar eru með stórt
verzlunarfyrirtæki. Okkar fyrirtæki er hugsað sem umboðsfyrirtæki
eða pöntunarfélag. Ef stofna ætti hlutafélag, yrðu læknar að stofna
það sjálfir, en síðan keyptu læknafélögin allt að 90% hlutabréfanna.
Þetta væri hugsað sem tekjuöflunarleið fyrir skrifstofuna og einnig
og ekki síður til að afla góðra lækningatækja á hagkvæmu verði. Alls
ekki mætti hugsa um birgðamyndun. Skrifstofan ætti að geta annazt
þetta að dómi Láru Ragnarsdóttur.
Guðjón Eyjólfsson taldi þetta hagstætt, ef starfskraftur er fyrir
hendi, sem gæti nýtzt til þessa, þegar önnur verkefni kölluðu ekki að.
Fulltrúarnir voru því allir fylgjandi að stofna til þessa, ef því fylgdi
ekki teljandi stofnkostnaður. Sigmundur Magnússon með þeim fyrir-
vara, að samþykki L.R. fengist fyrir því. Þá aðeins fæst að halda
nafninu „Centromed“, að íslenzkt nafn komi þar fyrir framan. Vísað
til orðanefndar.