Læknablaðið - 01.12.1970, Page 58

194
LÆKNABLAÐIÐ
6. Samtökin hætta:
Ef löglega boðað fulltrúaþing samþykkir að leggja samtökin
niður, skulu eignir samtakanna renna til Rauða Kross íslands.
7. Lagabreytingar:
Lögum þessum ntá aðeins breyta á fulltrúaþingi; lagabreyting-
ar .skulu boðaðar með fundarboði.
FYLGISKJAL 6.
Til ríkisskattstjóra,
hr. Sigurbjörns Þorbjörnssonar,
Reykjanesbraut 6, Reykjavík.
Sem svar við bréfi ríkisskattsstjóra, dags. 27.3. 1969, vill stjórn
Læknafélags íslands taka fram eftirfarandi:
Bifreiðaþörif læknis í starfi getur ekki miðazt eingöngu við það,
hversu miklar ’heimilislækningar hann stundar. Númerafjöldi er ó-
fullnægjandi mælikvarði á bifreiðaþörf heimilislækna. Sums staðar
utan Reykjavíkursvæðisins, í heilum héruðum, eru stundaðar heimilis-
lækningar, án þess að um nofckur númer eða númeragreiðslur sé að
ræða.
Sumir héraðslæknar eru á vöktum allan sólarhringinn, alla daga árs-
ins, og verða fyrirvaralaust að sinna öllum sjúkdómstilfellum. Marg-
ir þeirra vinna að litlu eða engu leyti eftir númerafcerfi.
Starfshættir almennra lækna og sérfræðinga hafa breytzt á síðari
árum og munu halda áfram að breytast á þann hátt, að hópsamvinna
eykst og einnig gæzluvaktþjónusta sérfræðinga við heilbrigðisstofnan-
ir og sjúkrahús.
Þá fer einnig í vöxt, að sami læknir vinni á mörgum stoínunum og
þurfi að ferðast á milli í vinnutíma, auk þess sem, allir sérfræðingar
þurfa að sinna vitjunum að einhverju leyti.
Með tilkomu gjörgæzludeilda, sem verið er að setja á stofn hér í
höfuðborginni og einnig eru fyrirhugaðar utan Reykjavíkursvæðisins,
eykst þörf á náinni og fyrirvaralausri samvinnu lækna um sjúkdóms-
tilfelli, sem enga bið þola. Má raunar segja, að læknar, sem ekki ráða
yfir tiltæku farartæki allan sólarhringinn, séu ónothæfir í slíku sam-
starfi og geti eigi sinnt gæzluvöktum.
Gæzluvaktþjónusta með einum eða öðrum hætti fylgir flestum störf-
um sérfræðinga og annarra lækna við sjúkrahús og stofnanir, hvar sem
er á landinu. Bifreið er því ómissandi tæki í störfum lækna og frá
skattalegu sjónarmiði í flestum tilvikum forsenda þess, að unnt sé að
afla tekna við slík störf.
Þá er lögð sérstök áherzla á, að afskriftir séu að fullu viðurkenndar
frádráttarbærar hjá öllum læknum, svo og bifreiðaskattur og skyldu-
trygging.