Læknablaðið - 01.12.1970, Qupperneq 78

210
LÆKNABLAÐIÐ
7. gr.
Reglugerð þessi kemur til framkvæmda strax, að því leyti sem
aðstæður leyfa að mati sjúkrahússtjórnar, en að öllu leyti eigi síðar
en 1. apríl 1970.
Reglugerð þessi, sem samin er og samþykkt af stjórn Sjúkrahúss-
ins í Húsavík, staðfestist hér með samkv. 3. mgr. sjúkrahúslaga nr.
54/1964 til þess að öðlast gildi þegar í stað og birtist til eftirbreytni
öllum þeim, sem hlut eiga að máli.
Dóms- og kirkjumálaráðuneytið 11. apríl 1969.
Jóhann Hafstein Jón Thors
(Sign.) (Sign.)
FYLGISKJAL 9 C
Reykjavík, 29.7.1969.
Sem svar við fyrirspurn stjórnar Sjúkrahúss Húsavíkur 28.7.1969
vill stjórn Læknafélags íslands taka fram eftirfarandi atriði:
1. í umræddar athugasemdir Daníels Daníelssonar teljum við, að
vant.i eftirfarandi atriði:
a) Stjórn Sjúkrahúss Húsavíkur bauð Læknafélagi fslands að til-
nefna fulltrúa í nefnd til að semja uppkast að reglugerð um sam-
starf lækna við sjúkrahúsið á Húsavík. Stjórn L.f. tilnefndi þá Pál
Gíslason yfirlækni í nefnd þessa.
b) Við samningu uppkastsins var stuðzt við „grind“ að samstarfi
lækna á Húsavík, sem stjórn L.í. hafði áður samið.
c) Fulltrúi L.í. í nefndinni skýrði formanni félagsins frá niðurstöð-
um nefndarinnar um reglugerðaruppkast, sem síðar var kynnt
stjórnarmönnum, og komu þá fram fáar viðbótarábendingar, sem
flestar voru efnislega teknar til greina.
2. Reglugerðaruppkastið var þannig samið í samráði við stjórn L.Í.,
en síðar skýrði Áskell Einarsson formanni L.f. frá því, að smá-
vægilegar breytingar hefðu verið gerðar á því, áður en það var
sent dómsmálaráðuneytinu, sem reglugerð til endanlegrar staðfest-
ingar. Reglugerðin fullfrágengin var hins vegar ekki formlega borin
undir stjórn L.í.
3. Varðandi óskir um skýringar á 4. grein Codex Ethicus teljum við,
að grein þessi skýri sig sjálf og sendum við eintak af Codex Ethicus,
sem trúnaðarmál, hér með. Við væntum, að þetta séu nægjandi upp-
lýsingar varðandi þessi atriði.
Virðingarfyllst,
f. h. stjórnar Læknafélags íslands,
Arinbjörn Kolbeinsson
form.
Stefán Bogason
gjaldk.
Friðrik Sveinsson
ritari