Læknablaðið - 01.12.1970, Síða 79

LÆKNABLAÐIÐ
211
FYLGISKJAL 9 D
Stjórn L.Í.,
Domus Medica,
Reykjavík
í tilefni fullyrðingar stjórnar Sjúkrahússins á Húsavík í blaða-
grein nýverið þess efnis, að ég rangtúlki það, að mættir stjórnarmenn
L.í. og lögfræðingur félagsins hafi á fundi stjórnar L.í. þ. 19. maí
sl. tjáð mér, að þeir hafi ekki séð „Reglugerð um störf lækna við
Sjúkrahúsið á Húsavík“, fyrir staðfestingu hennar, sem og, að for-
maður L.í. hafi ekki séð reglugerðina fullbúna fyrir staðfestingu, leyfi
ég mér að krefjast þess, að stjórn L.í. birti þegar í stað í dagblöðum
Reykjavíkur skýlausa yfirlýsingu um, að ummæli mín séu rétt, en
aðdróttanir sjúkrahússtjórnar í minn garð uppspuni.
Húsavík, 17. ágúst 1969,
Daníel Daníelsson, sjúkrahúslæknir
FYLGISKJAL 9 E
Afrit til L.í.
Vegna fjölda áskorana fólks á Húsavík og sveitum Þingeyjarsýslu
hefi ég fallizt á að gegna störfum sjúkrahússlæknis á Húsavík áfram
samkvæmt núgildandi reglugerð, (að svo miklu leyti, sem hún brýtur
ekki í bága við læknissamvizku mína, sbr. 4. grein Codex Ethicus (siða-
reglur lækna)), ef stjórn Sjúkrahúss Húsavíkur fellst á að afturkalla
uppsögn sína á starfi mínu við sjúkrahúsið.
Hinsvegar tel ég, að um svo veigamiklar breytingar sé að ræða
með setningu hinnar nýju reglugerðar um starfrækslu Sjúkrahúss
Húsavíkur, að óhjákvæmilegt sé að láta fram fara athugun á, hvort
hún stangast ekki að einhverju leyti á við gildandi sjúkrahúsalög.
Tel ég nauðsynlegt fyrir alla aðila, er mál þetta varðar, að sú
athugun fari fram, hver sem niðurstaðan kann að verða.
Húsavík, 22. júlí 1969,
Daníel Daníelsson, læknir
FYLGISKJAL 9 F
21. ágúst 1969.
Hr. hrl. Guðmundur Ingvi Sigurðsson.
Hér með ljósrit af bréfi Daníels Daníelssonar sjúkrahúslæknis til
stjórnar Sjúkrahúss Húsavíkur, dags. 22. júlí 1969, varðandi afstöðu
hans til reglugerðar, sem sett hefur verið um störf lækna við sjúkra-
húsið.
Stjórn Læknafélags íslands óskar eftir áliti yðar, hr. hæstaréttar-
lögmaður, á eftirfarandi atriðum:
Teljið þér, að fyrirvari sá, sem læknirinn nefnir í bréfi sínu, tákni
á nokkurn hátt synjun á því að starfa eftir reglugerð sjúkrahússins í
öllum atriðum?
Ef þér teljið, að takmörkun felist í bréfi læknisins varðandi fram-